今日我哋去咗铜锣湾烧鬼食午餐，餐厅位于铜锣湾广场后面，地点便利

入到餐厅，餐厅嘅风格好日式居酒屋，好有日本嘅感觉

呢一间餐厅主打系放题，属于精品放题，烧肉质素非常高，全部食物都系即叫即做，所以特别新鲜同埋热辣辣

呢度嘅放题食物选择都好多，我哋坐低就叫咗前菜开个胃先。

热辣辣嘅枝豆，真系特别好食，钟意食枝豆嘅朋友，都知道越热嘅知道就越好食

另外我哋仲叫咗中华海蜇同埋泡菜豆腐，件件都好似精品一样，卖相十分之靓

刺身方面我哋叫咗五款刺身，包括三文鱼、鲣鱼、甜虾、带子同埋荣螺片山葵渍，刺身非常新鲜同鲜甜，估唔到放题都有咁好嘅质素

放题我哋就唔食咁多饭，所以净系试咗两款寿司，分别系柚子酱油和牛寿司同埋明太子酱带子炙烧寿司

然后主角烧肉嚟啦，全部都系和牛级别，包括上小排肉、横隔肌、腹骨、内侧腹肉

除咗烧肉之外仲有海鲜，包括海虾、香蒜牛油帆立贝同意式香草酱广岛蠔

蔬菜类有迷你日本番薯同埋牛油杂菇

最后好推介嘅系三文鱼茶渍饭， 冬天食完暖粒粒，而且份量啱啱好满足到我想食少少但又唔会太饱嘅感觉

朋友食完烧鬼之后极力推荐话佢主打高质和牛烧肉以及日式精品放题性价比相当高前；每枱都有个烧烤炉配埋劲大个抽气管食完成餐饭件衫都完全唔会有阵味

前菜
枝豆豆荚翠绿豆粒饱满佐酒啱哂；泡菜豆腐质感水嫩细滑配搭泡菜酸辣醒胃；中华海蜇以及仿翅口感爽脆酱料微辛惹味

刺身
荣螺薄片肉质清鲜经过山葵醃渍呛辣刺激；带子肉厚鲜甜；甜虾质感细绵清甜；三文鱼肉厚切肥美；鲣鱼鱼肉细致浓鲜

寿司
柚子酱油和牛寿司肉质柔韧同时带有酱油咸醇以及柚子清香；明太子酱带子炙烧寿司将带子炙至烧微焦配搭明太子酱浓香提鲜

牛鬼和牛拼盘
前胸肉属于运动量大嘅肌肉因此脂肪较少相对清爽；上小排肉嚟自牛嘅前胸肋骨肉质紧致油脂丰腴；横隔肌肉质感细嫩油花甘香肉味浓郁；腹胁肉系指由牛腹尾端切割出嚟嘅五花肉肉质柔软而且油花细密

海鲜
海虾唔算大只都几易烧而且虾肉弹嫩；帆立贝以及广岛蠔够哂新鲜而且提供香蒜牛油同意式香草酱两款选择

蔬菜
迷你日本蕃薯紫皮黄心软绵香甜好正；牛油杂菌包括冬菇金菇同杏鲍菇三种

三文鱼茶渍饭
三文鱼松拌搭海苔丰富口感而且茶香轻浅清新轻盈

饮料
红莓汁同埋白桃味乳酸梳打都系酸酸甜甜咗几消腻解滞

餐厅以日本鬼怪为主题，空间宽敞，亦有几张卡位，可以坐得舒服慢慢食，而抽气直接在烧烤炉的上方，所以食完亦不会太大味。

午市放题$298加一，任食A4和牛只需加$98，性价比极高，十分容易回本。

座位上有烧肉汁、辣椒粉及少见的日式盐葱，十分有地道日本风味。

先点几客前菜，试了枝豆、泡菜及海蜇，三款都十分有水准，尤其海蜇有特别调味，非常开胃，非一般街外的来货可以比较。

刺身料精而鲜，当中包括三文鱼、带子、甜虾等，每种刺身都鲜甜可口，令人回味，特别荣螺片山葵渍亦十分鲜甜，调味恰到好处。

寿司
亦试了一下寿司，柚子酱油和牛寿司及明太子酱带子炙烧寿司，用料新鲜，尤其是和牛寿司，入口即融，脂香味丰。

A4和牛，和牛有多款不同的部位，入口即化，油香丰腴馥郁，质地软身，建议只加一点酱汁提味，可品尝本身的油脂香味。

餐厅亦重本提供原只扇贝及广岛蠔等海鲜，广岛蠔身型巨大，一咬蠔肉爽滑鲜甜，蠔味浓郁隽美。

蔬菜
点了牛油杂菌，放在炉边慢烧，待杂菌软化吸收牛油香味后，即时品尝到菇味的香浓滋味。

三文鱼茶渍饭，把紫菜及三文鱼粒拌匀，每一啖都滋味丰美，也有口感与味道变化不一的惊喜。

WFH 得太耐，人都发毛，衬天气吾错戴好口罩出发去铜锣湾「烧鬼」刷餐劲。

打开lift 门就是餐厅，以全黑的装潢设计，的确很cool , 抽气方面亦都做得几好，没有太大油烟味。

Lunch hour 客人都唔少，已经有七成满座。
Weekend lunch set $318

上菜超快，先奉上三款前菜
枝豆、泡菜豆腐、中华海蜇

刺身
荣螺片山葵渍（荣螺鬼）、带子、甜虾和三文鱼。
荣螺片劲有咬口，加左葵感觉冇咁腥。
其他刺身都几新鲜，由其带子十分鲜甜；厚切三文鱼我也喜欢，

寿司
柚子酱油和牛寿司、明太子酱带子炙烧寿司

牛鬼和牛拼盘
全是A4 和牛

包括「前胸肉、上小排肉、腹胁、上肩肉」
（各两片）
前三种牛肉油份较多，一放上烧炉脂肪令火花迅间燃烧起来，每边烧30-40 秒就可以，三款牛味没太大分别，但满口油花就肯定。
不过我较喜欢「上肩肉」冇咁多脂肪，感觉冇咁肥腻。

烧海鲜
「香蒜牛油帆立贝」、「意式香草酱广岛蠔」已经放在锡纸盘上，随手放上烧炉等食就ok 。两者鲜味可以，但略嫌太过细只。
烧海虾就最好味，又吾会缩水太多，啖啖肉够鲜香。

蔬菜
迷你日本蕃薯、牛油杂菌
我喜欢「烧日本蕃薯」够香又粉糯。

如果仲未饱仲有「三文鱼茶渍饭」

我就饱到食吾到，交埋比男朋友。

甜品
杯子雪糕

包两杯饮品

店员都好nice, 会不停加茶及执枱

疫情下冇得去日本呀，咁就去食和牛满足下自己啦。呢一间放题店，系喺铜锣湾地铁站附近嘅楼上店。

感觉上呢度座位唔多，但系气氛唔错，仲会有识着火嘅装饰。呢度嘅服务质素都几贴心，会介绍唔同肉嘅部份，食物质素好好！

咁我最钟意食嘅呢就系佢嘅三文鱼茶渍饭。因为呢食完呢个真系好适合去解腻！

佢刺身呢方面都系质素唔错同好新鲜。

至于和牛拼盘呢，佢就用咗一个好有得意嘅盘present 出嚟 我就比较钟意肥瘦比例适中嘅上小排肉。

另外呢都钟意佢嘅日本番薯，非常迷你，烟靭有咬口，又够sweet. 值得推介呢间放题店啊