去亲朗豪坊都见好多人排队，搞到我心丝丝想去食；呢间店舖设计、装修有台湾古早风格；疫情关系，6点后唔可以堂食，所以我就买外卖回家

点咗两碗面
猪耳仔+大肠+花枝丸+空心菜+白萝卜+冬粉(粉丝) $71
真系好足料，每款𩠌都好多🤭；卤水同平日食开嘅唔同，白猪耳仔爽脆，大肠、花枝丸、空心菜、白萝卜，每个𩠌都入哂味，好味道；冬粉份量好多

蹄膀+鸡翅膀+甜不辣+高丽菜+木耳+稻庭乌龙面 $73
蹄膀入味好味，鸡翅膀肉质嫩滑，甜不辣烟韧入味，木耳爽脆，稻庭乌龙面，份量好多好大碗

跟餐饮品
热无糖茉香绿茶
特选饮品 +$3 黑糖姜母蜜
姜味够辣，好好饮，饮完劲暖胃

小食
台式香蒜肠 $16

甜点
灯笼芋见你 (冷)
芋圆、仙草、芋泥、红豆、紫米、燕麦、黑糖、花奶；呢碗甜点真系好丰富好大碗，糖水用黑糖、花奶；芋泥好香、芋圆真系烟烟韧韧、红豆、紫米都好足料，甜度适中

灯笼卤味
旺角亚皆老街8号朗豪坊4A楼10号舖

来自台北师大夜市的灯笼卤味在当地人气旺盛，但以往到台北旅行都未有机会一试，继早前进军香港于铜锣湾开店后，最近再下一城在旺角朗豪坊开设新分店，对我而言亦更为方便。

餐牌方面除了各款招牌卤味、小食及饮品外，旺角店亦增设了不少新菜式，而且更有台式多士及蛋饼等早餐供应。

店内装潢甚有怀旧风味，堂食每位最低消费$50，而由于疫情关系今次就选择了外卖。

卤味方面我选择了大肠 ($12)、生肠 ($14)、鸭胗 ($15)、鸟蛋 ($11)、及两份鸭血 ($14)，卤汁味道偏甜并不会过咸，每款材料均卤得入味。

金黄糖心卤鸭蛋 ($18) 蛋黄金黄流心而且蛋香亦卤得入味。

芋泥肉松葱抓蛋饼 ($48) 饼皮用上葱抓饼口感酥软且略带韧度，肉松与芋泥咸甜交错向来在台湾都是常见的不败组合，不过芋泥过甜缺乏芋香，个人建议可将甜度大大降低；除此之外更可额外再加起司、玉米、高丽菜、火腿或肉松最多两款配料，自由度高。

灯笼芋见你 ($48) 配料包括芋圆、芋泥、紫米、燕麦、仙草及红豆相当丰富，糖水以黑糖及花奶作为基底，味道偏甜令芋圆芋香不太突出，不过胜在口感烟韧弹牙。

闲日的四点不用排队。餐厅冷气超冻，装潢营造出台湾风味，墙上的霓虹灯牌及圆形字体餐牌，令人怀念起在台湾旅行的日子。

餐牌内已定有三个餐，不喜欢的还可选择D餐，自由是个好东西$10起，可以自己选择𩠌菜，普通面底$10。餐厅内设有最低消费每位$30。

百页豆腐($11)、大豆皮($10)都是吸汤味的食材，其中大豆皮更胜一筹，大豆皮类似腐皮，有两大块，有少少烟韧，冬粉面底($10)有浓浓的卤水味。不过食完觉得都几口渴😅

好友最近新添置了一批抗疫物资，说要分一部份给我，约好在铜锣湾交收。难得假日早起，办完正经事后，就顺便过来登龙街买外卖。

其实近排都几钟意嚟登龙街揾食，因为近半年呢条街真系开咗唔少新餐厅。行咗唔够 3 分钟，已经即时立定主意，要试下呢间来自台湾台北师大夜市的「灯笼卤味」。

餐厅门口放有点餐纸同笔，可以先在门外拣选好食物，然后才进店内下单。

先细心研究一下餐牌，单系面食的𩠌料就已经有接近 30 款，另外仲有卤肉饭、小吃、台式饮料，甜点及套餐等供应。

由于样样都想试，所以决定一次过买多啲，点咗个五𩠌面、卤肉饭、几款卤味、香脆地瓜条同综合芋圆，睇下几大袋。

回到家后，将所有食物都铺晒喺台面，哗，非常丰富。

一向爱吃香口炸物，第一时间拿了地瓜条 ($32) 品尝，番薯条外脆内软，入口甜中带糯，沾少许淮盐伴吃，味道有层次。

五𩠌面 ($58) 面底选了冬粉，而配料就拣咗白萝卜、杏鲍菇、高丽菜、甜不辣和米血糕。粉丝食落干身爽口，加上吸满卤汤精华，味道非常浓郁！甜不辣无论味道或卖相都跟我们平时吃的炸鱼饼非常相似，质感烟烟韧韧。米血糕据说是由台湾直送，入口软糯带嚼劲。

本来想点个综合卤味拼盘，不过店员话当日只可以散点，拣咗 4 款超人气卤味 ($42)，当中包括有：猪耳、猪腱肉、鸡翅膀及鸡胗。几款食材都被卤汁长时间炖煮过，所以味道非常浓郁，够晒入味！卤水吃得出有桂皮、花椒、甘草等材料，入口味鲜而回甘，香气逼人。

另外碗卤肉饭 ($28) 味道亦唔错，卤汁有多重调味，层次丰富，酱油味道浓厚。猪肉富油香，肥瘦均匀，加上选用了台湾米制作，诚意十足。

综合芋圆 ($28)，芋圆由九份直送，全部都是由人手搓制而成，捞起可以清楚见到除了烟韧的芋圆外，还有番薯圆、红豆、仙草和珍珠，用料十足，入口香甜而不腻。

又是一间曾经排长龙的过江龙食店。好好彩，因为下雨天所以冇咩人排队，不过都要等5分钟左右，所以都算快like你得依度梗系食卤味㗎啦，但系都要叫返个小食同嘢饮嘅，因为一场嚟到梗系要试埋。 盐酥鸡。炸鸡通常俾人感觉冇咩特别，但依个盐酥鸡真系值得一赞，因为真系好台湾风味，真系好似夜市嘅炸鸡咁，然后再加上九层塔，真系有种画龙点睛嘅感觉like.

台式奶茶。算系不过不失，正常冇咩特别。唔算出色，有应该要有嘅水平

卤味。个人认为佢嘅卤味都比较入味，唔会剩系得个汤底系要味，萝卜牛腩猪肠系推介，都好食，都有七成似台湾嘅灯笼卤味。

台湾肠。算系咁啦，因为应该都系现成台湾肠买返嚟煎熟配上蒜头就上枱，所以依样野系冇咩期望之余又冇咩特色，只系当你挂住台湾嘅时候可以食返条香肠，回味一下

总括嚟讲价钱系可以接受嘅但系都偏贵，可能始终台湾食觉得平，但变咗嚟到香港就会觉得偏贵，就算去其他粉面店加个小食埋单都要五六十蚊，但系$60喺呢度都可以买到单，所以对比香港其他小店，以过江龙来讲又唔算贵。