平时间中都会落茶记医肚，价钱平得来质素又唔差，今次发现一间连锁茶记 - 雪山冰厅，颇有惊喜

浦烧原条鳗鱼蛋包饭
一上台就觉得鳗鱼的份量绝不欺场性价比超高，配埋滑一滑的炒蛋同软硬适中的米饭刚刚好

波士顿龙虾叻沙掺掺
掺掺即系「两沟」咁解，餐厅就用左米粉同油面增加整碗面的层次感，吸满叻沙汤汁的掺掺味道一流配埋大大只波士顿龙虾，斋卖相都羸晒啦

榛子酱西多士
西多士中间夹左流心榛子酱，如果钟意食甜野的你一定要试下

经典芝蛋牛肉汉堡配德州辣肉酱意粉
芝蛋牛肉汉堡味道虽然冇咩惊喜，但系配埋的辣意粉反而几好食，辣辣地好开胃

公司三文治
公司三文治超级大份，中间夹左生菜、午餐肉、火腿、芝士、蕃茄等材料够晒丰富

P.S: 餐厅有一个好超贴心位❤️值得一提，对小编来讲个辣肉酱意粉食到最后太辣，再叫叻沙的时候餐厅就帮我叫左小小辣

区内人气老字号冰厅，1956年已经开业，总店系深水埗，今次试：

香葱碎牛三文治
蛋够滑，香葱配上碎牛嘅配搭突出，再加上脆口嘅烘底，超满足。本身另加配$5麦皮卖晒，转了通粉，以为普通冇惊喜，一开有只鲍鱼，汤底仲会分隔开，好贴心。

********************************************
雪山冰厅
长沙湾青山道413号东景大厦地下4-5号舖
********************************************

行经深水埗又谂唔到食乜，就去返之前帮衬过嘅老字号冰厅，起码食过知道味道有保证

➡️招牌海南鸡饭（$60）
海南鸡件几有光泽，肉质又嫩滑，即使系鸡胸位置都唔会觉得嚡口，而且已经全去骨，所以啖啖肉配同酸甜嘅醃萝卜及青瓜一齐食几清爽开胃

➡️南洋咖喱吉列猪柳配蛋包饭（$65）
无谂过吉列猪柳都有两大块，炸得又金黄香脆，食落弹牙又香口，真系停唔到口，即使之后放凉咗，口感都无变蛋包饭呈半熟状态，满布蛋浆，睇见都已流口水配同辣辣地嘅咖哩真系超好下饭值得一提系咖喱汁都几香，而且都几多，绝对唔会唔够汁下饭

➡️樽仔奶茶（跟餐加$9）
朋友一向钟意樽仔奶茶，因为唔会因为冰粒溶化而令味道有变，而呢度嘅奶茶都几滑，而且唔会好甜，味道都ok

➡️热杏霜（跟餐加$6）
热杏霜唔会好甜，杏仁味都几香，属一贯茶餐厅水准，但大杯啲会更好，我唔洗一阵就饮晒

➡️炖汤（跟餐加$15）
因为热杏霜已饮晒，所以我多叫咗个淮山陈肾炖赤肉汤！炖汤都几好饮，而且都算足料，饮到几香嘅陈肾味，可能我平时饮汤都不太加盐，所以对我嚟讲炖汤偏咸，但整体系唔错嘅

茶餐厅嚟讲有呢个质素确系唔错

今日又再一次同朋友嚟呢间雪山冰厅，因为佢既椒盐猪排饭实在太好食而出面基本上都冇佢整得咁惹味，隔一排就想食返。
避风塘炸脾
下午茶有茶餐可以叫，呢个真系真正既避风塘炸脾，因为好多坊间既都只系加大量炸蒜就当系，呢度有炒过辣椒而且mix埋炸蒜一齐令到个调味非常惹味又香口。炸脾本身都好新鲜炸起又保留到肉汁!
经典芝士煎蛋牛肉汉堡包 + 薯条
呢个亦都系皇牌之一，餐厅自家制既汉堡再加上烘过既包好出色，味道既配搭岩岩好唔会有一样特别突出。牛肉汉堡淋得嚟又保持到牛既鲜味，流心既煎蛋岩岩好可以再提升成个包既层次同口感
叉烧虾球炒蛋饭
呢个都好出色，因为佢地既蛋炒得好滑又浓蛋味，叉烧同埋虾球调味都系岩岩好唔会过咸，配合少少鼓油，成个饭都好好食!
始祖椒盐猪扒饭
其实睇相都已经睇得出个饭有几正，椒盐既份量比例都适中，炒饭底本身已经够哂惹味，再加上炒香过既辣椒同蒜，非常吸引又邪恶。猪排炸得好脆之余又有肉汁唔会太干!
榛子流心西多
最后再食埋个榛子流心西多，榛子酱份量足够而西多炸得好好，蛋酱覆蓋哂成个西多，再加少少蜜糖同埋牛油，甜品嚟讲冇得输!
樽仔奶茶
呢到另一特式就系佢地既樽仔奶茶同埋咖啡，茶底够浓同埋香，钟意奶茶既一定要试!

一直听朋友说深水埗这老牌冰室很有人气，终于有机会试试。餐厅装修比我想像中新净，原来是翻新过，不错。

先来个小食芝士煎蛋牛肉汉堡，芝麻面包烤得香，一切开有半熟蛋、厚厚的牛肉汉堡扒和半溶芝士，相当吸引。汉堡扒内有惹味爽脆洋葱粒，加上湿润牛肉，很港式的滋味。

另外，选了个二人晚餐，有半只海南鸡、一个小菜和两个炖汤。本来还有两碗白饭，但我们想试其他主食，所以就没有要。先讲炖汤，椰子雪耳桂圆炖鸡脚汤，很足料，一打开椰子的清香飘出，加上鸡味，味道清甜，很滋阴的感觉。

海南鸡皮香肉滑，虽然不是鸡髀的部份，但亦不会又干又鞋。配上两种酱汁，一款是酸辣酱，另外的是海南鸡酱油，我比较喜欢前者，比较惹味刺激。

小菜选了XO酱炒海斑片西兰花，海斑片不是薄的，非常厚身，肉质爽有口感，不腥。西兰花爽脆，份量多，令晚餐有足够的蔬菜量。

我们选了波士顿龙虾叻沙掺掺做主食，茶餐厅居然有龙虾，还是第一次见。叻沙味道讨好，掺掺是油面加米粉，加入爽口芽菜，整个面很顺口。除了波士顿龙虾，配料还有鱼片、豆腐扑和鸡蛋，非常丰富，二人分享一个绝对足够。

天气热的关系，我们还忍不住点了一个樽仔奶茶，冰冻的奶茶香浓顺口，不会太甜，很消暑。