我们不支持您使用的这种浏览器。Tripadvisor网站可能不能正常显示。我们支持以下浏览器:
Windows: Internet Explorer, Mozilla Firefox, Google Chrome. Mac: Safari.

“质素高又抵食cafe”
Bubble Tree的点评

Bubble Tree
预订桌位
香港排名第4,253 (共15,633家美食)
餐厅详细资料
2020年12月1日点评 通过移动设备发表

观塘工业大厦比较多,工业大厦内嘅cafe选择更多,想揾间有水准嘅cafe食番份午餐或晚餐

今日就嚟到呢到,点咗一份套餐、一份小食、一碗汤及一杯饮品一个人好似大食咗啲

牛油果、大啡菇、芝士汉堡(素)
呢个系一份套餐,套餐配有炸薯条及沙律
汉堡内有半个熟嘅牛油果大大个大啡菇新鲜蔬菜芝士洋葱蕃茄青瓜;外层嘅面包好香脆,质感软绵绵;真系好有口感
(如果你嘴巴够大,可以擘大口,成个放哂入口,个口感一定好正;不过我个嘴巴比较细真系要分开嚟食)

烟三文鱼墨汁包小多士(3件)
墨汁包小多士好特别不过无墨汁味,香脆小多士;面层搽上Cream cheese;中间系烟三文鱼包住沙律菜,好似朵花咁,睇到个样都好想食

紫薯汤
紫薯汤好特别,呢个一定要试下,香浓嘅紫薯味,个汤够哂香滑,食完仲令胃部暖粒粒

暖暖绵花朱古力
香滑朱古力唔会太甜;中间放咗几粒半溶嘅绵花糖☁️好好饮呀

Bubble Tree
观塘成业街19-21号成业工业大厦2楼27室

感谢 SukiYeung
此点评为Tripadvisor会员个人反馈,不代表Tripadvisor的意见。原文语言为中文,源自www.tripadvisor.com.hk 查看原文
撰写点评点评 (6)
旅行者评分
旅行者类型
时节
语言

2 - 6 条点评,共 6 条

2020年9月11日点评

之前试过呢间餐厅食物几好食,今日心思思又想食个意大利软包,趁早返公司就叫咗个外卖早餐。 外卖来到发觉包装非常之靓,无论纸杯或者纸盒包装物料都非常厚实!

打开纸盒见到芝士火腿软包份量都唔细,仲有少少沙律菜,望落去非常新鲜。可惜黎到有少少冻咗,自己放入微波炉稍微叮一下,拎返出嚟就有半溶嘅芝士,热食果然系好味啲. 柠檬茶多几大杯,不过用嘅系红茶包,对钟意浓茶底嘅我味道就争咁啲,不过整体来讲食物味道同卖相都算好唔错。

感谢 Lamlamlee18
此点评为Tripadvisor会员个人反馈,不代表Tripadvisor的意见。原文语言为中文,源自www.tripadvisor.com.hk 查看原文
2020年4月5日点评

继续发掘工厦美食呢间系我上次去同一栋大厦食饭嘅时候发现的其实都一直想去试㗎啦❗️上网睇人地话CP值超高平.靓.正今晚一于试吓系咪咁正

烟燻黑椒烧牛肉、大啡菇墨汁包三文治$52 :
个包超好食虽然墨汁味唔浓,但烘到外脆内软再配埋入面啲料,尤其系只大啡菇一嘢咬落去劲Juicy烧牛配芝士再加蜜糖芥末酱‼️呢个组合简直又系最佳拍档
好味指数:

烤焗丹麦原只猪手配有机红米饭$77 :极力推荐‼️$77真系超高CP值睇片就知,坚系原只猪手一个人真系唔知点样先食得晒只猪手煮得够晒腍配埋本身烧汁又系无得输再加少少黄芥末酱仲惹味
好味指数:

雪糕窝夫 跟餐+$25 :净系卖相都已经好吸引咁啱个雪糕仲要系我最爱嘅曲奇味等到啲雪糕溶溶地,再夹埋啲窝夫一齐食简直系双重享受最正嘅系佢雪糕下面有两粒棉花糖,系烧过外层嘅棉花糖食嘅时候棉花糖仲可以拉丝真系估佢唔到
好味指数:

冻朱古力 跟餐+$10 :饮品Size都唔细杯都只系加$10‼️饮品调配有出面啲饮品连锁店嘅水准朱古力味够晒浓郁超正❗️
好味指数:

果然真系平.靓.正不论食物同饮品都真系有水准呢间已经成为我Encore之选


感谢 mrs_ng_c9
此点评为Tripadvisor会员个人反馈,不代表Tripadvisor的意见。原文语言为中文,源自www.tripadvisor.com.hk 查看原文
2020年3月10日点评 通过移动设备发表

餐厅:Bubble Tree (观塘)
地址:观塘成业街19-21号成业工业大厦2楼27室

原本位于观塘东广场地下嘅Bubble Tree自19年11月起搬左去隔离成业工业大厦嘅2楼,由一个open area搬去一个工厦单位,私隐度更高,仲可以自由咁播住流行歌,餐单改变左之余仲提供多左健康嘅西式快餐,仲有到场到会或者外卖到会,开Party都可以多个选择

平时出面一个甜品都要$4-50蚊,呢到跟餐加$25就有一个窝夫/泡芙雪糕/心太软,特式饮品加$8/$10就有,咁样计返条数都系比出面平得多,咁我就唔客气加多少少野食喇

叫左个大啡菇·鸡肉配南瓜汁烩意大利饭($60),另外加左个蕃茄甘荀汤,朱古力心太软配曲奇雪糕,同埋绿茶鲜奶。南瓜汁、蕃茄仔同西兰花烩饭够哂浓郁好味,新鲜大啡菇切成片状,整体比人健康嘅感觉;甘荀汤黏稠度适中,酸酸甜甜好Fresh;心太软仲落足功夫,一切开流心朱古力就流哂出黎,夹住冻冰冰嘅曲奇雪糕一齐食就可以品尝到冰热两种温度❄️;最后饮埋杯暖笠笠就满泻嘅鲜奶绿茶,确实值得再次帮衬

每日经文:耶稣说:我就是道路、真理、生命;若不藉着我,没有人能到父那里去。
——‭‭约翰福音‬ ‭14:6‬ ‭

感谢 hinsonfoodhk
此点评为Tripadvisor会员个人反馈,不代表Tripadvisor的意见。原文语言为中文,源自www.tripadvisor.co.uk 查看原文
2021年5月21日点评 通过移动设备发表

用餐日期:2021年5月
此点评为Tripadvisor会员个人反馈,不代表Tripadvisor的意见。

去过Bubble Tree吗? 请分享你的经验!

写点评 上传照片

业主:有什么想要和我们分享的吗?

拥有或管理这家酒店? 免费获取您的详情页以便回复点评、更新资料或者进行其他操作。

获取您的详情页
© 2021 TripAdvisor LLC 保留所有权利。

网站的此版本通常面向中文使用者,除非有针对其国家或地区的特定网站版本存在。 您可以使用下拉式菜单访问 Tripadvisor 网站面向特定国家或地区的其他版本。