葵涌好味Pizza🥴

葵兴周围都系工业大厦 去最近嘅商场KCC未入到商场已经见到嘅Little Mario's Pizza 之前估唔到呢度啲Pizza都几好味 今次再光临

今次嚟食夏威夷Pizza 香港人都好钟意食嘅火腿菠萝 同埋Mozzarella落料比例啱啱好 足料饼底一于概往咁好食 微烟韧 都几好chew🥰

不愧为呢几年嚟香港首十位既薄饼店 menu写明用意大利无蛋面粉 薄底食落好似无咁饱腻 食落系微烟韧 咸香味俱全

食Pizza我哋钟意配返份Salad 咸香外加返啲小清新 几钟意佢个火箭菜配南瓜沙律 连唔算好钟意南瓜嘅我 都唔会好抗拒呢个沙律 南瓜质地唔会太软淋唔会太硬 刚刚好 捞埋佢哋调嘅sauce 有香草味脆脆嘅面包粒夹埋南瓜 入口香甜 口感够丰富 唔错唔错

饮品我就encore返之前饮过嘅西柚翡翠茶 一如既往西柚同茶味都好出 饮落微清甜味道够清新 饮完口腔好舒服 个人醒一醒神 如果经葵兴 我都会选择再嚟叹一叹🥰


有朋友介绍呢间位于工厂区嘅意大利传统Pizza店，话啲pizza好正，有别于传统连锁Pizza店，所以今日就同朋友一齐去试吓。
Menu都有好多选择，食物方面除咗Pizza之外仲有意粉沙律拣，素食嘅朋友都有好多选择。Pizza嘅选择都有好多，由非常传统嘅Pizza例如系意大利风干火腿Pizza、意大利辣肉肠pizza，都好创新嘅Pizza例如系松露薄饼都有。
见佢有咁多特别嘅Pizza，我就拣咗印度香料烤鸡薄饼（14"/$168) 我想讲个pizza真系超级大个，十分足料，钟意食辣嘅朋友真系唔可以错过。食落有淡淡的印度辣香，𠮶种辣味系慢慢渗出嚟，好过瘾。
肉酱意粉（$88) 虽然只系普通嘅肉酱意粉，但味道相当入味，赞
薄荷青柠梳打（$52) 淡淡的青柠清香，系食完一个热辣辣嘅Pizza之后真系好爽 总括而言，钟意食Pizza嘅朋友都好值得黎一试，pizza真系好出色