今个周末同妈咪去咗旺角一间商厦饮茶，唔算好多人，可以坐到窗口位，又可以睇电视。当然take点心纸就系交俾我妈咪做啦。佢叫咗个香煎瑶柱萝卜糕，萝卜糕非常之香，软硬适中。在嗌咗脆皮鲜虾饺，同埋黑金流沙包。都几有水准唔错。仲有一个脆网金钩银罗肠，其实就系虾肠，但系入边有一层炸物。主食就有烧腩仔贵花鸡濑粉，我一向都好钟意濑粉，唔系度度食得到。最后甜品叫咗个紫米麻沙滋，系日本Cross Over中式甜品。茶钱每人$10 ，点心价钱合理，喺繁忙嘅旺角都唔难揾到位坐得舒舒服服，可能真系要楼上嘅茶楼先做到。

今日约咗好耐冇见嘅阿姨去旺角饮茶，上咗去盈馆，静静地又唔使揾位, 慢慢倾又唔使惊俾人赶走
仲要有下午茶添，实在太抵啦，点心纸都有好多选择，唔觉唔觉就叫咗好多嘢
叉烧肠，肠粉做得好好，够滑
鲜虾菜苗饺，皮薄馅靓最正个水晶皮
豉汁凤爪，够晒入味
叉烧包热辣辣劲多馅
$10.8 有两只潮州粉果都唔知去边度揾
烧鹅濑粉，唔想食炒粉面饭咁油腻于是拣咗烧鹅濑粉
烧卖，大大粒胀卜卜
干蒸牛肉，儿时最爱，点喼汁！风味一流

饮茶一向系我至爱，因可以品尝不同款式点心又可以放松心情与朋友畅谈；真是一大乐事。今天约了女友出来聚旧，当然要揾间食物质素有保证的酒楼啦！因女友在新界出来，所以就决定了旺角廖创兴广埸楼上盈馆，贪佢交通大家都方便。酒楼装修普通但座位相隔阔落，坐得舒服。
萝卜丝咸水角
一只只萝卜仔，买相很 cute。外皮应是加上红萝卜汁做成橙色效果。咬落松脆而用料多，有很香冬姑味。
松露菜苗饺
饺皮薄身几乎内里食材可看得清楚。鲜虾弹牙，菜苗嫩身；所以口感唔错。若然松露可多些令香味提升更佳。
手剁牛肉陈皮肠
肠粉皮薄，牛肉味浓夹有阵阵果皮清香；最重要是食时仍然热辣辣。
鱆鱼肉饼煲仔饭
煲仔饭虽是迷你版但足够我两人食。一粒粒的饭煲得干身，配上惹味鱆鱼和肉饼滋味非常和香喷喷。
蛋白杏仁茶
即磨的杏仁茶是绝不欺埸的甜品。碗里蛋白极多，杏仁味浓耶和香滑。听部长讲原来是即叫即磨即做，唔怪得我们落单后等了一段时间才有得食，但感觉值得。

超值，抵食

明天星期六只有我休息，他们都要上班，想饮茶？其实自己一个都可以，哈哈.........结果今日下午即兴走了上去，用午饭时间叹下午茶。这间创兴的盈馆，虽然第一次去（因为即兴麻，没想那么多，见到哪里可以饮茶，就走进哪里）。

叫到一枱都是，埋单都只是95元。已包括加一服务费和茶价。相当满意的价钱，好抵食。

煎薄罉 $16.8
好大个，份量好多 ，微煎，有樱花虾和葱花，边位煎得比较脆，其余就有点糯感，微弹微韧。

生煎包$16.8
本来以为有两个，点知原来有三个。平均五至六元一个，好抵食。底面都煎过，包皮都好松软，里面夹杂肉和菜，又有黑椒，黑椒味好强烈。食完都饱饱地。

布拉肠$21.8
份量都几多，如果无数错，应该有十条，每条都是布拉，好滑身，配上平时会沾的豉油，甜酱，花生酱，味道和口感的确不错 ，滑，软，冧。

瑶柱贵妃鸡濑粉$22.8
平时饮茶，鸡通常直接放入濑粉碗入边，这间原来是分开上的，鸡件好嫩，好滑，有鸡件，有鸡髀，濑粉软硬适中，汤略咸，一碗只是22.8元，觉得超值尼 。

停课已到最后尾声，班细路下星期会开学，所以带佢哋出去威，首先拣咗旺角饮茶，去咗创兴嘅盈馆食午餐。
呢度座位阔落，每张枱相隔都几远，而且好清静，冇一般茶楼嘈吵嘅声音。
食物方面，叫咗一个中午嘅套餐：一款炒粉面、两款餐前小吃、四款点心。都只系二百几蚊超级抵！
潮州捞粗，粗面爽口弹牙。汤汁用肉丝、虾、银芽烩成。正！
包汁凤爪大大碟，炆得又淋又入味。
海蜇燻蹄，回本之选。
四款点心，梗系叫果d特点同大点啦！黑金流沙包、瑶柱珍珠鸡、鲜虾烧卖王、沙律名虾角。
跟住再叫多两个点心，牛肉肠、棉花鸡，所有点心质素都相当高。