Latern Lomei @ causeway bay - 二访终于冇令人失望⁉️

仲记得第一次嚟食嘅时候有个唔好嘅经历 等咗成个钟都冇嘢食 催左几次单但系职员坚持有落单 最后发现真系漏咗单前后等咗一个半钟先有嘢食今次屋企人话想食所以我都冇拒绝 好彩今次终于冇刘丹情况而且等咗大约15分钟就有嘢食啦！装修充满台湾怀旧风 全程keep住播台湾歌 加上使用木造家具 唔讲真系以为自己去左台湾！

·二人套餐（期间限定） $168
-
食材系暖的 内脏都唔会好重内脏腥臭味 应该洗得几干净鸡翼炆得好入味 猪耳好爽脆 鸡肾偏硬 甜不辣好烟韧 蔬菜都算鲜甜多汁 系个白萝卜有少少渣同埋东粉煮得太谂overall我觉得7/10

-卤肉饭
哩个饭最值得一赞嘅地方系佢个肥肉比例比坊间唔少卤肉饭都多 白饭上边嘅猪肉碎同埋卤汁都啱啱好 唔会有白饭过湿嘅问题！值得推介

-苹果盐酥鸡
苹果配盐酥鸡呢一个组合几特别 一齐进食 效果独特 多重口感配合肉汁丰富嘅炸鸡！都几特别 如果热啲就更好啦

-抹香奶绿
-古早冬瓜茶
哩两杯饮品冇咩特别 都系普通台湾手摇饮料 中规中矩喇

·综合芋圆 $28
甜度适中 有问过可唔可以加奶 佢哋话唔可以 食落就冇坊间其他芋圆嘅鲜味咁突出啦！而且芋圆同珍珠都偏硬 似未煮熟 有好大改善空间

#_

灯笼卤味 (登龙街) (铜锣湾)
铜锣湾登龙街39号地下

去亲朗豪坊都见好多人排队，搞到我心丝丝想去食；呢间店舖设计、装修有台湾古早风格；疫情关系，6点后唔可以堂食，所以我就买外卖回家

点咗两碗面
猪耳仔+大肠+花枝丸+空心菜+白萝卜+冬粉(粉丝) $71
真系好足料，每款都好多；卤水同平日食开嘅唔同，白猪耳仔爽脆，大肠、花枝丸、空心菜、白萝卜，每个都入哂味，好味道；冬粉份量好多

蹄膀+鸡翅膀+甜不辣+高丽菜+木耳+稻庭乌龙面 $73
蹄膀入味好味，鸡翅膀肉质嫩滑，甜不辣烟韧入味，木耳爽脆，稻庭乌龙面，份量好多好大碗

跟餐饮品
热无糖茉香绿茶
特选饮品 +$3 黑糖姜母蜜
姜味够辣，好好饮，饮完劲暖胃

小食
台式香蒜肠 $16

甜点
灯笼芋见你 (冷)
芋圆、仙草、芋泥、红豆、紫米、燕麦、黑糖、花奶；呢碗甜点真系好丰富好大碗，糖水用黑糖、花奶；芋泥好香、芋圆真系烟烟韧韧、红豆、紫米都好足料，甜度适中

灯笼卤味
旺角亚皆老街8号朗豪坊4A楼10号舖

来自台北师大夜市的灯笼卤味在当地人气旺盛，但以往到台北旅行都未有机会一试，继早前进军香港于铜锣湾开店后，最近再下一城在旺角朗豪坊开设新分店，对我而言亦更为方便。

餐牌方面除了各款招牌卤味、小食及饮品外，旺角店亦增设了不少新菜式，而且更有台式多士及蛋饼等早餐供应。

店内装潢甚有怀旧风味，堂食每位最低消费$50，而由于疫情关系今次就选择了外卖。

卤味方面我选择了大肠 ($12)、生肠 ($14)、鸭胗 ($15)、鸟蛋 ($11)、及两份鸭血 ($14)，卤汁味道偏甜并不会过咸，每款材料均卤得入味。

金黄糖心卤鸭蛋 ($18) 蛋黄金黄流心而且蛋香亦卤得入味。

芋泥肉松葱抓蛋饼 ($48) 饼皮用上葱抓饼口感酥软且略带韧度，肉松与芋泥咸甜交错向来在台湾都是常见的不败组合，不过芋泥过甜缺乏芋香，个人建议可将甜度大大降低；除此之外更可额外再加起司、玉米、高丽菜、火腿或肉松最多两款配料，自由度高。

灯笼芋见你 ($48) 配料包括芋圆、芋泥、紫米、燕麦、仙草及红豆相当丰富，糖水以黑糖及花奶作为基底，味道偏甜令芋圆芋香不太突出，不过胜在口感烟韧弹牙。

闲日的四点不用排队。餐厅冷气超冻，装潢营造出台湾风味，墙上的霓虹灯牌及圆形字体餐牌，令人怀念起在台湾旅行的日子。

餐牌内已定有三个餐，不喜欢的还可选择D餐，自由是个好东西$10起，可以自己选择菜，普通面底$10。餐厅内设有最低消费每位$30。

百页豆腐($11)、大豆皮($10)都是吸汤味的食材，其中大豆皮更胜一筹，大豆皮类似腐皮，有两大块，有少少烟韧，冬粉面底($10)有浓浓的卤水味。不过食完觉得都几口渴

好友最近新添置了一批抗疫物资，说要分一部份给我，约好在铜锣湾交收。难得假日早起，办完正经事后，就顺便过来登龙街买外卖。

其实近排都几钟意嚟登龙街揾食，因为近半年呢条街真系开咗唔少新餐厅。行咗唔够 3 分钟，已经即时立定主意，要试下呢间来自台湾台北师大夜市的「灯笼卤味」。

餐厅门口放有点餐纸同笔，可以先在门外拣选好食物，然后才进店内下单。

先细心研究一下餐牌，单系面食的料就已经有接近 30 款，另外仲有卤肉饭、小吃、台式饮料，甜点及套餐等供应。

由于样样都想试，所以决定一次过买多啲，点咗个五面、卤肉饭、几款卤味、香脆地瓜条同综合芋圆，睇下几大袋。

回到家后，将所有食物都铺晒喺台面，哗，非常丰富。

一向爱吃香口炸物，第一时间拿了地瓜条 ($32) 品尝，番薯条外脆内软，入口甜中带糯，沾少许淮盐伴吃，味道有层次。

五面 ($58) 面底选了冬粉，而配料就拣咗白萝卜、杏鲍菇、高丽菜、甜不辣和米血糕。粉丝食落干身爽口，加上吸满卤汤精华，味道非常浓郁！甜不辣无论味道或卖相都跟我们平时吃的炸鱼饼非常相似，质感烟烟韧韧。米血糕据说是由台湾直送，入口软糯带嚼劲。

本来想点个综合卤味拼盘，不过店员话当日只可以散点，拣咗 4 款超人气卤味 ($42)，当中包括有：猪耳、猪腱肉、鸡翅膀及鸡胗。几款食材都被卤汁长时间炖煮过，所以味道非常浓郁，够晒入味！卤水吃得出有桂皮、花椒、甘草等材料，入口味鲜而回甘，香气逼人。

另外碗卤肉饭 ($28) 味道亦唔错，卤汁有多重调味，层次丰富，酱油味道浓厚。猪肉富油香，肥瘦均匀，加上选用了台湾米制作，诚意十足。

综合芋圆 ($28)，芋圆由九份直送，全部都是由人手搓制而成，捞起可以清楚见到除了烟韧的芋圆外，还有番薯圆、红豆、仙草和珍珠，用料十足，入口香甜而不腻。