行经K11见到呢间装修雅致及价钱唔算贵嘅台式餐厅，所以就谂住一试：
胡椒葱肉包（$38）
葱肉包咬落松软，唔太觉有胡椒味，但味道都算唔错！
鹅不是鸭肉 (狮头鹅) - 例牌（$98）
卤水汁味道唔会死咸，鹅肉肥瘦均称，肉质嫩口之余仲卤得好入味而芽菜及豆腐亦吸收咗卤水汁，食落好惹味，不愧系招牌菜，推荐
石锅三虾泡台梗饭（$82）
店员帮我哋将冒烟嘅石锅汤饭分成两份，汤饭有虾粒及鱿鱼粒等，再配埋脆米粒，味道充满咸鲜味之余，亦好有口感推荐
芋圆珍珠红豆汤（$42）
红豆沙唔会好甜，配埋烟韧Q弹嘅芋圆、珍珠及小丸子，除增加口感外，亦唔会只得糖水咁单调！
蜂蜜白苦瓜汁（$38）
初入口时会饮到蜂蜜嘅味道，但之后就会尝到白苦瓜嘅甘味，既清新又健康
蜂蜜茉莉绿茶奶盖（$38）
清香嘅茉莉茶配幼滑及充满淡淡芝士味嘅奶盖，真系好match好好饮推荐
另外，餐厅提供机械人送餐及手机消毒服务，几特别
1 - 5 条点评，共 23 条
去尖东开完会，时间尚早谂住去附近K11 Musea行下，一心想去试幸福pancake，点知long queue♀️目测起码要等半个钟以上，估唔到疫情都甘多人排。唯有附近再行下，睇下有无cafe之类坐下食个tea。
Search下openrice隔离K11商场既餐厅都多选择，一于去行下啦。停一停，睇下menu先 Hmm...好快已经锁定目标，试下个pancake set个pancake卖相已经深深地吸引住我
:::✨好啦，入返正题先✨:::
我同bf分别order左一个pancake set同珍珠芋圆奶盖仙草set share。Tea set包一杯冻/热饮，我地叫左一杯冻同一杯热既既桂花胚牙米水。桂花既香气沁人心脾，留下清甜甘香既余韵，甜而不腻。而米水亦都系健康之选，系唔错既选择
餐厅环境舒适、宽敞。「稻埕」系以追寻「那些年的古早回忆」作为理念。装修既风格偏向古典优雅，系一个几chill既好地方！
♠️黑糖珍珠舒芙蕾班戟配抹茶雪糕Tea set
⚪️
108
个卖相真系无得输 相机食先是常识吧 好中意只星空碟吖！
首先讲下个pancake，浓厚嘅蛋香同奶香，口感就好似棉花糖一样咁松软。微暖既Pancake加上冻冻地嘅抹茶雪糕，冷暖交替，好正吖 称得上系幸福嘅感觉！
至于黑糖既份量，就返个人既喜好随意淋上pancake就可以。珍珠既份量有啲over，而且食多少少都觉得好滞，所以个人认为食几粒好啦
抹茶蕨饼口感烟韧，茶味都几香浓！至于抹茶雪糕有惊喜！抹茶味都几浓，而且有淡淡回甘
整体而言，足料又抵食！
芋圆珍珠仙草奶盖Tea set (包一杯饮品)
⚪️ ⚪️
58
卖相方面系几吸睛既 先讲下芋圆，口感烟韧 可惜唔系好够味。豆腐花同奶盖，一甜一咸又几夹，奶盖既咸香无盖过豆花既豆香。
仙草份量略少，如果份量多返少少 取代埋珍珠就好了。虽然只系装饰，通常大家都唔会expect太多，但都几甜唔酸 反而有冲击味蕾嘅作用。
整体黎讲，有啲似台湾综合芋圆汤 咩配料都有啲，满足哂大家既口味
稻埕饭店 - 正宗古早台湾味
又是介绍台湾菜的时候，今次这间菜馆主打正宗古早味的台湾菜，不是一般台湾小吃，而是比较正式的台湾小菜，体验精致、到位的台湾味。
不够臭豆腐
色香味俱全的臭豆腐，金黄色的色泽、香气十足的臭豆腐，外脆内滑的豆腐、配上酱汁更滋味。
鹅不是鸭肉
点了例牌的鹅肉，鹅肉油脂平均，不会有肥腻感，外皮入口融化，肉质鲜嫩，面且非常入味。
盐酥猪扒卤肉台梗米饭
选用台梗米饭，粒粒饱满，黏性好，口感佳，上面布满卤肉，油香感满分。
饭品还配有盐酥猪扒，香脆有底味的盐酥外皮包著嫩滑多汁的猪扒。
桃胶炖蛋白
超美颜滋润的甜品，炖得又香又滑的蛋白，配上高植物性蛋白质和高纤的桃胶，食多多也不怕。
桂花胚芽米水
有着桂花香和胚芽口感的饮品，超润喉易入口的米水，喝到喉咙时感觉非常舒适。
草莓樱花冰沙
然后是草莓樱花冰沙，少女心的一杯特饮，像甜品一样，顶部是香滑忌廉和新鲜士多啤梨，之后是冰冻的冰沙，酸酸甜甜非常解渴。
呢间稻埕饭店环境好好，今次我咁啱坐一个私隐度好高嘅双人卡位，视线范围内都冇其他枱㗎
食物整体都唔错㗎～
.
今餐主食系石锅三虾泡台梗饭，顾名思义系用石锅上嘅，不过店员喺我哋枱隔离帮我地分咗两碗先真系上枱俾我地，好贴心嘅服务
用嘅台梗米话系台湾直送，整成泡饭都好有口感。
泡饭唔使落其他调味料都啱啱好，同朋友一致认为个泡饭几好食。
.
另外我同朋友都好钟意个甜品！
姜汁桃胶炖杏仁鲜奶虽然唔系咩花巧嘢，但真系好好味食得出杏仁鲜奶嘅香味，又食得到姜汁嘅味道。
一碗两个人share啱啱好。
.
满满骨胶原猪手煮到好软腍，都系唔错
胡椒葱肉包都OK，不过佢望落好似有煎过，但食落完全冇香脆嘅感觉㗎
.
每人仲叫咗一杯米水。
朋友叫咗草莓优格米水($32)，我饮咗一啖又唔觉得有yogurt嘅味嘅
我叫咗热嘅桂花胚芽米水($32)，系养生之选，略嫌有啲贵囉
