蟹肉意大利饭有惊喜️

尖沙咀哩边有好多楼上酒吧同餐厅，今次我同朋友就拣左哩一间，因为佢既性价比真系几高。

餐厅布置用心，有好多型格装饰，而且分户外及户外座位，户外座位好啱打卡。

餐牌上面既选择亦非常多，今次我哋就拣左哩几样。

Prosciutto Pizza $118
Pizza系薄脆批底，铺上Parma Ham、火箭菜及芝士碎，淋上少许黑醋。Parma Ham够咸香，黑醋同火箭菜正好中和油腻感，批低薄脆轻盈，食完唔会济。

Black Mussel Pot (Spicy Tomato) $138
有三种口味可以选择，分别系Classic White Wine、Spicy Tomato同Clowder。
Spicy Tomato味道微辣，蕃茄味浓，带有炒香左既杂菌香味，杂菌数量唔少，蒜蓉包亦够香脆。

Crab Risotto️ $128
哩个系好食推荐
Risotto煮得啱啱好，饭能够做到粒粒分明有口感，用上黄椒、杂菌等烹调，酱汁唔会腻，蟹肉份量都几多，蟹味浓，真系几好食。

是日甜品：心太软配云呢拿雪糕
哩到既心太软朱古力味浓郁，流心效果明显，最特别系带有淡淡既云呢拿香味。

整体黎讲，哩间餐厅食物份量大，质素唔错，性价比真系几高，几啱同朋友黎食野chill下。

其实尖沙咀既广东道都有楼上吧 环境舒服有露天同打卡位 好适合同朋友黎chill~ 食物好精致 味道唔错！原来仲有水烟食 下次试下

✅ 鹅肝多士 ($118)
煎得好香！底下系真正既多士 唔系白面包 (上一个post)！油香一流

✅ 蟹肉Risotto ($168)
面头铺左好多蟹肉! 配料好丰富 好多菇同菜 。risotto个湿度岩岩好 劲creamy 如果再咸多少少更好

➡️ 红豆绿茶 Tiramisu ($98)
造型满分既甜品！面头仲有红豆同生果 少少甜 够滑～

Whatever Bar & Restaurant (尖沙咀)
尖沙咀广东道82-84号流尚坊4楼
人均消费：<$200｜回头率: ❣️❣️❣️❣️/ 5

依段时间bar & restaurant 真系唔容易做 要支持下

一入餐厅已经觉得好有格调，好多摆设，好多画作，餐厅同时设有室外环境（见到有人喺外边食shisha好chill～）

Four cheese pizza
四重芝士集合呢一个Pizza，首先一上台芝士味已经扑鼻而来，食落芝士嘅咸香度好足，有少部份芝士半溶状态，更惹味。批边焗得刚刚好，脆口！

Crab Risotto
蟹肉意粉就成日食，蟹肉意大利饭原来都可以好出色。米饭偏硬身，配上淡淡蟹肉同适量嘅洋葱、芦笋、蘑菇进行调味！（有时好怕食完太Creamy嘅意大利饭会好腻），但呢一个烹调真系拿捏得啱啱好！

Raindrop cake with sake &berries sauce
水玄饼口感好似啫喱，好滑好弹。可以倒入清酒同蓝莓汁，两者倒完之后，出奇地夹。亦都由于玄饼本身味道够淡，两个酱汁就能够更加突显！

而家出面食饭想揾间坐得舒舒服服嘅地方都唔易。Whatever系广东道大街楼上店，餐厅正正系行chill嘅路线。

餐厅有室外同室内可以选择，天气凉啲嘅时候可以选择室外感受下系闹市入边休闲地进餐嘅感觉。

你睇佢个名好似是是但但，但系佢嘅食物就一啲都唔求其。

Fish fillet All day breakfast
一上枱 爱吃的朋友望到已经超级开心 因为卖相劲丰富 鱼柳炸得外脆内软唔油腻 芝士啡菇香得嚟又保持到水分 份量仲好大添 我最钟意就系嘅炒蛋 滑嫩嫩 而热香饼又估唔到同餐入面嘅咸食非常融和 大满足！

Ham carbonara
呢款carbonara 嘅蛋香味系比芝士味浓郁,所以食落嘅感觉冇咁腻
而且值得一赞既系佢嘅面包脆同埋上面炸得好香脆咗嘅ham点缀咗成碟carbonara嘅口感同味道层次！

Whatever Bar & Restaurant
尖沙咀广东道82-84号流尚坊4楼
4/F, Canton Plaza, 82-84 Canton Road, Tsim Sha Tsui