在openrice发现辉哥有$68点心放题，趁著前排放假，带好耐无饮茶的屋企人去吃下 ，真是物超所值！

选了1:30入座，虽然多人，但店员好快安排入座了，而且位子之间都隔得颇有距离。

点心选择颇多的，还可以到外面拿大排挡小食（间中走出去看看，会发现有新的小食）

特别喜欢大排挡这个新鲜煎起的煎虾韮菜饼，煎得香脆之余夹了好多菜，还有一层鲜虾，口感味道都🈵️分！

另外当然要点些饮茶必备- 虾饺烧卖！没想到点心放题都能保持水准。水晶虾饺皇皮薄虾肉爽，味道几好，蟹子烧卖皇有鲜虾夹了适量的肉，同样有质素。

平时去饮茶都好想点九肚鱼，难得是放题，当然要吃到够！招牌避风塘九肚鱼炸得非常香脆，肉质亦软香，配上虾片好match！

另外都几钟意个四川口水鸡，好好彩地有鸡脾部分食😋鸡肉好嫩，惹味得来唔会好辣，所以encore了😝

另外鲮鱼球和川弓鱼云汤都几好味，川弓鱼云汤的
川弓味好重。

最后仲有乳鸽送，皮脆肉多，食埋真系大🈵️足！

$68 位的点心放题水准高之余好易回本，一定会再来😋

今日出去佐敦行街，问朋友附近有啲乜嘢好食嘅，朋友介绍咗我去辉哥私房菜， 虽然唔算好大间 但系都坐得几舒服 今次我哋叫咗 西洋菜陈肾陈皮 南北杏 猪踭煲山斑鱼，呢啲老火汤我好耐冇饮过啦，味道都唔错， 即炸咕噜肉 呢个真系好识 皮脆肉嫩新鲜菠萝👍🏻👍🏻 金砖豆腐 豆腐就够滑但系 分量就少咗啲😆， 樱花虾蛋白炒饭 樱花虾够香每粒饭 粒粒分明炒得够镬气👍🏻 我哋仲每人叫咗碗蛇羹， 今年第一碗😋 胡椒味超级浓 食完包你暖笠笠

入秋又系食蛇嘅时候！越黎越少地方有蛇羹，所以就嚟辉哥私房菜试一试佢

坐低叫左茶之后冇耐就上蛇羹，入口好香陈皮味，有冬菇、荀丝、姜丝、肉丝、陈皮、木耳等等，仲有啲脆脆可以加，好足料好正

之后就上左个炸蛇波，似平时饮宴果啲炸虾球，新鲜炸起热辣辣，外脆内软，咬开见到虾肉同蛇肉，吾系完全打融，多左口感

我最爱嘅脆皮炸猪手终于上枱，外皮超脆，配上劲多炸蒜，啲肉好够味送酒一流

食到呢到其实都饱饱地，最后就系个羊腩煲， 入面有支竹、马蹄、羊腩、荀、同一碟生菜，成煲野啲料都好入味！成餐饭每道𩠌都好好！

环境：👍👍👍👍
服务：⭐️⭐️⭐️⭐️⭐️
味道：😍😍😍😍😍
影相：📸📸📸📸📸
Encore:98%
📝进入前要度体温
➖➖➖➖➖➖➖➖➖➖➖➖➖➖➖
私房菜一直好受欢迎
所以要食到自己心仪果间，真系要一早Book定
而呢间，我系早左成个月就book得成
真系既兴奋又期待呀😈
位于佐敦嘅辉哥私房菜
一出䢂口就见到大大嘅Banner写住点心放题
心里暗中决定，下次上黎就食佢啦😂
.
🔸 姬松茸茶树菇虫草花炆竹丝鸡汤
妈妈教导，渐入冬天，Feel到凉意之时
就要开始饮多D滋补汤啦🙆‍♀️
而呢碗竹丝鸡汤就有补肝肾，防寒防倦嘅作用
汤色呈橙黄色，色泽清澈，味道甘甜
连汤底嘅姬松茸，虫草花，竹丝鸡肉都好有味👍
.
🔸瑶柱姜米蛋白樱花虾炒饭
米饭粒粒分明，干身而吾油腻
蛋白嘅加入，令味道添加阵阵蛋香
而瑶柱同樱花虾则增加层次感，入味好美💕
.
🔸新鲜菠萝即炸咕噜肉
即炸咕噜肉嘅口感真系不得了👍
选用新鲜菠萝肉去炒
味道酸酸甜甜，好开胃🥰
最紧要系甜度吾会假，吾会有腻感
糖衣超薄，咬落去甜香酥脆
肉质嫩滑，肥膏极少😍
.
🔸金砖超滑豆腐
肥🐑最中意呢款😂
脆与嫩Balance得恰到好处
金黄色嘅豆腐砖
外层酥脆，内里软滑
先脆后嫩嘅口感
吾怪得知一直都系最受欢迎嘅菜式之一
再洒上粒粒脆蒜，口感丰富度更为提升🥳
.
🔸生啫唐生菜煲
啫啫煲一向以色。香取胜
加上以砂锅去炒制，令食物更加柔软入味
仲有好多大虾乾，姜丝，蒜粒，辣椒粒
令生菜惹味又爽脆😘
.

🐍菊花太史五蛇羹
蛇羹用五种蛇肉、菊花、木耳、笋、姜丝同果皮几种食材煮成，啖啖肉好多料，食落有胡椒味，而果皮会散发少少甘味，系一款充满风味嘅蛇羹。
.
🐍百花五蛇丸
五蛇丸包覆一层薄薄的炸粉，外皮炸到金黄香脆，里面系一粒爽口弹牙嘅大粒蛇丸，食落就好似平时喺酒楼食嘅鲜炸虾丸咁。
.
🥬🍄北非花胶北菇扒菜胆
菜胆有香菇，香菇煮得非常入味，另外花胶都几多而且都有少少厚度，以呢个价钱来讲都OK ，汁底美味，娃娃菜捞埋个汁底一齐食实在系一种享受。
.
🥬🐓蛇汁菜胆鸡
主要材料有小棠菜同鸡，汤底煮得非常鲜香美味，而且加入咗蛇汁煮成，够哂补，鲜脆嘅小棠菜配搭酱汁相当好食，唯独有点小失望的是鸡嘅口感略嚡。
.
🐐古法羊腩煲
讲到冬天当然唔少得羊腩煲，煲里面除咗羊腩之外，仲有枝竹、马蹄、大葱、笋。汁底浓郁，再点蘸腐乳酱食用就最适合不过喇。
.
🍚生炒糯米饭
够味，炒得够干身又不失黏度，而且加入咗好多嘅腊肉炒成，所以非常之香。
.
🍮桂花糕
不过不失
.
🥤四罐汽水
橙汁同西柚汁各两罐