成日都好想去试呢间餐厅，因为佢啲三文治好特别。同家姐讲咗好耐叫佢同我去食，今日终于有得去食同埋可以睇埋鬼灭😆呢间餐厅好方便就可以去到，喺D出口向左望第一间就系佢啦✨

🎈拉面叉烧铁板三文治🥪($56)
听到个名就知呢个三文治好正啦，佢系呢一间餐厅嘅王牌✨
三文治既馅好丰富，有拉面，溏心蛋，笋丝，粟米粒，最正最好味既系日式叉烧片😋 而且，三文治里面有味噌蛋黄酱，食落去唔会太干。虽然第一次听拉面配三文治好奇怪，但原来系出奇地好match🤤大家想食下拉面，又或者系想食下三文治既话呢个就啱哂💛呢个三文治都系一啖都咬唔哂，之后发现原来佢系有刀叉提供，所以建议大家都系用刀叉去食😂

🎈伯爵茶鲜奶☕️ (+$10 ~ lunch set)
鲜奶上面嘅忌廉非常香滑，充满奶油香味。而且鲜奶上面呢放咗一个迷你嘅Macaroon，原来系朱古力味！😆食落去好香浓，打卡一流！伯爵茶鲜奶系偏甜身，如果大家怕甜嘅话，不妨嗌少甜呀！

仲有自家手切薯条一定要试吖，因为佢真系真材实料🍟呢间舖头入面仲有部自动洗手机，方便大家清洁双手。店舖职员态度都好好同好细心💛下次去尖沙咀谂唔到食咩既话，不妨去 Hand3ag试下佢哋个lunch set🎈

呢间重量级爆馅嘅铁板三文治系ig曝光率都几高，除左外型吸引够晒IGable🤩每款三文治配搭丰富一啖食落去劲满足，啲口味都几特别😋选择困难症之下真系想款款都试晒佢😂每款三文治都可以加$39 ​ upgrade套餐（薯条/餐汤/沙律＋饮品）​
​
◾️欧陆铁板三文治套餐 • $93 ​
呢款三文治馅料有玫瑰芝士通心粉、普罗旺斯炖肉丸、脆薯饼、水晶生菜、㶶边流心蛋、熔岩芝士。​就咁睇都已经觉有好吸引！比较特别嘅系加左通心少，整体系有芝士味同蕃茄味，肉丸大大粒超级满足🥰​
​
◾️三日三夜自家手切薯条 ​ ​
连皮嘅厚切薯条外脆内软，加埋黑松露酱(+$7) 更加香浓👍​
​
◾️大只水手铁板三文治套餐 • $91 ​
呢款馅料有buttermilk脆炸鸡块、菠菜苗、醃青瓜、紫椰菜丝、流心蛋、自家制黑蒜滋味酱及烧烤酱，酱汁同炸鸡块比较惹味，椰菜丝有青爽口感，醃青瓜酸酸地好开胃，呢款三文治食左唔会腻！​
​
◾️虾兵蟹将铁板三文治 • $62​
有软壳蟹、小龙虾沙律、紫椰菜丝、醋渍红萝卜丝配他他酱，最钟意呢款三文治！软壳蟹有酥脆嘅口感，紫椰菜丝清爽👍层次丰富！​
​
◾️自家制蟹肉忌廉饼配他他酱 • $32​
忌廉饼系自家制的，入面十分creamy，而且细细旧易入口！！​
​
◾️橙沙冰 套餐+ $10​
香橙、苹果、胡萝卜，系一款清新健康嘅饮品，而且都几浓！！​

今日嚟咗K11，见到呢间餐厅嘅三文治好有特色，望落去好吸引，所以入咗去食lunch ☺️

大力水手铁板三文治 (Set: $91)
- 鸡块好厚身，非常有份量，而且肉质鲜嫩多汁，一啲都唔干身，配料都十分多样化，有流心蛋、醃青瓜，成个三文治嘅风味都升华咗，一啖咬落去好满足，食到舔舔脷

虾兵蟹将三文治 (Set: $101)
- 一食落去就好有惊喜，入口就尝到软壳蟹同虾嘅鲜甜美味，他他酱几香甜，充分带出海鲜嘅鲜味，食到好滋味

3日3夜自家手切薯条 (中）
- 手切薯条系较粗身大条，外面炸到好香脆可口，入面软软绵绵，口感层次好丰富，一条接一条，食唔停口
- 配黑蒜滋味酱 (+$7)：黑蒜超级突出，蒜香浓烈，但唔会太重口味，辣辣哋又带点甜味，配埋厚身嘅薯条食一流
- 配蕃茄酱：蕃茄酱酸酸甜甜，甜酸程度调校到啱啱好，夹埋一齐食好好味

玫瑰鲜奶咖啡 (冷) (+$10)
- 咖啡好出色，香浓甘香，而且玫瑰香味非常突出，香甜可口，甜味中和咗咖啡嘅微甘，配搭一流

伯爵茶鲜奶(冷) (+$10)
- 伯爵茶鲜奶好好饮，入口顺滑，牛奶嘅甜味同伯爵茶嘅茶香完美咁融合埋一齐，咖啡以外另一个top choice

餐厅内部环境设计几有格调，灯光明亮，而且整体食物质素好高，用餐经验好开心😆

【K11写意下午茶】
今日嚟到尖沙咀K11行街，顺便食Tea再返屋企。
呢间餐厅设计得几靓，空间阔落，好适合同情侣或闺蜜黎打卡🥰🥰。

虾兵蟹将铁板三文治+中薯条+饮品 $101
呢个三文治入边有软壳蟹、小龙虾沙律、椰菜丝、萝卜丝同埋他他酱，配料丰盛，食落好开胃。
薯条加$7仲可以转自家酱

慢条斯理食肉兽铁板三文治$101
呢个三文治配有牛仔扒，流心蛋、番茄片、生菜仲有巨量芝士。食落到舔舔脷。🤤🤤

伯爵茶鲜奶咖啡（跟餐+$10）
玫瑰鲜奶（跟餐+$10）

大大杯特饮只系需要加$10就可以转到，茶底香醇，咖啡浓郁。玫瑰鲜奶好有特色🥰🥰，好饮得黎打卡都一流。

今日黎到一间装修简约，好型格嘅餐厅😚我地叫左四个lunch set
每个set都有三文治+薯条或沙律或汤+野饮
都可以自己配搭其他，追加小食
1️⃣三文治
呢度啲三文治全部都用料丰富，你睇张相就知😍
我最钟意虾兵蟹将铁板三文治
里面有原只嘅酥脆软壳蟹同埋小龙虾，我最钟意系佢个蔬菜配搭，紫椰菜丝同埋醋渍红萝卜丝令到个三文治带啲酸味，食落好开胃，又唔会乾，俾十个like

欧陆监狱铁板三文治🥪
呢个最特别！里面有通心粉、肉丸、流心蛋同埋蔬菜，中间仲有啲薯饼，识落好有层次

大只水手铁板三文治
呢个卖相就最靓，居然中间有糖心蛋，仲流心添，炸鸡块外面香脆里面软嫩，唔会太肥，食落味道都唔错

慢条斯理食肉兽铁板三文治
牛仔排好惹味，配搭芝士、蕃茄同埋生菜，就好似食紧汉堡包咁呀，good

2️⃣小食
三日三夜自家手切薯条
好大条嘅薯条，好香脆，我哋拣咗黑松露蛋黄酱，好味道

单点：芝士烤普罗旺斯炖肉丸
卖相好靓！芝士多到可以拉丝，蕃茄蓉配搭肉丸好啱，肉丸肉味浓郁

单点：自家制蟹肉忌廉饼配他他酱
超级好食！下次都会叫！里面有清楚见到好多蟹肉，忌廉饼外脆内软，味道非常唔错

单点：酥脆牛油果配芒果莎莎酱
芒果莎莎酱有啲辣，酸酸甜甜辣辣嘅味道同牛油果脆饼好夹

3️⃣饮品
玫瑰鲜奶
颜色好靓，粉粉红红，有玫瑰嘅花香，奶味香浓

伯爵茶鲜奶
伯爵茶味香浓，推荐！

热情果提子果汁
果汁味道芬香，酸酸甜甜，非常唔错㖞

蜜桃果汁
有好清香嘅蜜桃味，唔会太甜

我哋四个同事虽然分开咗坐，但系隔住条走廊都可以倾偈，呢一餐真系食得好满足，满载而归