入秋又系食蛇嘅时候！越黎越少地方有蛇羹，所以就嚟辉哥私房菜试一试佢

坐低叫左茶之后冇耐就上蛇羹，入口好香陈皮味，有冬菇、荀丝、姜丝、肉丝、陈皮、木耳等等，仲有啲脆脆可以加，好足料好正

之后就上左个炸蛇波，似平时饮宴果啲炸虾球，新鲜炸起热辣辣，外脆内软，咬开见到虾肉同蛇肉，吾系完全打融，多左口感

我最爱嘅脆皮炸猪手终于上枱，外皮超脆，配上劲多炸蒜，啲肉好够味送酒一流

食到呢到其实都饱饱地，最后就系个羊腩煲， 入面有支竹、马蹄、羊腩、荀、同一碟生菜，成煲野啲料都好入味！成餐饭每道都好好！

环境：
服务：⭐️⭐️⭐️⭐️⭐️
味道：
影相：
Encore:98%
进入前要度体温
➖➖➖➖➖➖➖➖➖➖➖➖➖➖➖
私房菜一直好受欢迎
所以要食到自己心仪果间，真系要一早Book定
而呢间，我系早左成个月就book得成
真系既兴奋又期待呀
位于佐敦嘅辉哥私房菜
一出䢂口就见到大大嘅Banner写住点心放题
心里暗中决定，下次上黎就食佢啦
.
姬松茸茶树菇虫草花炆竹丝鸡汤
妈妈教导，渐入冬天，Feel到凉意之时
就要开始饮多D滋补汤啦‍♀️
而呢碗竹丝鸡汤就有补肝肾，防寒防倦嘅作用
汤色呈橙黄色，色泽清澈，味道甘甜
连汤底嘅姬松茸，虫草花，竹丝鸡肉都好有味
.
瑶柱姜米蛋白樱花虾炒饭
米饭粒粒分明，干身而吾油腻
蛋白嘅加入，令味道添加阵阵蛋香
而瑶柱同樱花虾则增加层次感，入味好美
.
新鲜菠萝即炸咕噜肉
即炸咕噜肉嘅口感真系不得了
选用新鲜菠萝肉去炒
味道酸酸甜甜，好开胃
最紧要系甜度吾会假，吾会有腻感
糖衣超薄，咬落去甜香酥脆
肉质嫩滑，肥膏极少
.
金砖超滑豆腐
肥最中意呢款
脆与嫩Balance得恰到好处
金黄色嘅豆腐砖
外层酥脆，内里软滑
先脆后嫩嘅口感
吾怪得知一直都系最受欢迎嘅菜式之一
再洒上粒粒脆蒜，口感丰富度更为提升
.
生啫唐生菜煲
啫啫煲一向以色。香取胜
加上以砂锅去炒制，令食物更加柔软入味
仲有好多大虾乾，姜丝，蒜粒，辣椒粒
令生菜惹味又爽脆
.

菊花太史五蛇羹
蛇羹用五种蛇肉、菊花、木耳、笋、姜丝同果皮几种食材煮成，啖啖肉好多料，食落有胡椒味，而果皮会散发少少甘味，系一款充满风味嘅蛇羹。
.
百花五蛇丸
五蛇丸包覆一层薄薄的炸粉，外皮炸到金黄香脆，里面系一粒爽口弹牙嘅大粒蛇丸，食落就好似平时喺酒楼食嘅鲜炸虾丸咁。
.
北非花胶北菇扒菜胆
菜胆有香菇，香菇煮得非常入味，另外花胶都几多而且都有少少厚度，以呢个价钱来讲都OK ，汁底美味，娃娃菜捞埋个汁底一齐食实在系一种享受。
.
蛇汁菜胆鸡
主要材料有小棠菜同鸡，汤底煮得非常鲜香美味，而且加入咗蛇汁煮成，够哂补，鲜脆嘅小棠菜配搭酱汁相当好食，唯独有点小失望的是鸡嘅口感略嚡。
.
古法羊腩煲
讲到冬天当然唔少得羊腩煲，煲里面除咗羊腩之外，仲有枝竹、马蹄、大葱、笋。汁底浓郁，再点蘸腐乳酱食用就最适合不过喇。
.
生炒糯米饭
够味，炒得够干身又不失黏度，而且加入咗好多嘅腊肉炒成，所以非常之香。
.
桂花糕
不过不失
.
四罐汽水
橙汁同西柚汁各两罐

我同朋友讲开今年未食过蛇羹，朋友即刻话上星期食过辉哥要介绍俾我去试，咁多为食嘅朋友真系会好肥，哈哈!去到真系几旺场，好彩仲有一张枱，记得要预先订位!原来佢地推出咗六人蛇宴，睇菜单就非常抵食，不过今晚我地得三大一小，为有散叫啦!先嚟碗“山班鱼西洋菜汤”饮落去觉得好清润，啱哂秋天饮用!“金蒜脆皮德国猪手”一啖食落去好层皮爆脆，肉质就滑捋捋唔觉肥，蒜香扑鼻，送啤酒一流!“金砖超滑豆腐”上枱成块金砖咁，过年食就好意头喇，又炸得外脆内软，又可以饮多两杯!“蜜桃咕噜肉”，酸酸甜甜加上蜜桃，一定系小朋友送饭首选!“太史五蛇羹”，食落好特别，在于胡椒味好重，唔同外边一向嘅味道，有D似胡椒猪肚汤，唔怪得太座咁钟意食!“樱花虾瑶柱蛋白炒饭”，炒得入味亦够干身，饱饱地都可以食两碗!饭后甜品系豆腐花，为美食划上完美句号!

饮茶点心食得多，点心放题好多年无食过。今日两口子又想食到多d不同款式，放题真系最适合不过。

每款都好味，仲好多选择
样样都想试，连豆腐花．鱼头汤都有得
好钟意食鲜虾肠粉，外皮够通透，虾肉爽口
招牌避风塘九肚鱼都好味，脆卜卜。

就连炒饭．干炒牛河都有，重点系格价唔贵，$78/位，呢个价钱仲送乳鸽...雪柜仲有多拣饮品选择，食到捧住个肚离开。