性价比高嘅火锅放题

呢到系一人一火锅，环境寛敞又舒服，而且有窗口位，仲可以见到个海架，都几正 讲返野食先... 点咗“日本产顶级黑毛和牛90mins 放题套餐”(HK$338) 包括咗多款嘅肉类

拣左拣店内最顶级既日本产黑毛和牛
仲可以疯狂食埋人气牛肉大块牛小排
牛肉筋肉比例非常靓❤️肉质软嫩Q弹
因为汤底已足料点唔点酱一样咁好味
估唔到仲有羊食！！整体几满意

牛の恋大胃王比赛将会系24/4-25/4举办

麻辣同酸辣呢两个汤底亦特别推荐
酸有酸菜而且比较开胃同最清新
麻就想像中温和有加红枣蜜枣，麻而不呛、呛而不辣、温而不火，可以自己调一个更加辣嘅酱
店内自设嘅樽装茶，食开放题嘅一定识饮呢啲

最近小编嘅朋友生日饭话想打边炉庆祝，揾去边度食嘅途中比我揾到呢间位于荃湾海之恋嘅日式火锅放题，食完仲可以去Donki行阵街添餐厅环境都几舒服，有啲位仲对住个开扬靓靓大海景，气氛都特别正
_
今次同朋友试左90分钟限时嘅日式火锅放题，餐厅有提供唔同价位选择，今次就试咗佢哋嘅$218美国顶级牛肉放题套餐餐厅采用一人一锅，小编同朋友今次就拣咗牛牛秘见锅同日式麻辣锅，牛牛秘见汤味道其实系甜豉油汤底，麻辣汤底味道亦够香浓
_
呢款套餐可以任食美国顶级牛肉 、纽西兰羊肩肉同丹麦皇冠豚肉估唔到呢款牛味道都唔错，食落去唔会好鞋有牛肉味✌另外出边都有一啲熟食同火锅配料，值得一赞餐厅每一台都会提供私家夹等大家可以用返自己个夹出去夹野，相对比较卫生熟食方面推介芝士虾球，入口酥脆弹牙

自助区亦有多款蔬菜及丸类，蔬菜比较特别嘅系有羽衣甘蓝、豆苗、黑木耳、海带结等，另外推介大家可以试吓特长蟹柳，配埋汤底一齐食非常惹味，另外餐厅都会有返啲面食包括公仔面、薯粉等等
_
饮品方面亦有提供多款选择，啤酒任饮，另外佢哋都有款自家制冷泡茶，入口清新有助解腻雪糕方面就有两款MOVENPICK雪糕同Oreo雪条等等，整体CP值都唔错

今晚同一位北角人食饭，佢话北角汇有一间牛牛日式火锅放题都几多人帮衬，大家都好喜欢shabu shabu, 所以就去试下。

呢间牛牛都几半自助式，除咗蔬菜丸类饮品雪糕同其他日式火锅一样都系自己出去拎，呢度连加汤都可以自助，点肉类海鲜就可以扫QR code落单，好方便。

我哋拣咗价钱最贵嘅美国牛小排牛舌放题，火锅时间系90分钟，拣呢个主要系因为佢有海鲜钦点，仲有清酒同Asahi啤酒任饮，啱晒酒鬼嘅朋友。

蔬菜丸类小食嘅种类十分多，睇图啦唔讲咁多，我最欣赏系佢嘅羽衣甘蓝系有紫色只，系好味好多㗎 ！我哋夹咗劲多来食。

饮品有自家炮制嘅茶或者罐装饮品，梗有几款啱你。

呢度嘅上菜速度都几快，当我哋未夹完蔬菜，寿喜烧汤底、两碟牛、牛舌、海鲜（有剥左壳嘅虾、鲍鱼、扇贝、青口）、墨鱼滑已经到齐。

全部牛小排肥瘦适中，劲有牛味，我觉得好好食，绝对值得比多几十蚊去upgrade。而且佢哋水准稳定，第一碟牛小排同之后嚟嘅都系一样质素咁好。牛舌都唔错，另外我哋都叫咗猪梅肉，又系好味道，一啲都唔肥。

海鲜亦都唔差，他已经剥咗壳， 食时好方便，而且系新鲜爽口的。鲍鱼我哋encore左几次，好弹牙好正。扇贝大大粒，同青口一样都好新鲜。

墨鱼滑好大盒，个盒有啲难开，不过揾咗姐姐帮我哋开，佢都好帮手，出尽九牛二虎之力终于都开到，辛苦晒佢。不过我哋两个人食唔晒咁大盒墨鱼滑，如果可以细盒啲就唔使浪费。

我哋好努力咁系咁刷系咁刷，转眼就食咗一个钟有多，系时候食甜品啦！

甜品就有movenpick雪糕、大脚板薯条同埋Oreo雪条拣，我就梗系movenpick啦, my favorite呀！

去开荃湾海之恋donki买野，见到有间系北角都食过几好食既牛牛日式火锅放题，一于就系度食晚餐啦。

牛牛日式火锅放题有好几款唔同价钱既牛肉放题可以选择，时间系90分钟。今次我地就选择左食美国顶级牛肉放题套餐。除左任食顶级牛肉同特级牛肉，仲有丹麦皇冠豚肉同纽西兰羊肩肉。

一人一个汤底，我同朋友就选择左酸菜汤同牛牛秘见汤。酸菜汤味道好浓，怕辣既朋友就可能唔系几岩，牛牛锅系甜甜地既寿喜烧汁味。

顶级牛肉睇落相当靓又新鲜，切得好薄，色泽红润。食落都好有牛味。即刻追加几碟

羊肩肉原本怕会羶，点知完全唔会㖞，肉质仲几好。

除左任食肉类，当然仲有好多自助区有好多菜呀丸呀可以自己任拎任食。芝心丸特别推荐。各种蔬菜都好新鲜，仲有几款炸物，食唔哂呀

甜品同饮品都好多选择，有movenpick雪糕同orea同大脚八雪条，又有自家冷泡茶。
。
。
牛牛日式火锅放题
荃湾大河道100号海之恋商场1楼1010号舖
。
。