#cassiegotaipo
-
相信唔少北区人都认识大埔嘅「Homeland」，餐厅分为两层。装修得几靓之余，食物质素都唔错，瘦编次次去大埔都食依间。
-
之前12月去左食lunch有特别嘅圣诞自由拣抗疫套餐，简单嘅1人餐包餐汤、小食、主菜同饮品。重点介绍下佢地嘅主菜香城安格斯牛汉堡，用上烘烤过嘅面包，包身姐松软。安格斯牛扒够哂厚身，肉味浓郁，肉汁丰富，夹埋蕃茄片、沙律菜夹上半溶车打芝士，加一片新鲜生菜片，好有口感。另外配上新鲜炸起嘅粗身薯条，炸得好香脆，惹味。 
-
另外都有叫到个小食「香草牛油焗田螺」，一上菜已经充满牛油同香草汁味道，口感弹牙有咬口，螺肉好甘香软滑，入口香酥，再伴埋焗到好入味好软滑嘅薯茸。
-
味道评分▶️ (4)
抵食评分▶️ (4)
回购评分▶️ (4)
-
➡️ Homeland (东昌街) (大埔) 大埔东昌街2号地舖
-
IG: @cassiecwy/ @cassiegetfat
FB: @cassiegotravel
OP: cuisine_revolution (Lv4)
DianPing: cassiegetfat (Lv6)
TripAdvisor: cwycassie

今日黎呢间餐厅人气真系好高，下就两点去到都座无虚席好受大埔街坊欢迎

海鲜墨汁自家制乌冬呢只乌冬有两只汁拣，有咸蛋黄同香辣番茄汁，我拣左后者唔会好辣，食后有少少辣既余韵唔食得辣既都食得～想赞下个乌冬好有嚼劲！另外就相片可见有好多海鲜配料，食得出全部都好新鲜唔腥，加埋香辣番茄汁非常衬

匈牙利牛面颊意大利饭呢个意大利饭系我跟半年食过最好食嘅个牛面颊炆得好琳，唔会韧，好入味唔会太咸个饭奶油味香浓，啖啖都好满足，真系色香味俱全

饮品方面跟餐嗌佐美绿冬天饮热腾腾既饮品真系暖入心杯饮品唔系求其沟粉就算，上面有层薄cream同朱古力粉，warm

小食拼盘系第二次试了，水准依然唔错有炸鱼手指、炸蠔、柚子炸鸡翼同芝士薯条全部都系啱啱炸起！炸蠔入边饱满多汁，外脆内软柚子炸鸡翼配搭好新鲜但唔会违和，芝士薯条我谂唔使多讲，咁邪恶难啲唔好食食到食到每滴芝士酱都要食晒

呢间餐厅仲有好多选择装横环境又靓又舒服☺️每台都备置了酒精搓手液，睇得出店家既用心入黎大埔可以一试！

好少去到大埔咁远，今日去大埔谂住吸收下清新啲嘅空气。虽然隔住口罩，但都觉得大埔嘅空气好似特别清新咁。行左一阵，去到下午一点半，觉得肚饿，就周围揾下野食。

行下行下行到黎东昌街，突然见到呢间Homeland，坐满晒人，我估啲食物应该唔错，所以就拎张飞等位食啦。叫左个二人套餐加一个小食。

圣诞自由拣抗疫二人套餐 $248（包两碗餐汤、两份沙律、两份主食同埋两杯饮品）

是日餐汤
餐汤系甘笋汤，汤入边有好多好多嘅甘笋肉，即使系餐汤，亦非常有满足感。个汤亦非常开胃，饮落有好浓郁嘅甘笋味，饮得出系落足料嘅餐汤。

烟三文鱼杂菜沙律
沙律上有两片烟三文鱼，沙律用咗黑醋汁嚟做酱汁，食落酸酸甜甜，酱汁能轻易带出菜本身嘅味道。

巴拿马火腿杂菜沙律
本身系嗌咗慢煮鸡胸杂菜沙律嘅，但系餐厅边话冇晒鸡胸肉就免费帮我地转左做Parma Ham。我个人就更加钟意食Parma Ham嘅，所以我好开心。Parma Ham有一大片，咸香十足。而沙律方面就同烟三文鱼杂菜沙律一样用咗黑醋汁做酱料。

菠菜带子炖饭
菠菜带子炖饭非常香，酱汁望落系菠菜嘅浅绿色，食落有好香好浓嘅牛油味。饭方面，饭粒唔算太硬，配埋煎香嘅带子一齐食，成个饭非常高质。带子有四粒细嘅加一粒大嘅，都几够食。

香煎西班牙伊比利亚猪肩肉（+$30）
猪肩肉伴有酸菜，配埋酸菜之后，猪肉嘅味道即刻出晒嚟。另外仲有薯条同瓜送，薯条炸得非常香同脆，薯条亦唔系好多油，成个餐黎讲亦算非常高质。

蒜香辣椒炒蚬 $68
炒蚬份量都几多，蚬洗得几干净，唔会有沙。蒜香辣椒炒出嚟嘅蚬，唔会有海鲜嘅腥味，蒜头同辣椒仲可以带出蚬嘅鲜味，好食。另外仲有个兜比我地装住啲蚬壳添，好贴心。

冻柠水
只杯几靓。

食下食下就三点几，终于多返几张空台。

第二次黎呢间大埔嘅有heart西餐，好挂住佢地嘅手工意粉同埋手工啤酒，今次再试埋其他野食
.
◾️单眼佬话梅蜂蜜酒 • $68
必点！味道十分特别嘅一款手工啤咸咸地嘅话梅味，清香蜂蜜嘅味同埋小麦嘅味道配合得十分好

◾️海虾牛油果多士 $78
烤得香脆嘅多士加上清爽生菜、软滑嘅牛油果酱同埋大虾，再加左埋柠檬汁橄榄油整体非常开胃

◾️德国肠拼盘 $88
拼盘有三款肠，分别系雷根斯堡肠﹑纽伦堡肠及芝士猪肉肠配上薯蓉同埋酸椰菜，经轻微烤过带出香味，酸椰菜有鲜腻作用

◾️香煎澳洲黑毛安格斯西冷 $168
因为我要左七成熟嘅牛扒，所以预左会有啲咬口，西冷肉味香浓，有煎左嘅蔬菜同薯蓉垫底！

◾️海鲜自家制墨汁鸟冬 $118
啲海鲜点缀得碟意粉好靓上次试左辣蕃茄汁，今次就试咸蛋黄汁～觉得更加特别，咸蛋黄汁有香浓嘅咸香味，配上弹牙嘅手工鸟冬，估唔到都几夹！

#cassiegotaipo
-
去亲大埔，瘦编都会介绍朋友一齐食Homeland，因为依间真系食过几次，试过佢唔同嘅菜式质素都好好。依间通常7pm/7:30pm后就开始排队，所以今次专登安排早少少黎食，都见到坐满哂人，好受欢迎！
-
今次坐到Sofa位，无上次坐得咁迫。菜式配合佢地个名，走住家路线，每日新鲜自家手制，健康兼无味精。主菜叫左香煎澳洲黑毛安格斯西冷，牛扒厚度足够，牛味浓。另外个薯蓉好软滑，重牛油味，里面仲有d软身薯仔，食落去好有层次，正！
-
另一个主菜系香煎带子菠菜意大利饭，除左一个大粒带子之外，仲会有几粒细带子 好足料。意大利饭质地唔会太硬太软，刚刚好。饮品拣左一个热花茶同一杯冻柯华田milkshake，饮品味道都有好多选择，milkshake外型好靓，打卡一流！
-
味道评分▶️ (4)
抵食评分▶️ (4)
回购评分▶️ (4)
-
➡️ Homeland (东昌街) (大埔)
大埔东昌街2号地舖
-
IG: @cassiecwy/ @cassiegetfat
FB: @cassiegotravel
OP: cuisine_revolution