近排返工真系忙到有气无顶唞，就连食饭时间，都要争取食个快饭，然后拿拿声做埋啲project

为左要快，就同个同事去左香叶湾买外卖，虽然唔系第一次帮衬，不过佢地都好好服务
而且外卖仲有折，超抵食

餐牌有星马泰美食，梗有一款岩我地口味
睇到眼都花晒最后我拣左德国咸猪手配意粉，汁就跟烧汁首先呢个份量系超级劲猪手又大大只，唔会有肥腻感，肉质仲好juicy，配埋个烧汁及意粉，无得顶

另外同事马拉盏猪颈肉炒饭，个餐有餐汤及饮品。

个炒饭份量又系好劲，而且好有镬气，猪颈肉有口感，啖啖食到好香口同事食左一半已好饱，剩番一半做晚餐

上汤香茅猪排金边粉
清汤底感觉不错，不想太油的话是不错的选举。而猪排香茅味十足，略带香甜，肉质松软又不失嚼劲，有点儿肥膏令整件猪排味道更香浓，金边粉虽没有透明感，但薄又轻，且厚度均匀，不容易断开。

朋友最近做咗个小手术，要留在家中休养，趁这天有空，去探望一下， 聊表心意。

知道友人还没吃午饭，决定行远少少，嚟海滨汇 2 楼「香叶湾」外卖两份午餐。

其实呢间餐厅之前都帮衬过，觉得店舖不但环境正，充满泰国风情，而且食物款式又够多，加上外卖自取仲有 discount，实在非常抵食。

Whatsapp 咗个餐牌俾朋友睇，佢拣咗西冷牛扒，而我就点了香草芝士煎龙脷柳。两个套餐都可以拣跟饭、意粉、薯菜或沙律 及 配洋葱汁、烧汁、黑椒汁或蒜茸汁。另外每个餐都会奉送餐汤及咖啡或茶，非常丰富。

去到朋友屋企已经急不及待，马上开餐。两份午餐都好吸引，大家决定 Share 嚟食。

先吃朋友点嘅西冷牛扒配薯菜、洋葱汁 ($58)，牛扒非常大件，分量十足。切咗一块试下，味道很不错，肉质软腍适中，而且醃得好入味，入口嫩滑无渣。垫底的薯菜亦下得非常慷慨，有西兰花、椰菜、红萝卜、薯角等，有菜又有肉，健康又美味。

至于另一盒香草芝士煎龙脷柳配意粉、蒜茸汁 ($54) 亦睇头十足。鱼柳煎至微微金黄色，鱼肉嫩滑无骨，自行淋上蒜茸汁，洁白的鱼肉并不散烂，味道啱啱好，入口还带阵阵蒜香，开胃惹味。

差啲唔记得咗饮餐汤，餐汤拣咗中西各一，分别为冬瓜薏米猪骨汤及罗宋汤，冬瓜汤非常清润又足料，咁热嘅天气饮就最啱。罗宋汤味道亦对办，酸香醒胃。

饮品点咗冻朱古力 (+$3) 同热西洋菜蜜，朱古力好好饮，入口浓郁顺滑，美味。虽然只是快餐外卖，但我和朋友都吃得非常满意，呢间餐厅应该会继续 Keep住帮衬。

晚饭选了这间有很多菜式的餐厅，多为泰菜丶中菜丶亦有马来西亚菜式等，可以走辣，连餐汤也有多款选择，还奉送餐饮

鸡球炒芥兰苗 $65
份量十足，芥兰苗幼嫩爽口，鸡肉鲜嫩香口

泰式鲍汁海皇豆腐煲 $68
非常丰富，有豆腐丶虾丶蟹柳丶鱿鱼等，酱汁香浓味美

马来薄饼2件 $28
薄饼质感外层松化，内层酥软，极之好味，薄薄的不会有油腻感

香茅鸡翼4只 $28
鸡皮香脆可口，鸡肉味美

餐饮选了青柠梳打及热杏霜

一间多元化又抵吃的餐厅，环境及服务态度也很好

公司搬左去牛头角嘅第一日，想发掘下附近有乜好食，于是上网揾，见到哩间香叶湾有泰国菜食，于是决定lunch 行去睇下。
哩度Lunch 都唔少人，可能附近真系唔太多嘢食，仲要系哩啲大众化价钱，哩度算合理。
哩度太多选择啦，我拣左青咖喱牛肉饭，外卖返公司食。等左一阵已经可以攞，都几快！而且外卖平啲，盒饭都几大盒，我咁大食都食唔晒青咖喱唔算太辣，牛肉又多，整体味道合格啦，会再帮衬试其他嘢。