每个月总要至少吃一次台湾美食。百芳池上便当虽然是第一次品尝，但绝对有惊喜，它的午餐便当连饮品价钱也不贵，又充满台湾风味，值得一试。

皮蛋豆腐
先来个开胃的小食，皮蛋可口，酱汁特别，咸咸的，感觉像带甜的蚝油，豆腐一大砖，滑溜溜的, 与酱汁皮蛋特别配合。

肉燥盐酥鸡干拌面
卤肉肥而不油腻，软腍多汁，肥瘦均匀，拌面 软硬适中，带点烟韧，配上甚有台湾风味的特色肉燥酱汁，啖啖滋味无穷。盐酥鸡炸得香酥脆口 ，入口喀滋喀滋的口感最过隐，还有香浓的椒盐味，细味之下就是嫩滑的鸡肉，这碟食街头小吃，转眼间就被我们清碟了。

香酥鸡翼便当
三大只鸡翼，炸得够香够脆，整个便当配料非常丰富，有炒粉丝( 够入味)，卤水蛋( 惹味)，粟米肉粒（清新)，风味菜甫（脆口）和椰菜，味道配合得非常滋味和开胃，很满足。

百芳池上便当的台式饮品也值得推荐，焦糖珍珠鲜奶，丰富的珍珠软糯弹牙，大大一杯。
芝士奶盖炭焙铁观音，芝士层够香浓够厚，铁观音茶韵芬芳，消滞又解渴，我们吃得满足又回味。

我发觉百芳池上便当开始变咗我嘅饭堂，因为价钱又唔太贵，就食到台湾嘅风味。最近工作好大压力，所以今晚要好好发泄一下，就叫咗香酥炸鸡腿便当。超大只鸡髀，鸡皮炸得松脆，鸡肉仍然柔嫩。便当嘅饭有我钟意嘅粟米，粉丝，菜谱，仲加咗半只蛋，非常丰富。今晚叫咗个小食，系皮蛋豆腐，我系好钟意冻冰冰嘅豆腐，对我来讲系一个甜品，仲要系一个健康嘅甜品，加埋皮蛋就更特别。最后嗌咗一杯黑糖珍珠鲜奶，其实一杯珍珠奶茶已经系好饱，但系今晚唔理啦，所有珍珠都比我食晒，好有咬口。正！

便当套餐大概系$60左右，有主食同配菜，附送一杯台式饮品，非常抵食。 买咗香酥鸡翼便当（$54）配玫瑰铁观音茶拿铁，唔钟意饮太甜嘅话，可以要求少甜。由外卖包装都睇到佢哋嘅心思，拿铁唔系用胶盖，而系直接封住杯口，而且另外袋住，所以唔会担心倒泻。
虽然话配菜，但系一啲都唔马虎，有粟米、粉丝、卤水蛋同埋椰菜。配菜送饭一流，粟米够甜，淋左卤水嘅粉丝亦都非常之入味，用嚟捞饭已经好好食。有蔬菜亦都令成个餐感觉健康咗（补偿食炸鸡翼嘅内疚感）
虽然系外卖，行左10几分钟，炸鸡翼仍然可以保持脆皮，一啲都冇腍到，脆到咬皮阵有声，但同时又唔觉得油腻。咬到入边肉质亦都非常鲜嫩，肉汁充足。至于杯玫瑰铁观音拿铁，玫瑰味非常之香，饮落去甜甜地，亦都保留到茶味。

其实新蒲岗真系好多嘢食㗎，有平有贵，商场出边都好多美食。不过今日呢就想坐得舒服啲所以入咗Mikiki呢食呢间百芳池上便当。台湾嘢食通常都冇死嘅，我相信今次都冇，就等我话比大家知我食咗啲咩啦。

百芳卤鸡扒便当：呢个便当睇相好似唔系好多，但系实物真系大大份，好足料好多饭。鸡扒卤完之后，唔会太硬又唔会太林，口感几好。味道当然都唔错啦。加埋其他配料，其实都真系几抵食㗎。

百芳牛肉面：汤底好浓好香，食落去唔系话好特别，但系同平时台湾食啲牛肉面差唔多啦。其实台湾野黎黎去去都系啲嘢，基本上都系好食。

芝士奶盖碳培铁观音、芝士奶盖玫瑰铁观：讲开饮品，呢两杯饮品都真系好好饮。同平时我哋饮开街边买啲嘅分别唔大。佢俾咗好多芝士奶盖，饮落去好浓郁嘅奶香味，茶底都唔错。所以两款我都会推介，其实系因为见到老板推介我先叫黎试吓，果然无令我失望！