喺炮台山食饭，食饱饱打算散个步先走，走到小街见到呢间「养生糊」，因为居住地方比较少中式糖水铺，所以即刻拉埋朋友试试。

之后睇到苹果访问，先知道原来佢地大有来头！神隐六年，最近先出山继续卖糖水，真系觉得自己当晚好好彩。

店铺空间有限，只有数个座位，多以外卖为主，半个钟的糖水时间，店外都Keep住有人外卖糖水，可见好受街坊欢迎。

《甘香合桃糊 $23》
用上优质合桃，自己烘焗再磨成浆，质感浓稠，幼滑细腻，入口充满合桃甘香。

《招牌芝麻糊 $23 + 芝麻汤圆 $4》
将白芝麻和黑芝麻炒至金黄再磨成浆，色泽黑润，未入口已经有好浓的芝麻香，入口细滑。

另外加左一粒芝麻汤圆，同样自家制，大大粒。老板话佢地无落猪油，食落健康啲，汤圆皮烟韧，咬开有微微流沙效果，食到磨得好幼细的芝麻碎，真材实料，芝麻味超香浓。仲话每年会有唔少人特意过黎买汤圆庆祝中秋，我谂我应该会系其中一个。

今晚突然想食甜品，记起公司附近有一间糖水铺，放工后火速前去买回家做饭后甜品。
店舖虽然细小，都有几个位可供客人堂食。
是中式糖水舖，基本上有齐想食的款式。
买了两款：腰果露和蛋白杏仁茶。
蛋白杏仁茶好正啊！杏仁香喷喷，甜度怡到好处。蛋白滑溜，增加口感，美颜功效一流。
腰果露一样好正啊！打开盖子，腰果的香气朴鼻，质感浓稠，有点起沙，每啖充满腰果的脂香，甜而不腻，吃多碗都可以啊！
小店有如此的质素，相当不错。

来北角探朋友，吃完午饭，去蚬壳街饼店买蛋挞。望到街尾有间新开甜品店，走近一看，原来店舖主打养生糊，另外亦有不少中式糖水供应，见价钱都几经济，而且仲可以另加配料，每款都只系 $4，好抵食，一于外卖几碗回家慢慢品尝。

拣咗蛋白杏仁露、芝麻汤圆同合桃腰果糊。

蛋白杏仁露+鸡蛋 ($27)：打开盖已经闻到好浓郁的杏仁香味。呷吃一口，味道果然唔错，杏香中略带甘，而且还带有一阵淡然隐约、不属于糖的天然甜味，加上蛋白增添咗杏仁露的滑度，配埋大大只鸡蛋吃，健康又滋润。据说这款甜品可润肺健脾、养心安神。

另外呢碗姜汁芝麻汤圆 ($28) 都好有水准，因为加多咗两粒汤圆，所以望落去非常大碗，几乎满泻。汤圆好大粒、外皮唔算好薄，但就够晒烟韧，而且最重要就是内馅够丰富，芝麻馅有流心效果，咬下去时非常澎湃！姜汤亦值得一赞，姜味够辣、够香浓。

至于呢碗合桃腰果糊 ($23) 就系店员推介的，一次过可以尝到两种唔同的味道。店员话佢哋嘅养生糊全部都是经人手炒香，放入石磨中细磨再经慢煮而成，唔怪得之食落咁滑溜，绝对系真材实料！

讲真，腰果糊唔系度度都有得食，个人觉得比花生糊更香更好味，即使同合桃糊混埋一齐，依然分辨得出，两种味道同一时间出现，过瘾到极，仲好滋润添！