最近好兴有好多唔同既关注组
于是我都入埋一份啦☺️
成为左米线关注组既一员！
见到大家都有分享香港唔同地方好食既米线
今日就带大家去观塘揾食
✅香格里拉米线专门店
此香格里拉唔系我地熟悉既香格里拉酒店
听讲呢间舖之前系旺角好出名
入到舖头俾酸菜鱼吸引左
所以一于试佢个招牌米线同酸菜鱼

招牌香格里拉米线 $55
感觉就好似过过桥米线咁，咩都有啲，有一般系谭仔会食到既，最啱咩都想试但又唔知食咩好，可以一次过试哂！
但系佢平凡中又有啲不平凡，入面竟然有鱼肚！第一次见到有鱼肚加落米线够哂特别！
另外佢个炸酱亦都唔同我地平时系谭仔又或者其他酸辣米线既味道，佢系带甜甜地既，未必个个都会钟意呢个味道
今次叫左佢个沙嗲汤底，个汤头好香而且好有沙嗲味，大家不妨一试！
(但我对佢个酸辣汤都好有兴趣)
味道: 3.5/5
卖相: 3/5

酸菜鱼 $88
价钱就真系贵过就咁食一碗米线啦 不过又好想两样试哂 所以就叫埋佢啦！
鱼既份量好多，而且唔系用普通既鱼片，食得出系用鲩鱼片，好脆好爽 唔会一夹就散！ 份量两个人share食都够！入面有几条粗薯粉，女仔食既话就够，但如果男士们食既话应该要加个白饭送 。
不过佢个味道我就觉得麻麻地了，佢酸菜既味道系带咸味多啲，同埋唔够正宗食酸菜鱼既舖头咁香，叫左小辣但都冇乜辣既感觉，呢个位有啲减分！
味道: 3/5
卖相: 4/5

呢间米线有别于以往既米线专门店，所以都唔可以同食开既比较，只可以话各有特色
系观塘又想食米线既 都不妨一试 话唔定带到惊喜俾你！