我发觉百芳池上便当开始变咗我嘅饭堂，因为价钱又唔太贵，就食到台湾嘅风味。最近工作好大压力，所以今晚要好好发泄一下，就叫咗香酥炸鸡腿便当。超大只鸡髀，鸡皮炸得松脆，鸡肉仍然柔嫩。便当嘅饭有我钟意嘅粟米，粉丝，菜谱，仲加咗半只蛋，非常丰富。今晚叫咗个小食，系皮蛋豆腐，我系好钟意冻冰冰嘅豆腐，对我来讲系一个甜品，仲要系一个健康嘅甜品，加埋皮蛋就更特别。最后嗌咗一杯黑糖珍珠鲜奶，其实一杯珍珠奶茶已经系好饱，但系今晚唔理啦，所有珍珠都比我食晒，好有咬口。正！

便当套餐大概系$60左右，有主食同配菜，附送一杯台式饮品，非常抵食。 买咗香酥鸡翼便当（$54）配玫瑰铁观音茶拿铁，唔钟意饮太甜嘅话，可以要求少甜。由外卖包装都睇到佢哋嘅心思，拿铁唔系用胶盖，而系直接封住杯口，而且另外袋住，所以唔会担心倒泻。
虽然话配菜，但系一啲都唔马虎，有粟米、粉丝、卤水蛋同埋椰菜。配菜送饭一流，粟米够甜，淋左卤水嘅粉丝亦都非常之入味，用嚟捞饭已经好好食。有蔬菜亦都令成个餐感觉健康咗（补偿食炸鸡翼嘅内疚感）
虽然系外卖，行左10几分钟，炸鸡翼仍然可以保持脆皮，一啲都冇腍到，脆到咬皮𠮶阵有声，但同时又唔觉得油腻。咬到入边肉质亦都非常鲜嫩，肉汁充足。至于杯玫瑰铁观音拿铁，玫瑰味非常之香，饮落去甜甜地，亦都保留到茶味。

其实新蒲岗真系好多嘢食㗎，有平有贵，商场出边都好多美食。不过今日呢就想坐得舒服啲所以入咗Mikiki呢食呢间百芳池上便当。台湾嘢食通常都冇死嘅，我相信今次都冇，就等我话比大家知我食咗啲咩啦。

百芳卤鸡扒便当：呢个便当睇相好似唔系好多，但系实物真系大大份，好足料好多饭。鸡扒卤完之后，唔会太硬又唔会太林，口感几好。味道当然都唔错啦。加埋其他配料，其实都真系几抵食㗎。

百芳牛肉面：汤底好浓好香，食落去唔系话好特别，但系同平时台湾食𠮶啲牛肉面差唔多啦。其实台湾野黎黎去去都系𠮶啲嘢，基本上都系好食。

芝士奶盖碳培铁观音、芝士奶盖玫瑰铁观：讲开饮品，呢两杯饮品都真系好好饮。同平时我哋饮开街边买𠮶啲嘅分别唔大。佢俾咗好多芝士奶盖，饮落去好浓郁嘅奶香味，茶底都唔错。所以两款我都会推介，其实系因为见到老板推介我先叫黎试吓，果然无令我失望！

经过一轮 #工厦活化，加上 #启德 重建，今时今日嘅 #新蒲岗 已经变得不一样💙 好多新型嘅食店、教室... 都陆续搬到呢区，可谓 #卧虎藏龙。呢日我就跟埋朋友仔过嚟试堂，顺便食埋饭先返屋企。

我哋相约喺「Mikiki」集合，再喺商场揾嘢食。有人突然 #珍珠奶茶 瘾起，顺理成章我哋呢晚就揾 #台式小食 做晚餐，醒起「百芳池上便当」就喺超市隔离... perfect！原来呢度嘅晚餐都几多选择，因为时间关系，#小秘书 好快就决定咗，#咸鸡扒便当 配 #芝士奶盖碳焙铁观音，另外加咗个 #炸花枝丸 做 #小食🤩 一般我会要求餐厅安排饮品少甜同少冰，不过通常都系争咁啲，估唔到 #百芳 又调得几啱我口味🤤 #铁观音 茶香、唔会太甜，#芝士奶盖 咸咸地味道好得意🤤 #花枝丸 #肉质弹牙、面头加咗啲 #花椒盐 #好惹味🤤 讲到个 #便当，材料非常丰富，除咗大大件 #咸鸡扒 之外，饭里面仲加入 #卤水蛋、#娃娃菜、#粉丝、#粟米粒... 非常健康💙

今天去太古城诚品书店一楼的百芳池上便当吃晚餐。

香酥猪扒肉燥干拌面，盐酥鸡便当和炸花枝丸，还有芋头鲜奶都可口，有台湾风味。

价钱也合理。服务不错。