我们不支持您使用的这种浏览器。Tripadvisor网站可能不能正常显示。我们支持以下浏览器:
Windows: Internet Explorer, Mozilla Firefox, Google Chrome. Mac: Safari.

“超正铁板烧三文治”
HAND3AG的点评

HAND3AG
香港排名第303 (共15,693家美食)
周围地区: 尖沙咀
餐厅详细资料
周围地区: 尖沙咀
2020年11月29日点评 通过移动设备发表

讲起铁板烧三文治 除左Isaac Toast 又有一个好正即选择要介绍比大家 系系K11 Musea 主打玩味配搭 以意想不到既食材作为三文治饀料 但系价钱仲好大众化既Hand3ag 店舖装修明亮 座位都几多 入面仲有卡位
Lunch set 三文治单点都系$49起 加$39 upgrade套餐仲有薯条/餐汤/沙律+餐饮 好抵食 单点小食$28起 呢到食物选择好多 今次试左好多食物 抵食又好食 等我逐个项目介绍比大家啦☺️
三文治
1. 虾兵蟹将铁板三文治 材料有酥炸软壳蟹 小龙虾沙律 紫椰菜 醃红萝卜丝配他他酱 听到都知好食 我地一致觉得最钟意食 三文治用铁板烘 口感香脆 软壳蟹配上醃过既红萝卜丝 酸酸地好夹 一d都唔腻
2. 拉面叉烧铁板三文治 材料有日式叉烧片 味噌拉面 味付溏心蛋 味付荀丝 牛油粟米粒 熔岩芝士同味噌蛋黄酱 完全系惊喜之作 无谂过日式拉面可以crossover三文治 感觉就好似之前好出名既营多三文治 原来真系可以毫无违和感 好夹 调味到位 拉面口感都控制得好好
3. 慢条撕理食肉兽铁板三文治 材料有手撕牛仔排 㶶边流心蛋 蕃茄 生菜 芝士同芥末籽蛋黄酱 又系爆哂馅超级足料 一口咬落去食到手撕牛同蕃茄 每一款三文治既酱汁既配搭加上蔬菜都好巧妙咁令三文治带清新感 好出色
4. 欧陆监狱铁板三文治 材料有玫瑰芝士烩通心粉 普罗旺斯炖肉丸 脆薯饼 㶶边流心蛋 生菜 芝士 果然好有欧陆风情 一啖食到mac and cheese同肉丸 好丰富
小食
1. 三日三夜自家手切薯条 用上矜贵既Agria薯仔 先慢煮 再低温轻炸定型 再高温炸至金黄色 要用上3日3夜用心制作 外脆内软既手切薯条 你可以抵挡到? 加$7就可以试到自家调制酱汁 我试咗黑松露蛋黄酱 真系好完美 香浓黑松露味配搭香脆粗薯条 好幸福
2. 自家制蟹肉忌廉薯饼配他他酱 一份有3件 都几大件多馅 馅料棉密creamy又食到一丝丝蟹柳好正
3. 酥脆牛油果配芒果莎莎酱 同蟹肉忌廉薯饼好似 不过馅料系好多好多既牛油果 不得不赞佢哋既芒果莎莎酱 酸酸甜甜 中和左牛油果既腻 好好食
饮品
1. 白桃姜茶 本身套餐已经包括左 可选咖啡 汽水同多款茶 呢个白桃姜茶好香 唔算太姜都几岩冬天饮
2. Rose Latte 套餐加$10可以升级特色咖啡同Rainbow Smoothie 非 常 推 介 大家加呢杯特饮 Latte可以拣有咖啡/无咖啡 Rose Latte 底加左玫瑰糖浆 好香玫瑰花味 唔会好甜 重点真系好靓
3. Earl Grey Latte 同样系加$10 面头有1粒小Macaroon好可爱 伯爵茶同咖啡配合得天衣无缝 口感幼滑
4. 橙沙冰 套餐加$10 成份有香橙 苹果同胡萝卜 好清新
5. 餐汤 北海道野菜薏米浓汤 真系好有去北海道 冰天雪地饮热汤既感觉 好足料 好多野菜粒同薏米 好健康

感谢 foodiecouple_ms
此点评为Tripadvisor会员个人反馈,不代表Tripadvisor的意见。原文语言为中文,源自www.tripadvisor.com.tw 查看原文
撰写点评点评 (54)
旅行者评分
旅行者类型
时节
语言

13 - 17 条点评,共 54 条

2020年11月13日点评

无论是提神的早餐、还是饱肚的午或晚餐,都非常适合在附近工作的打工仔呢!

欧陆监狱铁板三文治 ($54)
Juicy茄酱肉丸+rose mac n cheese, 味道浓郁cheesy

虾兵蟹将铁板三文治 ($62)
香脆炸软壳蟹+超鲜甜小龙虾沙律, 配丰富口感的紫椰菜丝

3日3夜自家手切薯条配松露蛋黄酱 ($42)
连薯皮脆炸包住满满薯蓉 蘸松露蛋黄酱停唔到口

酥脆牛油果配芒果莎莎酱 ($28)
完熟绵滑牛油果蓉就咁吉列已经超正, 加甜甜辣辣既mango salsa配搭得宜

玫瑰鲜奶咖啡 ($42)
花香syrup,☕️espresso同鲜奶既比例岩岩好!

红沙冰 ($42)
既果昔再加入红甜椒, 浓厚得黎味道酸甜好特别❤️

感谢 Foodblog C
此点评为Tripadvisor会员个人反馈,不代表Tripadvisor的意见。原文语言为中文,源自www.tripadvisor.com.hk 查看原文
2020年11月5日点评 通过移动设备发表

与好友行K11 购物艺术馆刚巧经过HAND3AG吐司速食店,位置好方便近地铁站入口,装潢简洁光猛以白色为主色,空间大座位满多。

欧陆监狱铁板三文治 HKD54
卖相已经好吸引馅料极之丰富又结实,主要有玫瑰芝士烩通心粉、普罗旺斯炖肉丸、脆香薯饼、爽脆水晶生菜、㶶边流心蛋及三种芝士浓混合而成的熔岩芝士等。虽然有那么多料,但是吃起来味道酸酸甜甜好开胃,一点也不觉得太Heavy。

感谢 Daydream62373840899
此点评为Tripadvisor会员个人反馈,不代表Tripadvisor的意见。原文语言为中文,源自www.tripadvisor.com.hk 查看原文
2020年10月30日点评 通过移动设备发表

尖沙咀K11呢间嘅三文治店HAND3AG 真系次次碌 ig 都一定见过!见到啲爆馅三文治真系超想试!今日终于同朋友去咗yeahhh

店内装修走简约风,全间都系白色好型格!

佢地有得单点或者加 $39转 set 加主食+小食+野饮

小食薯条/薏米浓汤同 凯撒沙律&饮品

我就好鬼贪心叫左两个set 但黎到一秒后悔...

慢条斯理食肉兽铁板三文治:入面有手撕嘅牛仔排,浓边流心蛋同蕃茄生菜,车打芝士,芥末籽蛋黄酱,手撕肉肉质软淋juicy 同埋蛋汁好好味~~~

虾兵蟹将铁板三文治:入面有酥脆软壳蟹,小龙虾沙律,椰菜同醋渍红萝卜丝,他他酱,有卜卜脆软壳蟹加上Creamy口感嘅小龙虾沙律,再配以清爽嘅蔬菜,口感超丰富!

跟餐嘅人气小食三日三夜自家手切薯条,劲粗!!好重薯仔味,仲可以+ $7蚊配自家酱汁(我拣左黑蒜滋味酱,但感觉都系黑松露最衬)

另外我仲加左钱要其他小食:
芝士香辣烤甜粟:粟米上铺满左熔岩芝士,再淋上惹味非常嘅香辣蕃茄酱,令到清甜嘅粟米带点似墨西哥般嘅辣,亦带有啲似pizza嘅味,系款非常过瘾嘅小食。

仲有呢杯伯爵茶鲜奶咖啡都好igable!

用上Nutty嘅咖啡豆,除左咖啡味外,伯爵茶嘅茶香味亦都非常突出,再加上杯上嘅忌廉,令咖啡入口更加幼滑。

感谢 hkfoodkillerr
此点评为Tripadvisor会员个人反馈,不代表Tripadvisor的意见。原文语言为中文,源自www.tripadvisor.co.uk 查看原文
2020年10月25日点评 通过移动设备发表

呢次嚟到位于尖沙咀K11嘅人气三文治店HAND3AG,系一间铁板三文治专门店,店内简约嘅装修,采用自助形式,而佢哋呢度嘅三文治每款都极为吸引,每款味道组合都非常特别,玩味十足。

加39蚊可转套餐
(三日三夜自家手切薯条/
北海道野菜薏米浓汤/凯撒沙律&饮品)
三文治每边喺铁板上用植物牛油同埋橄榄油将其轻轻煎至金黄色,面包满满油香味。
欧陆监狱铁板三文治:加入左普罗旺斯炖肉丸,玫瑰芝士烩通心粉,脆薯饼,水晶生菜,浓边流心蛋,熔岩芝士,肉汁蛋汁满满,呢个三文治饱肚感十足,充满异国风情嘅味道,芝士味浓郁,芝士迷会非常钟爱。

拉面叉烧铁板三文治:呢个三文治玩味十足,将日式拉面嘅食材变为三文治,分别有日式叉烧,味噌拉面,味付溏心蛋,味付荀丝,牛油粟米粒,熔岩芝士,味噌蛋黄酱等,

跟餐嘅人气小食三日三夜自家手切薯条,顾名思义用上三日三夜制作,用上Agria嘅薯仔经过精挑细选出嚟,呢种薯仔质地松粉,外皮簿脆,可加7蚊配上自家酱汁(特制蕃茄酱,黑松露蛋黄酱,黑蒜滋味酱)而黑松露蛋黄酱浓郁嘅黑松露味同薯仔非常夹,会令人一食上瘾。

而我哋另外点选左大餐牌中嘅小食蟹肉忌廉饼,一份有三个,外表炸至金黄色,酥脆非常,而入面嘅蟹肉忌廉除左满满嘅蟹肉外仲非常creamy添。
Americano:呢款系佢哋嘅得奖咖啡,用上较Fruity嘅咖啡豆,带有阵阵果香味,饮落果酸味较重,若不喜欢带酸嘅咖啡,可以选择Nutty,而店员落单时会问要用边款嘅咖啡豆,系非常贴心嘅服务。

感谢 hkngtmfood
此点评为Tripadvisor会员个人反馈,不代表Tripadvisor的意见。原文语言为中文,源自www.tripadvisor.com.hk 查看原文

查看过HAND3AG的旅行者还看了

 
中国香港
 

去过HAND3AG吗? 请分享你的经验!

写点评 上传照片

业主:有什么想要和我们分享的吗?

拥有或管理这家酒店? 免费获取您的详情页以便回复点评、更新资料或者进行其他操作。

获取您的详情页
© 2022 TripAdvisor LLC 保留所有权利。

网站的此版本通常面向中文使用者,除非有针对其国家或地区的特定网站版本存在。 您可以使用下拉式菜单访问 Tripadvisor 网站面向特定国家或地区的其他版本。