今日去咗观塘嘅一间Cafe食晚饭，佢好耐之前就不停同我讲’好想食~’ 今日终于有得去食今日好彩早嚟攞飞，见到食前同食完后都仲系有咁多人排队等位，大概有10几人但系觉得呢一间餐厅系值得排队嘅✨

明太子忌廉大虾炖饭 ($148) 由于本身系超级钟意食明太子，嚟呢间餐厅前已经谂住食呢个明太子饭，所以啱啱谂都冇谂就order咗 果然！佢冇令我失望！！呢个顿饭嘅忌廉汁做得好足亦都好香，同意大利饭差唔多✨而且每一啖饭都会食到一粒粒嘅明太子，好高质因为出面嘅餐厅唔会有好多明太子嘅配搭，所以嚟到呢间餐厅食呢一个明太子饭就觉得好满足而且个饭里面仲有好多大虾，上面仲有火箭菜嘅配搭，绝对冇偷工减料

蒜香蟹肉意粉 ($118) 呢个意粉可以拣辣度，但系觉得小辣都已经够晒因为太辣会影响成个意粉嘅味道呢个意粉够晒蒜香味，而且仲有好多蟹肉添钟意食干身意粉同埋蒜香味嘅朋友就啱晒啦

朱古力忌廉碎冰 & 绿茶鲜奶碎冰 ($48) 因为唔饮咖啡，所以就叫咗呢两杯饮品两杯饮品上嘅忌廉都系店舖自己打出嚟，又香又滑~但系如果可以龙啲嘅话就更加好味。

整体而言，明太子忌廉大虾炖饭系最好味，诚意推介俾大家❣️虽然排队时间有啲长，但系系值得嘅✨✨

观塘高质Cafe，餐牌选择多，价钱亦算合理，加环境阔落舒适，想放松食个午饭是不错的选择。

轻食类、主食类到甜品都齐备，最近去更见到新Menu，多了些特色小食，颇有新意。

辣蕃茄酱大虾意粉份量好大，虾新鲜弹牙，面条软硬度刚好，酱汁对我来说稍为偏甜但可接受。

唔想食太Heavy推荐牛油果多士，配三文鱼或鸡肉沙律都好食，跟餐免费一个小食，炸薯条新鲜热辣味道不错。亦可以加钱配乳酪，好味道但是份量太大了，女生未必吃得完。

梳乎厘pancake非常有惊喜，够松软亦有蛋香，而且不会过甜，配上奶油食一流。温馨提示份量非常大，建议同人share一齐食。

呢间餐厅位于观塘工业区，系好热门嘅餐厅，好彩我系餐厅开门之前去，要不然都要等好耐。佢铺面都几大，座位与座位中间都隔得开，坐得舒服。由于餐厅系用网上落单，所以一坐低，店员会递上QR code。我地食左焗肉酱意粉、明太子忌廉大虾炖饭、咸蛋黄薯条、蒜香鸡翼等，全部份量都好多，够２-３人食，而且好好味！

2小口子揾野食，去咗一间有日系感觉嘅Cafe，要叹下，梳乎下，慢活下。等位都算快，大概15分钟就可以入座

榛子朱古力焦糖香蕉梳乎厘班戟 $90超正呀打卡一流。梳乎厘软绵绵震腾腾，配上有少许朱古力味嘅淡忌廉，食落口空气感十足又有朱古力味，仲有仲有焦糖香蕉，好正❤️。

焗肉酱意粉 $112意粉弹牙有咬口，唔过熟。香浓拉丝芝士配肉碎，正，同埋真系好够热。

咸蛋黄薯条 $68超黄，超正，热辣辣又香口，条条薯条都挂满晒香浓嘅咸蛋黄，口感一流。不过食得多都有啲肥腻感

Oreo忌廉碎冰 +$24碎冰上面有淡忌廉同Oreo曲奇做装饰，虽然系碎冰但系都好重Oreo味，唔会饮到底就冇晒味，所以佢真系好足料，值得推介。

一开始觉得餐厅餐牌比较贵，但是落单之后觉得非常之ok，因为它的份量很大,而且很好味，食物新鲜。我一定会再来！