Hand3ag系k11，今日又嚟食brunch！拎menu去揾位。

选好再买再等拎，自助为主！

慢调斯理食肉兽铁板三文治 $101
手撕牛仔扒、㶶边流心蛋、蕃茄、水晶生菜、车打芝士、芥末籽蛋黄酱

大大件，牛肉比例1/3up up?! 面包㶶边烤香过好吸牛肉汁同芥末籽蛋黄酱，正！最好佢一开二，好易分享！

㶶边流心蛋虽话㶶边但无过火，仲有蛋汁香嫩！一人一件，好味！

虾兵蟹将铁板三文治 $101
酥脆软壳蟹、小龙虾沙律、紫椰菜丝、醋渍红萝卜丝、他他酱

依个对女仔嚟讲仲好食！醋渍红萝卜丝酸酸开胃！！紫椰菜丝无食沙律个种草青，可能因为他他酱？食欲up，啖啖海鲜！

软壳蟹脆口，小龙虾沙律就弹牙！

三日三夜自家手切薯条 中size加钱配松露蛋黄酱

松露蛋黄酱必食，好creamy同黑松露劲多！

三日三夜自家手切薯条 无加就蕃茄汁
手切薯条条条金黄粗食，油感不多，赞！

餐饮有茶、咖啡同汽水，茶有好几款！对上一次饮过薰衣草，今次冬天就饮姜茶！

香桃姜茶
香桃味比姜味重，比普通姜茶香甜！

其他咖啡or彩虹冰 +$10
牛奶咖啡 可以选fruity or nutty，快餐都咁专业！
好厚奶泡，加分加分！fruity易入口！

Hand3ag

之前成日经过都想试三文治，但每次都系唔岩时间，今日收工就去买外卖返屋企

慢条斯理食肉兽三文治

厨师好贴心，三文治分开一半，每一半都有纸包住，分便食用
手撕牛肉新鲜，牛味重，牛肉份量多
再加上流心蛋，芝士，生菜，蕃茄，芥末蛋黄酱，令口感更加丰富，同牛肉好夹，必点

虾兵蟹将铁板三文治

小龙虾肉新鲜，弹牙，软壳蟹炸得外脆内软，肉质鲜甜，加上紫椰菜丝，醃制过既红萝卜丝，好开胃，配上他他酱，味道好好

3日3夜自家手切薯条 x 手工啤

薯条炸得香脆，粗身，份量多，我选择左松露蛋黄酱，好香松露味，但唔会盖过薯条既香味，必点
小弟另加洛神花手工啤，味道唔错，比起其他手工啤既味道更加香，果然无拣错

北海道野菜薏米浓汤

汤底浓郁，材料足，唔会浠，材料切得细粒，容易入口，每一啖汤都会食到野菜，好好饮

成日都好想去试呢间餐厅，因为佢啲三文治好特别。同家姐讲咗好耐叫佢同我去食，今日终于有得去食同埋可以睇埋鬼灭呢间餐厅好方便就可以去到，喺D出口向左望第一间就系佢啦✨

拉面叉烧铁板三文治($56)
听到个名就知呢个三文治好正啦，佢系呢一间餐厅嘅王牌✨
三文治既馅好丰富，有拉面，溏心蛋，笋丝，粟米粒，最正最好味既系日式叉烧片 而且，三文治里面有味噌蛋黄酱，食落去唔会太干。虽然第一次听拉面配三文治好奇怪，但原来系出奇地好match大家想食下拉面，又或者系想食下三文治既话呢个就啱哂呢个三文治都系一啖都咬唔哂，之后发现原来佢系有刀叉提供，所以建议大家都系用刀叉去食

伯爵茶鲜奶☕️ (+$10 ~ lunch set)
鲜奶上面嘅忌廉非常香滑，充满奶油香味。而且鲜奶上面呢放咗一个迷你嘅Macaroon，原来系朱古力味！食落去好香浓，打卡一流！伯爵茶鲜奶系偏甜身，如果大家怕甜嘅话，不妨嗌少甜呀！

仲有自家手切薯条一定要试吖，因为佢真系真材实料呢间舖头入面仲有部自动洗手机，方便大家清洁双手。店舖职员态度都好好同好细心下次去尖沙咀谂唔到食咩既话，不妨去 Hand3ag试下佢哋个lunch set

呢间重量级爆馅嘅铁板三文治系ig曝光率都几高，除左外型吸引够晒IGable每款三文治配搭丰富一啖食落去劲满足，啲口味都几特别选择困难症之下真系想款款都试晒佢每款三文治都可以加$39 ​ upgrade套餐（薯条/餐汤/沙律＋饮品）​
​
◾️欧陆铁板三文治套餐 • $93 ​
呢款三文治馅料有玫瑰芝士通心粉、普罗旺斯炖肉丸、脆薯饼、水晶生菜、㶶边流心蛋、熔岩芝士。​就咁睇都已经觉有好吸引！比较特别嘅系加左通心少，整体系有芝士味同蕃茄味，肉丸大大粒超级满足​
​
◾️三日三夜自家手切薯条 ​ ​
连皮嘅厚切薯条外脆内软，加埋黑松露酱(+$7) 更加香浓​
​
◾️大只水手铁板三文治套餐 • $91 ​
呢款馅料有buttermilk脆炸鸡块、菠菜苗、醃青瓜、紫椰菜丝、流心蛋、自家制黑蒜滋味酱及烧烤酱，酱汁同炸鸡块比较惹味，椰菜丝有青爽口感，醃青瓜酸酸地好开胃，呢款三文治食左唔会腻！​
​
◾️虾兵蟹将铁板三文治 • $62​
有软壳蟹、小龙虾沙律、紫椰菜丝、醋渍红萝卜丝配他他酱，最钟意呢款三文治！软壳蟹有酥脆嘅口感，紫椰菜丝清爽层次丰富！​
​
◾️自家制蟹肉忌廉饼配他他酱 • $32​
忌廉饼系自家制的，入面十分creamy，而且细细旧易入口！！​
​
◾️橙沙冰 套餐+ $10​
香橙、苹果、胡萝卜，系一款清新健康嘅饮品，而且都几浓！！​

今日嚟咗K11，见到呢间餐厅嘅三文治好有特色，望落去好吸引，所以入咗去食lunch ☺️

大力水手铁板三文治 (Set: $91)
- 鸡块好厚身，非常有份量，而且肉质鲜嫩多汁，一啲都唔干身，配料都十分多样化，有流心蛋、醃青瓜，成个三文治嘅风味都升华咗，一啖咬落去好满足，食到舔舔脷

虾兵蟹将三文治 (Set: $101)
- 一食落去就好有惊喜，入口就尝到软壳蟹同虾嘅鲜甜美味，他他酱几香甜，充分带出海鲜嘅鲜味，食到好滋味

3日3夜自家手切薯条 (中）
- 手切薯条系较粗身大条，外面炸到好香脆可口，入面软软绵绵，口感层次好丰富，一条接一条，食唔停口
- 配黑蒜滋味酱 (+$7)：黑蒜超级突出，蒜香浓烈，但唔会太重口味，辣辣哋又带点甜味，配埋厚身嘅薯条食一流
- 配蕃茄酱：蕃茄酱酸酸甜甜，甜酸程度调校到啱啱好，夹埋一齐食好好味

玫瑰鲜奶咖啡 (冷) (+$10)
- 咖啡好出色，香浓甘香，而且玫瑰香味非常突出，香甜可口，甜味中和咗咖啡嘅微甘，配搭一流

伯爵茶鲜奶(冷) (+$10)
- 伯爵茶鲜奶好好饮，入口顺滑，牛奶嘅甜味同伯爵茶嘅茶香完美咁融合埋一齐，咖啡以外另一个top choice

餐厅内部环境设计几有格调，灯光明亮，而且整体食物质素好高，用餐经验好开心