今日嚟咗K11，见到呢间餐厅嘅三文治好有特色，望落去好吸引，所以入咗去食lunch ☺️

大力水手铁板三文治 (Set: $91)
- 鸡块好厚身，非常有份量，而且肉质鲜嫩多汁，一啲都唔干身，配料都十分多样化，有流心蛋、醃青瓜，成个三文治嘅风味都升华咗，一啖咬落去好满足，食到舔舔脷

虾兵蟹将三文治 (Set: $101)
- 一食落去就好有惊喜，入口就尝到软壳蟹同虾嘅鲜甜美味，他他酱几香甜，充分带出海鲜嘅鲜味，食到好滋味

3日3夜自家手切薯条 (中）
- 手切薯条系较粗身大条，外面炸到好香脆可口，入面软软绵绵，口感层次好丰富，一条接一条，食唔停口
- 配黑蒜滋味酱 (+$7)：黑蒜超级突出，蒜香浓烈，但唔会太重口味，辣辣哋又带点甜味，配埋厚身嘅薯条食一流
- 配蕃茄酱：蕃茄酱酸酸甜甜，甜酸程度调校到啱啱好，夹埋一齐食好好味

玫瑰鲜奶咖啡 (冷) (+$10)
- 咖啡好出色，香浓甘香，而且玫瑰香味非常突出，香甜可口，甜味中和咗咖啡嘅微甘，配搭一流

伯爵茶鲜奶(冷) (+$10)
- 伯爵茶鲜奶好好饮，入口顺滑，牛奶嘅甜味同伯爵茶嘅茶香完美咁融合埋一齐，咖啡以外另一个top choice

餐厅内部环境设计几有格调，灯光明亮，而且整体食物质素好高，用餐经验好开心

【K11写意下午茶】
今日嚟到尖沙咀K11行街，顺便食Tea再返屋企。
呢间餐厅设计得几靓，空间阔落，好适合同情侣或闺蜜黎打卡。

虾兵蟹将铁板三文治+中薯条+饮品 $101
呢个三文治入边有软壳蟹、小龙虾沙律、椰菜丝、萝卜丝同埋他他酱，配料丰盛，食落好开胃。
薯条加$7仲可以转自家酱

慢条斯理食肉兽铁板三文治$101
呢个三文治配有牛仔扒，流心蛋、番茄片、生菜仲有巨量芝士。食落到舔舔脷。

伯爵茶鲜奶咖啡（跟餐+$10）
玫瑰鲜奶（跟餐+$10）

大大杯特饮只系需要加$10就可以转到，茶底香醇，咖啡浓郁。玫瑰鲜奶好有特色，好饮得黎打卡都一流。

今日黎到一间装修简约，好型格嘅餐厅我地叫左四个lunch set
每个set都有三文治+薯条或沙律或汤+野饮
都可以自己配搭其他，追加小食
1️⃣三文治
呢度啲三文治全部都用料丰富，你睇张相就知
我最钟意虾兵蟹将铁板三文治
里面有原只嘅酥脆软壳蟹同埋小龙虾，我最钟意系佢个蔬菜配搭，紫椰菜丝同埋醋渍红萝卜丝令到个三文治带啲酸味，食落好开胃，又唔会乾，俾十个like

欧陆监狱铁板三文治
呢个最特别！里面有通心粉、肉丸、流心蛋同埋蔬菜，中间仲有啲薯饼，识落好有层次

大只水手铁板三文治
呢个卖相就最靓，居然中间有糖心蛋，仲流心添，炸鸡块外面香脆里面软嫩，唔会太肥，食落味道都唔错

慢条斯理食肉兽铁板三文治
牛仔排好惹味，配搭芝士、蕃茄同埋生菜，就好似食紧汉堡包咁呀，good

2️⃣小食
三日三夜自家手切薯条
好大条嘅薯条，好香脆，我哋拣咗黑松露蛋黄酱，好味道

单点：芝士烤普罗旺斯炖肉丸
卖相好靓！芝士多到可以拉丝，蕃茄蓉配搭肉丸好啱，肉丸肉味浓郁

单点：自家制蟹肉忌廉饼配他他酱
超级好食！下次都会叫！里面有清楚见到好多蟹肉，忌廉饼外脆内软，味道非常唔错

单点：酥脆牛油果配芒果莎莎酱
芒果莎莎酱有啲辣，酸酸甜甜辣辣嘅味道同牛油果脆饼好夹

3️⃣饮品
玫瑰鲜奶
颜色好靓，粉粉红红，有玫瑰嘅花香，奶味香浓

伯爵茶鲜奶
伯爵茶味香浓，推荐！

热情果提子果汁
果汁味道芬香，酸酸甜甜，非常唔错㖞

蜜桃果汁
有好清香嘅蜜桃味，唔会太甜

我哋四个同事虽然分开咗坐，但系隔住条走廊都可以倾偈，呢一餐真系食得好满足，满载而归

拉面叉烧铁板三文治餐 $95
今次选择咗拉面叉烧铁板三文治餐，以橄榄油烘烤嘅铁板三文治相对轻盈健康。加入日式梅头叉烧、味付荀丝、溏心蛋、味噌拉面等，成功浓缩日式拉面精华于三文治之中。混合芝士同味噌蛋黄酱，味道毫不干身，层次丰富。

讲起铁板烧三文治 除左Isaac Toast 又有一个好正即选择要介绍比大家 系系K11 Musea 主打玩味配搭 以意想不到既食材作为三文治饀料 但系价钱仲好大众化既Hand3ag 店舖装修明亮 座位都几多 入面仲有卡位
Lunch set 三文治单点都系$49起 加$39 upgrade套餐仲有薯条/餐汤/沙律+餐饮 好抵食 单点小食$28起 呢到食物选择好多 今次试左好多食物 抵食又好食 等我逐个项目介绍比大家啦☺️
三文治
1. 虾兵蟹将铁板三文治 材料有酥炸软壳蟹 小龙虾沙律 紫椰菜 醃红萝卜丝配他他酱 听到都知好食 我地一致觉得最钟意食 三文治用铁板烘 口感香脆 软壳蟹配上醃过既红萝卜丝 酸酸地好夹 一d都唔腻
2. 拉面叉烧铁板三文治 材料有日式叉烧片 味噌拉面 味付溏心蛋 味付荀丝 牛油粟米粒 熔岩芝士同味噌蛋黄酱 完全系惊喜之作 无谂过日式拉面可以crossover三文治 感觉就好似之前好出名既营多三文治 原来真系可以毫无违和感 好夹 调味到位 拉面口感都控制得好好
3. 慢条撕理食肉兽铁板三文治 材料有手撕牛仔排 㶶边流心蛋 蕃茄 生菜 芝士同芥末籽蛋黄酱 又系爆哂馅超级足料 一口咬落去食到手撕牛同蕃茄 每一款三文治既酱汁既配搭加上蔬菜都好巧妙咁令三文治带清新感 好出色
4. 欧陆监狱铁板三文治 材料有玫瑰芝士烩通心粉 普罗旺斯炖肉丸 脆薯饼 㶶边流心蛋 生菜 芝士 果然好有欧陆风情 一啖食到mac and cheese同肉丸 好丰富
小食
1. 三日三夜自家手切薯条 用上矜贵既Agria薯仔 先慢煮 再低温轻炸定型 再高温炸至金黄色 要用上3日3夜用心制作 外脆内软既手切薯条 你可以抵挡到？ 加$7就可以试到自家调制酱汁 我试咗黑松露蛋黄酱 真系好完美 香浓黑松露味配搭香脆粗薯条 好幸福
2. 自家制蟹肉忌廉薯饼配他他酱 一份有3件 都几大件多馅 馅料棉密creamy又食到一丝丝蟹柳好正
3. 酥脆牛油果配芒果莎莎酱 同蟹肉忌廉薯饼好似 不过馅料系好多好多既牛油果 不得不赞佢哋既芒果莎莎酱 酸酸甜甜 中和左牛油果既腻 好好食
饮品
1. 白桃姜茶 本身套餐已经包括左 可选咖啡 汽水同多款茶 呢个白桃姜茶好香 唔算太姜都几岩冬天饮
2. Rose Latte 套餐加$10可以升级特色咖啡同Rainbow Smoothie 非 常 推 介 大家加呢杯特饮 Latte可以拣有咖啡/无咖啡 Rose Latte 底加左玫瑰糖浆 好香玫瑰花味 唔会好甜 重点真系好靓
3. Earl Grey Latte 同样系加$10 面头有1粒小Macaroon好可爱 伯爵茶同咖啡配合得天衣无缝 口感幼滑
4. 橙沙冰 套餐加$10 成份有香橙 苹果同胡萝卜 好清新
5. 餐汤 北海道野菜薏米浓汤 真系好有去北海道 冰天雪地饮热汤既感觉 好足料 好多野菜粒同薏米 好健康