难得屋企附近有茶餐厅，呢朝特登走去外卖早餐，叫左4个常餐，整体服务好，出餐速度快，下次有兴趣试下佢地既小菜。
《沙爹牛肉公仔面餐 $36》
配香滑炒蛋、牛油多士，连饮品一杯。沙爹牛份量不少，口感嫩滑唔会好粉，仲食到酱汁少少花生味。公仔面唔会煮得过腍，炒滑蛋浸埋落沙爹牛汤底，索晒d汁又几唔错。
《火腿通粉餐 $32》
同样香滑炒蛋、牛油多士，呢款口味清淡健康啲，特别中意佢地会加几条生菜，细心之余亦令成个早餐更丰富。厚切多士沾满牛油，但烘得比较干身少少。
今日系将军澳海旁行下，发觉开多左好多餐厅，都预行完就系呢边食lunch，种类都好多，点知行行下，反而行返入村，就见到呢间澳南阁餐厅，其实系因为佢既餐牌好靓，系手画既图案，仲画到好靓添。先吸引到我地唔返转头揾海边餐厅。
入到入边店员都好nice, 咁岩我地坐正水吧位对住，听到水吧叔叔同店员姐姐对话，大约系要落场，但见囡囡牛咁眼望实水吧，叔叔叫店员姐姐唔好行住，话呢个妹妹（我囡囡）望到颈都长埋，拎埋俾佢食先喇。其实囡囡只系好奇，不过可想而知，佢地都几好服务。
其实食食下另一边听到有个食客叔叔叫店员姨姨唔驶理佢（食客no姨姨），发现食客姨姨应该....叫一个食物，将个食物不停转,就算落左单都继续；《肉丝炒河，我都是想食鱼，要班块河，都系想饮冻柠茶....》店员姨姨企系度，见佢冇谂过走开，仲慢慢解答食客姨姨
至于食物，囡囡叫左个常餐，沙爹牛肉公仔面 多士 配煎双蛋，我就叫左焗芝士海鲜意粉。
沙爹牛肉公仔面个沙嗲花生酱味好浓，多士系厚多士不过就得半件。
我个焗海鲜意粉，好多海鲜，有鱼、虾、鱿鱼、青口及蟹柳，基本上成个意粉面都系，好好味。
#blogger #hkkol #hkblogger #亲子推介 #hkmama #hkmom #亲子育儿 #hkmomblogger #parents #hklifeblogger #亲子blogger #foodie #CoolHKer #颖霖周围游 #消闲 #游览 #游玩
餐厅：澳南阁餐厅 (将军澳)
地址：将军澳至善街3号Savannah Place地下G07号舖
将军澳澳南海岸最近开左一间新嘅茶餐厅叫澳南阁餐厅，无论系餐厅门面定系内部嘅装修，仲有人手画嘅餐牌同PEPE装饰，都比起一般茶餐厅多左份与别不同嘅感觉
叫左个日式海鲜炒乌冬同黑椒肠仔肉眼牛扒饭，价钱都系五十几蚊算系抵食，仲有餐汤同热饮送，难怪呢间新餐厅午饭时间坐满晒人啦
唔好睇卖相好似麻麻地咁，但系其实食物嘅味道都唔错，乌冬炒得有镬气而且惹味。唔会太浓太咸，除左有蚬之外仲有虾同唔少鱿鱼等海鲜，份量都算大碟。大大块嘅肉眼牛扒好吸睛，筋同肉嘅比例大概系2️⃣比8️⃣，虽然好肥但有时食扒食埋旧筋先够香够好食
除左一般茶餐厅嘅野食之外，餐厅中提供传统港式糖水同埋台式茶饮，够晒多元化
