👍🏻海鲜
重头戏大头虾条条都好生猛，系流水虾槽游来游去。虾肉几弹牙而且鲜甜，虾头仲有好多虾膏添！（烧之前可以剪走虾须同脚，会更加方便，烧紧可以加少少粗盐更惹味）

其他海鲜可以自己拎，有青口、生蠔、扇贝、小圣子同海蚬 。全部用冰镇住，贝壳类全部都好肥美，无沙无碎。（餐厅仲送咗一人一鲍鱼，刺身仲可以添食添：三文鱼、赤背、马刀背、笔记背、甜虾、荣螺），推介扇贝，超大粒超厚肉好甜好甜好甜！

👍🏻肉类
试咗餐厅嘅牛仔骨，超嫩超重牛味，唔会太过口，方便我哋烧！另外亦有鸡肾、鸡软骨、多款醃鸡翼（咖喱、麻辣、香蒜、黑椒味）、猪颈肉等等，好卫生！

👍🏻饮品甜品
自助餐形式，想饮咩就拎咩！款式包罗万有，仲有多款口味嘅雪糕，泰式甜品：椰汁糕，大菜糕、番薯糖水都有，唔够都仲有爽甜嘅西瓜（好彩甜品有第二个胃）

👍🏻👍🏻烧到攰外面仲有即夹即食，青木瓜沙律、无骨凤爪、炒饭、避风塘炒虾，唔同种类都一应俱全。

👍🏻👍🏻餐厅有好多个流水虾槽，环境超级阔落，卡位相当舒适！

💡有手套、纸巾、湿纸巾供应！

即夹即烧流水虾嘅亲子餐厅→泰夯虾～曼谷正宗流水虾（香港） ，两大一小只收成人价，7:30前埋单仲有7折~每位光顾都送一份限定海鲜同和牛，而每张台旁/后面都可无限任夹流水虾，想烧其他海鲜就自取（约有3-4款），仲有泰式炸物（5-6款）、蔬果（最正可烧菠萝）、沙律、甜品、雪糕～
食物款式都算多同新鲜好味，两个钟任食就仅仅够用，我地一家四口都食得饱饱，埋单$826，性价比算高，可以翻啅。