Gyu Gyu Shabu Shabu♨️ All You Can Eat
.
.
北角都有一间牛牛Gyu Gyu，系正我爱既商场北角汇里面，一人一锅火锅♨️，卫生又干净。趁住Weekend 来个Shabu Shabu，90mins 任食放题，好丰富食得真系好满足啊。而且大玻璃窗卡位，下午阳光充沛，餐厅通透感十足，有阳光既地方☀️ 食饭特别醒神啊。

今次同朋友分别点选左：
日式蕃茄锅 & 牛牛秘见锅 (浓浓甜甜)。
.
l[谷饲牛套餐 (90mins) 放题]l $198
✨澳洲谷饲牛
✨美国顶级牛肉
✨严选特级牛肉
✨纽西兰草原羊肩肉
✨丹麦皇冠豚肉
.
牛肉质素不错，而且无限添加。上菜速度好快，而其他配菜 亦可以自助形式添加，食材都好新鲜呢。雪糕 亦有MovenPick 3款口味 & Oreo 雪条，总括食得好开心又满足啊。最后肚皮满满地离开。
.
.
静情情话你知。。餐厅最近会于 24/4 - 25/4将举办「牛の恋大胃王比赛」，自问系一枚大胃王可以一战参加啊啊啊。or 唔食都可以一齐支持下架。哈哈
.
.
×××[牛牛日式火锅放题 -Gyu Gyu Shabu Shabu]×××
©北角渣华道123号北角汇2期1楼110-111号舖
.
.

辞工后终于可以安心四出吃喝玩乐, 今晚丫妹放工约我去食一人一锅火锅放题。
牛牛日式火锅放题 北角店, 离北角地铁站出口只系一条马路之隔, 交通方便。
餐厅门外以色彩缤纷霓虹灯做装饰, 很eye-catching。

8款汤底+多款火锅肉类套餐选择, 更可自选加钱追加海鲜/清酒任饮

餐厅楼底高, 感觉没有压迫感, 每个座位下都放有篮子放置个人物品, 可以舒舒服服打边炉。

酱料、饮品、丸类、蔬菜、雪糕设有自助区, 补给都几快, 未出现过吉盘。

饮品方面有罐装汽水、冰茶

我地拣左美国产特级牛肉放题套餐
汤底方面就拣左比较清嘅牛牛秘见锅、大地鲣鱼锅

肉类以QR code落单, 每款均为薄切, 稍为焯几秒就食得, 岩哂限时放题可扫多几碟

美国顶级牛肉 相比 严选特级牛肉 油花多dd, 肉比例较多, 嫩滑度较低, 但因为拣左比较清嘅汤底, 细味都食到淡淡肉香。

羊肩肉: 有阵阵羊羶味, 不过唔会太浓烈, 易入口

豚肉: 色泽粉嫩, 脂肪偏少, 质地几嫩

然后我地再Order第二round, 不过质素比起第一round好似有d出入

还是主攻自助区, 配料中其一必食就系特长蟹柳, 味道鲜甜,
另外, 芝士肠中心真系有爆芝ga!

90分钟食到饱饱, 满足~

前几日又去左食火锅！

系北角汇牛牛日式火锅放题GyuGyu Shabushabu

同朋友拣左澳洲谷饲牛套餐 90分钟晚市放题 $ 238

套餐可免费追加:

澳洲产长期谷饲牛

美国顶级牛肉

严选特级牛肉

丹麦皇冠豚肉

每款牛肉质都有质素，特别系澳洲产长期谷饲牛，肉味香浓，油花分布均匀。豚肉肉香软嫩，入口即溶。

厨师将牛肉同猪肉片都切得好薄，放落锅滚5秒就食得，眨吓眼就清左一碟，无限任添，适合食肉兽～

自助放题区仲有多款选择，摆放得井井有条，新鲜得来又干净卫生有肉类、丸类、菇类及蔬菜等。

当中成晚食得最多就系羽衣甘蓝，非常有营养价值，出面街市买都唔平～食返够本！

美人豆乳锅

以香醇细滑的豆乳配上日本酱油调制成的滋润锅，美人锅顾名思义就系有美肌功效，最岩女士食用

黄金酸菜锅

酸酸辣辣好过瘾放啲粉皮同金菇落去，吸晒汤底精华，超好味！

自助区还提供鲣鱼汤，俾我地煲到咁上下就以自行可加汤底，非常方便。

仲有酱料区，生蒜头、酱油、葱、辣椒、香菜、芫荽，麻酱样样齐。

另外竟然有溏心蛋、咖喱饭，卤水，样样都好吃。多款饮品同啤酒成个柜俾你慢慢拣。

仲有MovenPick雪糕都系任食，

共有三款，有朱古力、云尼拿、士多啤梨味，三种经典味道都好好吃见到周围嘅细路都食得好开心！

好耐无去北角汇 Shopping，印象中对上一次嚟已经系大半年前嘅事。见今日放假，提议过去商场逛逛，顺便在场内觅食。

无嚟一排，原来场内多咗好多新嘅商舖同食肆。两口子一向都很钟情打边炉，今次就拣咗间日式火锅放题店，餐厅主打一人一锅，既方便又衞生。

到埗后要先喺门口选定吃边款套餐同埋汤底，我哋拣咗个 90 分钟嘅「美国顶级牛肉放题套餐」($178)，而汤底就选了美人豆乳锅 同 骨胶原猪骨锅。

入座后，两款汤底就即时送上，效率超高。美人豆乳锅以日本豆乳及酱油调制而成，入口香醇细滑，够晒滋润。

骨胶原猪骨锅应该用咗唔少猪骨熬制，汤内有明目嘅杞子，真材实料，饮落好似住家汤水一样，完全无味精，好味又健康。

套餐可以任食几款肉，包括有：美国直送顶级牛肩胛、丹麦皇冠豚梅肉、纽西兰绿之草原羊肩肉。牛肉嘅质素真系唔错，牛味好浓，肉质柔软兼富肉汁，入口油香十足。

至于另外两款羊肩肉同豚梅肉，食味亦不俗，羊肩肉肉质好香甜，入口完全无腥臊味；而薄切的豚肉，肉味亦非常浓郁，肉质细腻腍身，肉带有脂肪，入口即溶。

食完几款肉，又系时候出去自助吧台拿点配料和菜蔬调剂一下。哗！选择真系好丰富，除了有较大路嘅贡丸、牛筋丸、芝士肠、莲藕、娃娃菜等之外，仲有平日放题较少见嘅猪肚丸、台湾蛋饺、羽衣甘蓝、日本京水菜、红心萝卜等等。

至于饮品亦有多款选择，有罐装汽水、啤酒、乌龙茶、爆杯西柚等。要特别推介当中嘅樽装冷泡茶，无糖及无添加，啖啖坚茶味，清新透心。

最惊喜系竟然有 Mövenpick 雪糕、超级大脚板 同 Oreo 雪条任吃，净食雪糕、雪条已经值回票价！

有人话一刹那光辉唔系永恒，我就话时间
比金钱更重要，就好似系「牛牛日式·火锅
放题」里面一样，呢90分钟眨下眼就过。
如果我有蚂蚁般咁顽强既生命力，日以
继夜ON CALL 24小时，每日不断系资本
主义往上游，到我熄灯果日先发觉无真真
正正享受过，呢d唔系叫生活，叫生存。
既然面前有一大堆肥牛等紧你，何不夹
到埋黎就食左先？活在当下呀朋友。
-
90分钟·晚市放题套餐 - $218/Head
▪ 大地·鲣鱼汤 -
▪ 美人·豆乳锅 -
▫ 汤底之所以咁重要，系因为佢会直接或
间接影响每一款食材既味道，呢到既设计
几特别，以一人一锅形式，尤其是系疫情
底下，呢种咋类隔离方式亦几有谂头。
今次分别试左大地鲣鱼汤同埋美人·豆乳锅，
前者较为清淡，着重带出食材既原味道；
而后者为皮肤着想之余，同时为食材
添加多一份豆香。
-
▪ 美国·顶级牛肉 -
▫ Staff先放上三盘肉食者最爱，分别先
黎呢个美国顶级牛肉，每条色泽光亮，
薄切均匀，半分钟都唔洗即烚即食，
口感岩岩好；而肉味亦几够浓香，
入口特别腍滑，唔错。
-
▪ 丹麦直送·皇冠豚梅肉 -
▫ 再黎就系呢款皇冠豚梅肉，脂肪比例
睇落几靓仔，值得一赞既肉质唔会太瘦，
仲带少少油香；烚耐左亦唔怕会太干身，
以放题质素黎讲，绝对对得住价钱！
-
▪ 纽西兰·绿之草原羊肩肉 -
▫ 放题比较少有既羊肩肉都有得比你试埋，
羊肉就不过不失，食落带点羊骚味；
唔会令人好抗拒，同时又食到肉香，
可以一试。
-
▪ 火锅·配料区 -
▫ 唔会令你失望既当然仲有一系列疯狂
任食既新鲜唐生菜、娃娃菜、油麦菜
呢D绿色力量先啦；亦唔少得贡丸、
乌冬、墨鱼丸，真系令你乐而妄返呀。
不过最印象深刻系竟然有无限任食
Movenpick品牌雪糕同埋Oreo雪条，
作为甜品控既我真系开心到落尾呀！
-
牛牛日式·火锅放题
北角渣华道123号北角汇2期1楼
110-111号舖