泰式香茅烧春鸡
鸡嘅份量冇令到我失望，而更有惊喜嘅系除表皮有香茅味，而入边嘅鸡肉亦充满香茅味。表皮够香脆，鸡肉亦够嫩滑，口感一流。

龙虾汁海鲜扁意粉
扁意粉入边加入左颇多嘅蘑菇同埋芦笋，食落够晒清新。扁意粉煮得软硬适，而伴随着嘅龙虾汁又够晒入味。

最后不得不提cafe嘅饮品。即磨咖啡嘅质素非常好，饮落唔会太酸又够晒香，冇加糖冇加奶，直接饮晒咗整杯咖啡。

餐厅：Sense Cafe (佐敦)
地址：佐敦白加士街56号凯豪商业大厦1楼

2019年4月由庙街搬到黎白加士街嘅凯豪商业大厦，除左装修豪华左🤩，餐厅仲由以前主打甜品转左主打多国菜主食，今次黎食晚饭除左收到惊喜仲有嘅都系惊喜😍，等我慢慢话你知点解

呢间良心cafe充满型男美男😎，餐厅布置比人感觉好似去左丛林咁🏞，好似暂时离开左烦嚣嘅城市，可以好好享受一餐🍽，政府做唔好把关工作，餐厅决定自己做足防疫措施🦠，食客食都食得放心啲

原来谂住羊西冷拼鹅肝点知咁岩无哂🙈，系职员推荐下叫左个美国极黑猪鞍🐗($188)，仲有南瓜忌廉汤🎃同沙律送🥗，唔系讲笑！绝对无介绍错🤤，大大份黑猪鞍配上丰盛嘅薯菜，一个人食都饱到儍😂。除左黑猪鞍肉质超级松软入味之外，连配菜都醃制过好惹味，仲有蕃茄🍅、茄子、原只小红萝卜🥕等

另外叫左两个小食，蜜糖鸡翼($58)同意式鲜茄肉丸🧆($68)，鸡翼一碟有5️⃣只，色泽金黄均匀，煎到岩岩好熟又无血水，仲有淡淡蜜糖香🍯；肉丸除左用上鲜茄仲有浓厚芝士🧀，仲要系铁板上架

饮品方面叫左杯玫瑰抹茶牛奶🍵($36)，系唔系好靓呢☺️？浓郁嘅抹茶香加上玫瑰香混入幼滑牛奶🥛，今晚一定好好训

好少会嚟佐敦揾食，尤其是白加士街，印像中只系帮衬过「澳牛」。早前有朋友光顾过呢间楼上 Café，话食物唔错，大份又抵食，趁今日要来佐敦工作，因利乘便，特意过去吃顿晚餐。

餐厅是家楼上舖，环境好靓，一出升降机门就会见到一大幅绿油油的草场，充满大自然气息。

至于店内装潢亦很有心思，用上灰色座椅衬以木桌子，再加上四周的植物装饰，让人感觉身心舒畅。听讲餐厅不定时会邀请不同音乐人表演，分享 Live Music，只可惜当天未能遇上。

Menu 有好多唔同嘅 Dinner Set，而且价钱都几合理，另外亦可以散点，丰俭由人。唔想伤脑筋，就简简单单一人一个 Set，晚餐包主菜、热饮、厨师精选沙律及是日热汤，如果想转龙虾浓汤就要每位加 $25。

是日热汤为南瓜忌廉汤，南瓜汤热辣辣上台，汤身呈鲜橙色，趁热呷一口，质感不算很浓稠，但非常绵滑，满有南瓜的香甜，美味。

龙虾浓汤 (+$25) 亦绝不欺场，内有丝丝龙虾肉，入口虾味浓郁，滑溜鲜香，加上厨师在汤面上以忌廉画上图案作点缀， 看起来很精美，令人十分受落。

至于厨师精选沙律亦颇大堆头，分量相当多，除了有新鲜爽脆的沙律菜外，还加入了咸香的烟肉粒和脆口的面包粒，配埋香浓的碎芝士吃，清新开胃！

香煎比目鱼 ($138)，估唔到件比目鱼会咁大块，绝对可以称得上是巨型版。把煎至四边金黄的鱼柳切开，亮泽雪白的肉鱼片片分明，入口带有鱼汁，鱼肉鲜味十足，嫩滑中又有咬口，吃时可蘸少许酱汁， 双重滋味。旁边伴吃的配菜，用料亦非常丰富，有翠玉瓜、茄子、红萝卜、蕃茄、南瓜和薯蓉等，配鱼肉吃，健康又味美！

接着上的美国极黑猪鞍 ($188) 卖相亦非常靓仔，猪鞍裁得大大件，睇头十足，加上煎至甘香，色泽金黄，外观很吸引。肉质吃起来非常爽甜，外香内嫩，而且由于肉汁被锁住，所以入口超 Juicy。垫底的薯蓉亦很有水准，绵密滑溜，令人一口接一口。

套餐包热饮，有热情果茶、柠檬茶、柠檬水、即磨咖啡或奶茶可供选择，如果想转冻饮就要加 $4。热情果茶入口有浓厚水果味，甜度适中，很不错。

顺带一提，餐厅会为每位客人入座前量度体温，并提供搓手液供客人消毒双手，做法十分贴心，令人吃得放心。

应友人之约，今晚去呢间楼上Cafe开餐，地点易揾，一出港铁站行几分钟就到

有晚市套餐供应，多款主菜中，有意粉/意大利饭/肉类，价钱最贵都唔过$200，抵食㖞!

打头阵系忌廉南瓜汤，入口淡淡南瓜味，如果有埋片脆多士伴食就GOOD啦!

饮完汤就食凯撒沙律，一客份量都唔少，爽脆沙律菜淋上凯撒沙律汁，开胃菜!

喜爱香蒜味意粉，咁岩就有蒜香黑松露虎虾扁意粉 ($108)呢款主菜，摆盘相当别致，露荀嘅绿色分外抢眼

虎虾煎香过，虾肉入口算弹牙，沾上黑松露酱，多一份味道

而个扁意粉应该用蒜油去炒，多一点油腻，软硬度适中，而蒜味稍为盖过左黑松露味，尚有其他菇菌类作为配料，增加整体口感!

烧鸡翼.......我钟意食........呢客蜜糖鸡翼 ($58)，今晚难逃于我个胃入面啦! 第一啖入口有香甜蜜糖甜味，有点似曾相识嘅感觉，系啦...........似去BBQ时食嘅搽蜜糖鸡翼，外皮唔算脆，但肉都有蜜糖甜味，趁热食正呀!

另一客主菜为牛魔王朋友而设，香煎美国安格斯肉眼扒 ($188)，无写明几多安士，但实物都有返咁上下份量

最欢喜见到呢D烧纹，硬系未食都觉得应该唔差得去边

点了五成熟，切开入面仍然见到红色，入口外硬内软，肉汁仍有，点埋烧汁食相当唔错

除左主角肉眼外，仲有薯蓉、烧茄子、翠玉瓜及红萝卜，绝不马虎!

套餐包埋饮品，见到餐牌有热情果茶，味道酸酸甜甜，仲有其他生果嘅果肉，用黎平衡返呢一餐都唔错，咖啡...........今晚我要舍你而去啦........哈..哈!