《自助形式，无手尾的懒人勿食》
海之恋廿一堂分店位于荃湾西铁站C2出口，一出到去就已经见到，交通方便。有部分窗口位可以望到海景，有天然光线渗入餐厅，好舒服、干净企理。
全间餐厅都系以自助形式运作，自助三步曲：自助点餐丶自助取餐丶自助回收。首先在门口位置的点餐机进行点餐，可以选择用支付宝、WeChat pay 丶八达通 ⋯⋯黎比钱。比完钱后就会有张收据。进入餐厅之前需要量体温丶扫「安心出行」，入到餐厅之后就自己拣位坐，然后等叫号码去取餐。最后食完之后就要自己捧返去回收区，好似日本咁。我奉劝各位无手尾嘅人唔好黎食。餐厅为估励更多人有手尾的习惯，推行自助回收环保奖赏，就喺回收位置旁边有个萤幕，按一下就有张收据，就系可以凭券买任何套餐可以有$2优惠。完成自助三步曲就会有奖励。
我当日黎食早餐，叫左蕃茄浓汤豚肉炒滑蛋三色螺丝粉，饮玄米茶。只系$28 ，我觉得非常超值，环境舒适。又平又好食，仲可以望住海景食早餐，感觉好写意。

已经无几多间店舖会收迟过 8pm…荃湾 Donki 真系好好行! 血拼前要先医医肚, 发现新开的廿一堂, 有我喜爱的豚肉丼, 正!

店面大, 座位宽阔, 日式的装潢! 安顿后先到店门外点选食物, 再到枱前领取食物, 同快餐店一样! 当然亦可使用售票机, 不过部机接触不良, 信用咭机显示已过数, 但机面无显示已成功购买及已购买之食品, 好彩后台睇到张单…应该话好彩我都系做呢行, 如果唔系未必会留意到部咭机, 所以都系直接买比较稳阵!

烧豚丼 $65 ~ 包括丼饭, 面豉汤 及 大福, +4仲有杯柠檬七喜!

鲣鱼汤赞岐乌冬配关东煮 $69 ~ 包括面豉汤 及 大福, +8 有巨峰椰果梳打特饮!

铁板角切和牛配烧丼 $88 ~ 好有牛肉味, 烧得香香的, 肉质嫩滑, 紫菜及温泉蛋拌饭, 绝配!

注: 甜品大福, 软糯幼滑!