放假到新店～閨•家吃午餐， 地點於深水埗欽州街37號西九龍中心3樓319號舖。 店內座位不算太多， 餐桌與餐桌之間都密密的。 ▫️午餐點柱侯牛筋腩飯$52、 手剁香煎蓮藕餅紫薯麵$45、 涼拌海蜇手撕雞$38、 熱咖啡$5、熱奶茶$5、 老火湯。

柱侯牛筋腩飯～ 牛筋腩口感軟腍， 味道偏淡。

手剁香煎蓮藕餅紫薯麵～ 蓮藕餅爽脆好味， 紫薯麵顏色攞滿分， 口感帶點煙韌， 但食不出紫薯的味道。

涼拌海蜇手撕雞～ 涼拌小食特別開胃， 海蜇清爽可口， 手撕雞份量多。

老火湯～ 星期一至日都有不同款式的老火湯 ， 點飯餐就會送細盅老火湯， 星期六有 蘋果紅蘿蔔沙參煲咸排骨， 味道清甜。

熱咖啡～ 飲落有少少酸酸地， 奶茶比較好飲。

熱奶茶～ 茶香奶滑， 味道唔錯。

推介喜歡飲靚湯的朋友， 可以來一試。


閨•家
地址: 深水埗欽州街37號西九龍中心3樓319號舖

同朋友去街当然就要食野啦，肚仔饿要去食下野先，见到附近有粉红色既餐厅【闺•家】，就系北角蚬壳街6-16号宝荣大厦地下F号舖，被餐厅内墙上既壁画吸收住。

朱古力脆脆西多 $30
又厚又大件既朱古力脆脆西多，又多酱又惹味，特别系西多面有好香既朱古力脆脆，好好味
☕冻奶茶 (跟餐+ $5)
香滑冻奶茶，奶同茶份量刚好，好饮。

家传炆猪手饭 (限量供应) $46
呢款系限量供应，店员话有时好早就卖哂，好彩我地刚去到有幸食到，唔食呢个你就蚀底啦。肉质又滑又软绵绵，仲好大件，有种入口即溶既感觉，个汁仲好好味，捞饭真系一流，又抵食又好食，一食就爱上。
配 老火汤 (细)
今日个老火汤系五指毛桃准山煲鸡，个汤又香又足料，够哂保身。
3
慢煮猪软骨手工面 (紫薯面) $45
有3款面选择 ( 菠菜面、甘笋面、紫薯面) 手工面系即叫即制，绝无防腐剂及添加剂，特别加入咗各种蔬果而制成，真系好特别。所以我选择咗紫薯面，出面我从未食过，有紫薯味既面，又软绵绵又好有咬口，真系好特别，连个汤底我都爱上
热朱古力 (跟餐热饮)
热朱古力一啲都唔甜

近排特别喜爱去北角揾食，尤其是近炮台山的蚬壳街，皆因这条街道虽然短小，但隐藏着不少有质素的小店。

继早前来蚬壳街品尝过人气拉面和台湾美食后，这晚又再次出动，而今次就拣了这间主打招牌手工面和猪扒饭的「闺•家」。

餐厅地方不大，但装潢颇有特色，以童话作主题，配上 lady feel 嘅门面和内里粉红色的座椅，布置充满少女感。

其实嚟之前有睇过网上介绍，知道店内所有食品，由小食、招牌猪扒、秘制咖喱，以至老火靓汤、手工面等，全部都无落防腐剂和味精，让客人食得安心，很有家的感觉。

点了咖喱猪排饭 ($48)、手剁香煎莲藕饼配菠菜手工面同一客是日老火靓汤。咖喱可以拣无辣、少辣、中辣或劲辣，由于我俩都不太吃得辣，所以选了少辣。先试下个咖喱汁，入口果然有水准，充满椰奶香，味道又香又浓，非常适合我这些吃不得辣的食客。

猪扒以人手逐块揼松，再用铁板即叫即煎，肉质非常鲜嫩，食落带甜味之余，肉汁多又够香，用来送饭一流！

跟饭配有一客细嘅老火汤，另外餐厅每日都会有一款老火靓汤 ($28) 供应，所以就另外加点咗一份，一人一碗唔使争。是日老火靓汤为木瓜雪耳南北杏煲排骨，汤水以慢火熬制四小时以上，火喉十足，绝对无添加味精，打开盖时已闻到鲜甜浓郁的香味，可以清楚见到内里放了不少雪耳和木瓜，非常足料。

点主食加 $5 可以配冻/热饮品，如果加 $10 更可以配一款油菜，油菜有菜心或生菜可供选择，非常抵食。

至于另一客手剁香煎莲藕饼配菠菜手工面 ($43) 亦非常之有水准，莲藕饼同样以人手即叫即剁，莲藕同猪肉比例刚好，吃上来口感挺而不实，而且细尝下更食到粒粒肉碎，加上点点油份，增添了香软感。手工面用纯面粉和鸡蛋，再加入菠菜汁制成，色泽翠绿，非常吸引，面条食落烟韧爽弹，带淡淡蔬菜的清甜。

餐厅不设加一，埋单每人都只系 $70 左右，非常经济抵食。