#cassiegokowloonbay
-
瘦编今日同朋友黎到九龙湾附近揾食，今次离开好多人嘅德福广场，行远少少去左比较多办公室大楼个边，揾到依间「Coti the Bistro」。
-
依间餐厅装修都几靓，西式风格，采用All Day Menu，平均一个餐$70至$100左右，都几抵。瘦编同朋友各叫左两个餐，第一个系原条鳗鱼汉堡配蕃薯条，开头有啲担心会唔够饱，一上到菜就发现完全唔使担心。条鳗鱼劲长，鳗鱼肉质厚身，份量十足，好吸引！炸蕃薯条都好正，近年愈黎愈多餐厅用炸蕃薯条代替炸薯条，食落好似健康啲，不过其实可能无分别，但食左咁多年，转下口味都几好。
-
第二个餐就系明太子鳗鱼意粉，味精好特别，加上我系明太子控，有明太子应该唔会错得去边。每个套餐都会配一杯饮品加一个沙律/餐饮，真系超值！
-
味道评分▶️ (4)
抵食评分▶️ (4)
回购评分▶️ (4)
-
➡️ Coti the Bistro (九龙湾) 九龙湾常悦道9号企业广场1期1楼4号舖
-
IG: @cassiecwy/ @cassiegetfat
FB: @cassiegotravel
OP: cuisine_revolution (Lv4)
DianPing: cassiegetfat (Lv6)
TripAdvisor: cwycassie

Coti Bistro ． 工业区的咖啡

忙中偷闲，是对生活的一点调剂
利用一点点时间
为生活加点色彩
又有何不可？

去到九龙湾的工业区
也是要找一份闲情的话
相信，Coti Bistro也是一个不错的选项

餐厅的All Day Menu
包餐饮及餐汤/沙律
份量属轻量级
找个心情吃吃说说亦可以

和朋友各自点了一份餐汤及沙律
罗宋汤很足料
味道香浓又开胃，如配个餐包更好
沙律清新，青苹果酸甜刚好
是开胃菜

黄金蟹肉意粉
卖相一流，咸蛋黄在视觉上更似海胆的效果
意粉弹牙，配白汁和蟹肉味道一流
可以吃到鲜甜味
但当混合了咸蛋黄
即时被咸蛋黄的味道抢尽风头
惹味，但蟹肉香气都被抢走了
有点可惜

法式炖羊膝
肉嫩林滑入味
加入了萝卜蓉的酱汁带鲜甜香
卖相与味道同样吸引
意粉洒上了香草
却少了酱汁，建议加些黑椒调味更好

令人感到高兴的
是餐厅出品的咖啡十分高质

玫瑰鲜奶咖啡
口感香滑，不但鼻子闻著玫瑰花香
口内的咖啡亦是满满的花香
咖啡豆的香味一流，值得入手一包试试

焦糖布甸咖啡
用心的设计
焦糖布甸的香甜气息盖在杯子
混合咖啡的幽香
效果非常的突出
是初入咖啡坑的朋友会中意的味道

Coti Bistro
九龙湾企业广场1期1楼4号舖

#九龙湾 走到商场为迎接圣诞节添置些装饰品, 到晚饭时间喺商场揾食, 但又无间想食…最后决定走远少少, 经过零炭天地到企业广场, 试试朋友介绍的西餐厅! 

晚市套餐包括餐汤或沙律及饮品, 选择众多! 

法式炖煮羊膝配意粉 $128 ~ 超级腍滑, 一刀切落肉即散开, 炖煮得好入味, 肉质嫩滑唔羶, 酱汁浓杰唔腻! 意粉软硬适中, 不错! 

枫糖炸鸡班戟 $82 ~ 班戟松软, 唔会一口粉味, 配上甜甜的枫糖及果仁碎, 单吃可当甜点! 炸鸡外皮香脆, 肉质嫩滑多肉汁! 咸甜配搭有惊喜, 口感十分丰富! 

餐饮点选些特别的! 红豆鲜奶咖啡 ~ 靓! 原粒红豆甜甜的, 起沙够腍! 有淡淡的玫瑰香味, 咖啡按自己喜好增加, 非常满足的饭后一点甜! 

咖啡果皮茶配蜜糖 ~ 超喜爱! 淡淡的果皮香味, 唔喜爱饮斋啡的也会爱上, 味道层次丰富, 慢慢细尝会更觉味道细腻, 加上蜜糖味道更丰富! 

今日嚟咗九龙湾接朋友仔放工，谂住一齐食埋晚餐，行经企业广场，见到有间西餐厅，望落都几唔错，所以我哋决定入去食☺️

黄金蟹肉意粉 ($86)
- 意粉一上枱就香气扑鼻，摆盘都好靓，劲诱人
- 咸蛋黄酱好浓郁，质感好rich，酱汁沾满每条意粉，口感好丰富
- 蟹肉、意粉份量都好足，啖啖都食到
- 味道咸淡适中，食落都唔会腻

原条鳗鱼汉堡 ($82)
- 一上枱就好吸晴，一大条鳗鱼由个延伸出嚟，望住都落晒口水
- 汉堡包微微脆身，入面好松软，食落都烟烟韧韧，几好咬口

鲜奶咖啡(跟餐)
- 心心拉花好靓，一上枱就闻到阵阵咖啡嘅香气
- 咖啡入口顺滑，微苦回甘，同鲜奶都好夹

朱古力咖啡 (冻) (跟餐)
- 咖啡味道突出，但唔会好苦，甜甜哋都ok易入口
- 咖啡香滑，同主食都几match

All day menu 各跟一杯餐饮，同餐汤/沙律，餐汤系罗宋汤，酸酸甜甜，好开胃；沙律都几多，除咗平时常见嘅沙律菜之外，仲有青瓜片同一块橙，配搭一流

餐厅内部设计都几有气氛，踏入十二月，仲有好多应节嘅装饰同歌曲，加上食物质素好高质，整体用餐经验非常唔错

星期六的晚上到九龙湾企业广场一期一楼的Coti the Bistro 吃晚饭， 之前在新蒲岗分店吃过一次， 食物味道唔错。 ✨九龙湾分店环境舒适， 位置比较清幽， 虽然餐厅人流也不少，但相比起商场里的餐厅就食得比较轻松。 晚餐有白酒煮纽西兰青口半份$195、原条鳗鱼汉堡$82、 法式炖煮羊膝$128、 棉花糖朱古力$12、 果皮冰糖柠檬冷泡茶$12。

罗宋汤～ 罗宋汤酸酸地， 很开胃。

沙律～ 有新鲜的沙律菜和西柚， 很清新的感觉。

白酒煮纽西兰青口半份～带有阵阵酒香，加上香浓忌廉和新鲜的青口， 再来一块香脆的蒜蓉包，味道十分配合。

原条鳗鱼汉堡～ 牛肉汉堡就食得多，第一次试下鳗鱼汉堡， 鳗鱼肉质厚身， 入口啖啖肉又肥美，估唔到同汉堡几夹， 还有我最爱的粗生薯条， 份量刚刚好不会太多，香脆好味。

法式炖煮羊膝～ 柔软多汁的羊膝， 气味浓郁却不羶， 意粉口感不会太淋，正！

棉花糖朱古力☕～ 上次在新蒲岗分店饮过一次特别喜欢，所以今次再点， 朱古力味依然香浓。

果皮冰糖柠檬冷泡茶～ 柠檬茶加了果皮，一入口即可感觉出来，酸度适中且没有苦涩味，香气十足。

餐厅环境舒适， 食物有水准， 可惜今次晚上来没有饮这里的咖啡， 下次要中午嚟叹返杯先得。

Coti the Bistro
地址: 九龙湾常悦道9号企业广场1期1楼4号舖