位于铜锣湾嘅烧鬼超近地铁站，c出口过两条马路行多少少就到，好方便。餐厅以鬼怪地狱做主题，窗边有一啲形造出火焰嘅灯，好盏鬼。一站式有齐烧肉同寿司刺身食，而且款式多又有质素。虽然系放题形式，但食物媲美单点质素，剩系A4和牛已经有多个部位选择，系走高品质放题路线。
.
以下是点过的食物：
前菜：枝豆，泡菜豆腐同中华海蜇
刺身：生葵荣螺片、带子、甜虾、鲣鱼、三文鱼
寿司：柚子酱油和牛寿司、明太子酱带子炙烧寿司、鳗鱼寿司
烧肉：腹胁、前胸肉、横隔肌、上小排肉
海鲜：白蒜牛油帆立贝& 广岛蠔、海虾、意式香草酱帆立贝&广岛蠔
蔬菜：迷你蕃薯、牛油杂菌
饭：三文鱼茶渍饭
.
寿司同刺身都唔错，唯独鲣鱼腥味重，个人不太喜欢。以上四款牛部位当中，最为好吃嘅系横隔肌，雪花分布最均匀，牛脂散发出香浓嘅牛味，滋味非常，上下排肉脂肪含量最高，而其余两款都略嫌脂脂比例分布不匀，因此就个人而言还是比较喜欢横隔肌。迷你蕃薯烧至焦香，内里非常香甜，不错。还有想推介大家一试三文鱼茶渍饭，虽然放题吃饭确系唔太抵食，但佢嘅文鱼茶渍饭额有惊喜。
.
$298/1位 （+$98 升级A4和牛，汽水及果汁任饮）

铜锣湾不嬲都多嘢食㗎啦不过今日呢就想试吓间又可以食烧肉又可以食个放题嘅餐厅佢就系烧鬼

餐厅嘅地理位置非常方便地铁站一出行三至5分钟就系㗎啦 佢系位于L square嘅9楼 一上到去感觉好型格 因为佢主打系用黑色来做主题

点解会拣呢一间餐 系因为呢一间餐厅同平时普通出边嘅日式放题完全唔同 佢系以品质取胜嘅放题餐厅所以食材绝对系新鲜用心拣过嘅lol 而且听啲职员讲佢哋所有嘅嘢食都系即叫即做保证新鲜 所以质素同埋价钱完全系成正比嘅 前菜方面 我就食左支豆同埋中华海蜇

整体来讲都唔错虽然中华海蜇有啲啲咸 但系捞饭嘅话就好惹味mad 食放题梗系唔少得刺身啦

刺身方面我哋就叫咗山葵渍荣螺片，三文鱼，带子甜虾 全部都非常之新鲜 同埋就算佢系放题都绝对唔会孤寒 三文鱼极度厚身 正！lol 另外都想试吓啲特色嘅寿司当中包括明太子炙烧带子 个明太子酱超级香食完之后劲想再食！ 另外仲有柚子和牛寿司 都唔错like 主角终于到黎啦首先系一个海鲜拼盘

当中有海虾，广岛蠔，同埋帆立贝 全部都食得出非常之新鲜 惜才果然系用料上乘啊 当然佢嘅牛油杂菇同埋日本番薯仔都做得唔错

重点就系A4和牛！ 每一款油脂分布都好靓 所以望落去就已经流晒口水 lol 我个人最钟意就系上小排肉 入口即溶！正！ 最后我仲叫咗一个三文鱼茶渍饭
实行有碳水化合物有蛋白质有菜！ 整体来讲 呢度嘅放题选择非常之多而且品质用料都好好、算系一个比较high end 放题 所以呢一间性价比咁高嘅放题餐厅绝对推介大家去试mad

虽然返工已经系铜锣湾,但系实在太多好野食,
所以放工都要留系度食晚餐,
听朋友讲有间高品质食令野既放题
有得食令牛我最爱,所以今日同朋友去左试下!

食物方面:
唔同时段入座唔同价钱,我地系9:30入座$348/位
食物种类都有好多(寿司,刺身,海鲜,A5牛,面...)
‼️私心推介:
荣螺片山葵渍.柚子酱油和牛寿司.牛冧肉.前腹肉

前菜食左枝豆,泡菜豆腐,中华海蜇
不过不失,普普通通,泡菜同海蜇有D咸!
刺身食左三文鱼,甜虾,带子,荣螺,铿鱼
三文鱼,甜虾都好肥美鲜甜,荣螺片好重山葵味好开胃,肉质好爽口
烧肉食左牛鬼和牛拼盘
(上小排肉,牛冧肉,前腹肉,腹胁)
上小排肉脂肪好多,但食落口一D都唔会好油腻,
肉质反而系好爽滑有少少咬口,有惊喜,
牛冧肉入口即溶,脂肪分布平均,牛味好浓郁,好正!
前腹肉相对上脂肪都多,但无上小排肉咁肥,肉味浓少少,
腹胁比较特别,第一次食到既部位,脂肪都系好多,
肉既部分比较少,我个人就觉得普普通通.
海鲜食左海虾,香蒜牛油帆立贝,意式香草酱广岛蠔,牛油杂菌
帆立贝鲜甜,口感结实,蠔都唔错

整体方面:
餐厅唔算好大,以黑色型格风为主,唔算好迫,
平时食放题会好惊材料唔够新鲜
刺身未解够冻,肉类比较少款同埋好肥无肉味,唔好食,
但哩间全部食物都系即叫即做,
上菜速度都好快,店员都有礼貌
系等紧烧紧海鲜既同时可以食住寿司刺身咁等,
A5牛仲可以不停任叫,无限制,
整体都好满意,人均唔洗$400食到高质既牛真系值既!

唔想就住就住咁叫野食，最好当然系食放题唔使烦好多人都会觉得放题硬系质素会差D咁，但食过烧鬼嘅放题绝对会改观我地今次宵夜时段21:30-23:30入座，价钱为每位$348

一出LIFT口已经见到店铺个LOGO，够抢眼，内里环境型格风格路线，再加左D日本画风点缀一下，几有格调

枝豆：最啱一边倾住计一边食住嘅小食

泡菜豆腐(豆腐鬼)： 少少辣辣地够醒胃
中华海蜇：爽口弹牙

三文鱼、甜虾、荣螺片山葵渍(荣螺鬼)、带子、墨鱼刺身：每款刺身都叫左，摆盘都放得精致刺身够新鲜又肥美鲜甜，荣螺鬼爽口，加左D山葵渍几好味

柚子酱油和牛寿司、鳗鱼寿司、明太子酱带子炙烧寿司：要食当然点返D特别D嘅款式，和牛配合柚子酱味道更加清新，带子炙烧过后，再加少许明太子酱喺上面带出D味鳗鱼寿司肉质唔错，食落冇骨

先黎张合照

和牛拼盘：牛冧肉、前胸肉、内侧腹肉、上小排肉，用上恶鬼造型摆盘，几特别几有心思

另外仲有提供牛油脂黎烧一烧个炉，咁烧野食嘅时候就唔会咁痴网

和牛肉靓，基本上轻轻烧一烧就食得，牛味重兼且香，肉质嫩滑唔会韧，就咁食已经唔错仲有葱油，辣粉，酱汁可以点黎食，个人认为配上葱油更加香口

补多张合照

叫左D我至爱嘅海鲜，有海虾、香蒜牛油帆立贝、意式香草酱广岛蠔，食落D肉质都唔会霉，够新鲜同埋D蠔同帆立贝本身喺锡纸兜到已经调好左味道，直接便上炉烧就得，方便又好味蔬菜方面叫左迷你日本蕃薯，细细件易入口，几甜牛油杂菌入晒味，好香滑

姜汁啤酒、可乐：食烧肉咁开心，当然要CHEERS一下

雪糕：食到临尾仲有雪糕食，冲绳海盐味、波萝椰子味，2只味道都唔错，总之有甜品食埋就够晒开心

食左好多野，饱一饱离开呢到绝对唔会因为放题形式而将价就货，保持到高品质食物水准，咁高质素之余仲要有咁多款式可以食，如果平时出面散叫的话实贵好多，呢个真系相当抵食性价比够晒高职员都几NICE，出菜速度都几有效率，值得一赞可以再ENCORE多几次

特地预约铜记烧鬼宵夜时段，少啲人，方便谈心，最欣赏个火炉背景。

小食种类都特别，有海蜇鱼翅，泡菜豆腐，枝豆等等

海鲜有又有蠔，带子，海虾再加上不同既调味，有牛油同埋特别既香草酱，计计埋埋都十几种。

仲有刺身同寿司，寿司种类都系另再调味，加唔同酱料。

牛肉有分A4或美国牛款，A4当然要加钱，不过值得一食，可以一次过叫晒唔怕肉赤，推介牛肋肉，肥膏同肉均衡，另一个内侧腹肉，油脂香，肉味香浓。另外仲有前腹肉系肉同脂分明，肉质较有咬口。

另外再有菜类一堆拣，食肉之余又有得扮下健康。

放题黎讲算系精品，所以价钱略高，但肉类十分有保证，性价比系高，服务又贴心，有能力就紧系拣返相对既餐厅。