一向对卷物情有独钟的我，今日就去试新嘢，就系Chotto Maki 既卷物，睇晒所有食评，做晒资料蒐集，于是就叫咗最多人赞好的Lobster Roll。

入到店舖，感觉环境干净企理，叫完嘢食，店员就即叫即做，好快手，张外卖单唔使等咗5分钟就有得拎走。🤩

Lobster Roll
最上面的一层有火炙三文鱼，三文鱼控必定喜欢！入面有龙虾沙律和牛油果，食落时有口感，层次分明，好好味！难怪人人都赞。👍🏻

三文鱼寿司🍣
三文鱼好肥美，表面有光泽，有入口即化的感觉，朋友都赞口不绝。寿司饭都好香口，好彩叫咗两客，所以先够分。

带子寿司
带子好大粒，非常鲜甜，一客三件唔系好够分，下次都要叫两客。🤣

无论食物同服务，呢间餐厅都俾咗一个唔错嘅印象俾我，希望在疫情下餐厅仍能营运下去，唔好令我哋错失一间咁特色嘅餐厅！

我真系好钟意食寿司，之前食过湾仔呢一间Chotto Maki 印象好深刻，因为寿司种类好特别，同埋好新颖。今晚叫咗个Mango Dynamite 同埋Philadelphia。Mango Dynamite系个芒果吸引咗我，加埋青瓜非常之清新，最适合配天妇罗炸虾。Philadelphia绝对系集合晒我所有钟意嘅嘢，有牛油果，三文鱼，芝士，蟹子。真系冇办法抗拒，所以次次都会叫呢个Philadelphia。今晚特别留意即整寿司嘅员工，非常之专业，努力，见见寿司都好足料，好用心咁样制造。因为好钟意食三文鱼，所以都叫咗几件三文鱼寿司，最后加个牛乳布甸，作为呢一个外卖晚餐嘅总结。

油尖旺区愈嚟愈严重😅小妹决定呢排叫多啲外卖，今次叫咗间我最钟意嘅饭卷😍

🍙CHICK CHICK $72
劲大个饭团🍙一大条切开四份，用筷子夹起好有重量😃表面有甜甜哋嘅蛋黄酱，馅料有照烧鸡肉、大大圈爽口椰菜，开胃嘅醃白萝卜同软淋淋嘅牛油果，一啖一定咬唔哂🤣
 
🍡BLACK MAGMA $72
呢个好似嘅卷物咁，一共8件细细块，一啖食落去喺入口即溶，口腔里鲜甜嘅吞拿鱼味，然后喺淡淡带子同葱花味🤩呢款老人家都钟意啊！

🍣油甘鱼寿司$42 （3块）
就算啲饭点咗鼓油都食得出油甘鱼嘅味道😳

平日去买寿司吃，都是会沾上豉油及芥末吃，但买这间店的，不沾任何酱油，也很好吃😍

芒果炸虾炸 Mango Dynamite~炸虾卷很香口，寿司上面加了一片芒果，芒果的果酸味，即时解了炸虾的油份，令整件炸虾卷清爽了不少～

鸡肉牛油果 Chick Chick~很大件的一卷寿司🤣内里有鸡肉，杂菜，牛油果，外面还有蟹籽及沙律酱，令整件寿司变得很丰富，而且还很饱肚，很大的一卷寿司🤣

炸鸡～有配上柠檬一件，加上柠檬汁去吃炸鸡，肥腻感全解，酸酸的鸡肉很美味

而家夜晚禁堂食，喺湾仔做完嘢五点几，梗系买啲外卖返屋企食算数啦， 谂起之前去过Chotto Maki 食寿司卷质素唔错，双脚又不其然去揾佢，寿司卷嘅好处系唔会买到返去林啤啤吸晒水！
入到间店依然俾人好舒服嘅感觉，清新干净
Sea monster
好大卷，四件大大件，咬落趣博博，一啖肯定放唔到入口，上面铺满晒樱花虾，酱汁又好味，必食之选
Black Magma Roll
无谂过个黑芝麻汁咁特别，成件事加埋口感丰富，食出吞拿鱼茸的鲜味！
Hamachi sushi
油甘鱼寿司超肥美，入口即溶，满口油脂！高质素的表现
员工友善亲切，外卖包装得十分精致，贴心地放晒筷子豉油Wasabi