好耐之前已经想试呢间小店，趁住同朋友去开中环就顺道去食tea
小店感觉清新，尽头系日光充足嘅后花园，感觉几舒适，系度hea吓都几写意另佢哋嘅menu仲标明每款食物嘅卡路里，方便客人计算摄取量，抵赞
红肉火龙果乳酪碗（$74）
朋友提到之前食过类同嘅乳酪碗好难食，搞到我十五十六最后经店主细心讲解食材配搭后都系谂住一试
乳酪碗真系好colorful，亦都好IGable无糖乳酪及红肉火龙果blend埋一齐后，颜色真系劲靓乳酪亦渗透住火龙果嘅微甜，再配埋其他新鲜水果、黄金藜麦、亚麻籽及蕃薯脆片等，口感好丰富，真系好好食好彩我无理朋友坚持一试，呢碗乳酪真系好啱食推荐
三色藜麦巴马火腿香橙沙律（$78）
巴马火腿味道较一般，无乜特别但沙律菜好新鲜，藜麦够哂健康又有咬口，橙肉又甜又juicy，加埋沙律醋一齐食酸酸甜甜，真系清新又开胃
Evershine黄金香辣蚬肉意粉（$78）
呢款主菜系小店嘅signature dish蚬肉入味而且无煮得过熟，意粉加入咗咸蛋黄酱烹调，但咸蛋黄味唔太突出，反而食到冬阴功味味道辣辣地几惹味，几有东南亚风味，连我唔食得辣都食到，系一道唔错嘅中泰fusion菜式
香蒜黑松露鸡翼 (3只)（$42）
朋友与我都系鸡翼控，见到呢款较少见嘅口味梗系要试吓啦鸡翼无雪味之余又醃得几入味，食到好香浓嘅香蒜及黑松露味，但若能再烤焗或煎得香口啲会更好
☕️仙气朱古力（$50）
呢款朱古力亦都好IGable，靓到连隔离枱嘅食客都称赞我对鲜奶敏感，店主为我转用杏仁奶，并以屋型玻璃壶盛载；旁边嘅心型玻璃杯上放有白色棉花糖，并洒上花瓣，够晒仙气棉花糖食落微甜有空气感，之后将热朱古力倒入杯中，睇住棉花糖溶化都几疗愈☺️朱古力饮落唔会好甜，我好钟意❤️呢几日咁冻，饮杯热朱古力真系啱晒
黄金牛奶（$48）
卖相好精致，不但拉花靓，加咗啲花瓣点缀后更显fancy牛奶加入咗黄姜、肉桂及蜜糖，未饮已闻到有好重黄姜味，饮落就觉得肉桂味较突出，但味道唔算甜，奶味亦都够浓，成杯饮品都好香
店主Mabel好nice，经常笑面迎人，感觉亲和☺️而且食物又靓又好食，真系好啱打卡最后我俩仲唔经唔觉hea到人哋打烊呢间绝对要encore
拥有或管理这家酒店？ 免费获取您的详情页以便回复点评、更新资料或者进行其他操作。