餐厅:闺•家 (北角)
地址:北角蚬壳街6-16号宝荣大厦地下F号舖
呢间曾经被杜汶泽Yellowpenrice访问过嘅香港人茶餐厅,主打超平价无味精茶餐厅食物,一直都想嚟品尝吓佢地嘅嘢食,今次终于揾到机会嚟食个下午茶喇
餐厅由外黄到内,有唔少嘅文宣同装饰,卖嘅嘢食系简直系超低价,成个餐牌最贵嘅菜都系$52,试问又有边间茶餐厅做到
菠菜手工面配招牌猪排 $40
佢哋嘅招牌猪排配上葱油、雪菜同埋秘制酱油,以鲜榨果汁同醃料取代砂糖、梳打粉同味精,每一块仲要人手自己揼松,难怪食落咁松软入味啦,佢哋嘅波菜面仲系即叫即整,亦加入咗鲜鸡汤,呢个价钱咁大碗真系超抵食!而为咗保持手工面嘅质素,佢地嘅手工面只会做堂食,务求俾你食到最好嘅品质
麻辣鸡肾 $28
佢地嘅麻辣鸡肾劲大碟,二三十旧走唔甩,根本喺泄住嚟做,用咗自家制辣酱去醃制,食落惹味,麻香慢慢渗出,真系食唔停口
佢地仲每日熬制滋补靓汤,为香港人打打气,仲要星期一至日每日都唔同款,医护同学生仲可以免费品尝,不过有能力嘅紧系留返呢个优惠比更有需要嘅人啦
拥有或管理这家酒店? 免费获取您的详情页以便回复点评、更新资料或者进行其他操作。