餐厅：URBAN Cafe (观塘)
地址：观塘开源道62号骆驼漆大厦第1座6楼

第二次嚟观塘呢间URBAN Cafe，最主要系太挂住啲猫猫所以返嚟探吓佢地，加上地方又大，真系坐得舒服，同猫猫们都玩得轻松自在

嚟呢到例牌叫开二人套餐($298)，真系值得一提同一赞嘅系佢哋嘅南瓜忌廉汤，每一匙都有南瓜蓉同南瓜丝系当中，好钟意果种香浓绵滑嘅texture

主食方面，上次试咗意大利饭同埋猪肋骨，今次就叫咗日式青蟹籽蓝青口芥末忌廉扁意粉同夏威夷风情拉丝水牛芝士手工薄饼。扁意粉用咗忌廉汁去煮，食落唔会好腻，或许加咗芥末汁系当中，唔会抢喉得嚟仲带出芥末过瘾嘅味道，中和咗忌廉嘅油腻感觉，加上青色嘅蟹籽同两只大青口，点缀咗成碟意粉嘅颜色；薄饼有罗勒番茄酱、水牛芝士、烟肉、菠萝同埋车厘茄，一开四再拎起果然有拉丝效果，真系未食都知好味，薄饼边唔会太过㶶脆热气，烘烤时间掌握得啱啱好

另外加$18叫咗两份香滑奶冻，一个抹茶味一个朱古力味，我食嘅喺朱古力味，奶冻滑溜唔会起沙，朱古力味突出而唔会过浓，钟意嘅仲可以加埋啲cream一齐食

饮品就叫咗杯伯爵茶拿铁同埋茉莉绿茶拿铁☕️，除此之外仲有多款饮品，例如400次咖啡、鲜果花茶、水果茶、朱古力等，香港人有得拣唔系唔拣呀？

由于太多人嘅关系，餐厅会就住人数而限制用餐时间，所以嚟之前记得book位喇

URBAN Cafe
地址: 观塘开源道62号骆驼漆大厦第1座6楼

今日又同朋友嚟咗依间猫猫餐厅，我已经喺依间野嘅常客，成日都嚟揾猫猫玩！

是日餐汤
今日供应嘅系南瓜汤。南瓜好甜，仲会饮到一丝丝南瓜蓉，超级足料。餐汤质地好Creamy、好浓郁，卖相亦都好好。

牛油多士条
午餐仲会跟两条牛油多士条。多士条脆卜卜，好香牛油味。上面仲有一啲砂糖粒，甜甜地，好似食紧曲奇饼咁，好味！

意式肉丸芝士肉酱意大利面
意大利面有少少辣，因为有啲辣油，不过都几惹味。芝士味都几香。成个意大利面有好多肉酱，好浓蕃茄味。肉酱细细粒，同啲面好夹 ，食落淡淡都有肉碎。而肉丸咸咸地，煎得几香。意粉质地刚刚好，唔会过硬或过淋。依个份量对女仔来讲都几足够～

法式奶油薯仔炖鸡肉饭
个饭嘅份量都几大，最后都食净咗少少。里面有好多鸡肉、薯仔同红萝卜，好丰富。酱汁有啲黑椒味，同时都够Creamy 。酱汁嘅份量都够捞成个饭，唔会食到最尾剩系得白饭。薯仔好爽，鸡肉好滑、好大件。

Oreo脆脆朱古力云朵沙冰
依杯嘢饮卖相好好。上面啲鲜忌廉唧得好靓，仲有啲Oreo碎！下面啲沙冰好浓朱古力味，饮饮下仲会食到Oreo碎添，冻冰冰，好爽！不过杯饮品有啲甜，大家记得嗌少甜！

法式焦糖炖蛋
焦糖炖蛋隔离附送左一pat鲜忌廉，上面仲有啲棉花糖，好味，肥！炖蛋好creamy、好滑，仲食到蛋香同云呢拿味。上面焦糖脆卜卜，有啲微微焦香味。

几个月前去过URBAN Cafe的旺角分店，实在太想念这家的美食和猫猫，所今次就入观塘分店探猫，环境大好多又阔又舒服。一入到去就比啲猫猫吸引住，肥嘟嘟好可爱！

因为今次我地一行三个人，都点了不少好吃

小食拼盘
一共有四款小食，最喜欢他们的香炸鸡翼，香脆可口，也可以配沙律酱。

竹炭burger 配上酸酸甜甜的沙律菜同脆薯角 ，竹炭burger个卖相好吸引、加上新鲜番茄、芝士，肉汁完美锁住在汉堡内，口感超juicy。

软壳蟹蟹籽墨汁意粉
软壳蟹外层的脆浆不会过厚，外脆内软，墨汁意粉浓郁，配上蟹籽口感更丰富。

最重要就是饮料啦，我就点了Oreo 脆脆特浓朱古力，浓郁的可可配上Oreo碎碎，有咬口的同时味道不会太甜，完全不觉得heavy。

总括来说，食物份量适中，座位也很舒服。另外就是猫猫超得意，好可爱，可以坐一整个下午。

Weekend nice Cafe to go❤️ 猫猫Cafe 喵～
.
.
观塘有间黄色小店，猫猫Cafe☕️ 由旺角开到黎观塘啦。地方真的超级宽敞，成3,000呎，劲大间餐厅 坐得舒服，猫猫行走都好自在架。放假就算同朋友or 家庭乐 黎聚一聚，气氛感觉好relax、食物质素有水准，仲有一地猫猫相伴 陪你食lunch or dinner，十分适合爱猫人士 来当一天猫奴，真系一个假日好去处。
.
黎到太多选择了，干脆来个2人套餐吧。$298 已经有齐：餐汤, 沙律, 头盘, 主食, 意大利饭/面, 饮品。一个价钱唔洗谂得咁复杂，而且味道唔错 有惊喜呢。
.
l[是日餐汤]l 南瓜汤，浓浓南瓜香甜 带有一丝丝口感，加上忌廉好香滑，呢个汤有惊喜，好好饮啊。
.
l[是日沙律]l 沙律 有菠萝、车厘茄、生菜，配必胜麻酱。
.
l[滋味小食拼盘]l +$28 就有鱼柳、炸鸡块、脆薯，香口小食 份量不少。
.
l[安格斯牛肉手工竹炭汉堡 配脆薯]l 竹炭Burger，未食望见汁漏晒出黎都吸引，切开有厚厚汉堡，算Juicy呢，大大个 一口真系食唔晒啊。
.
l[日式青蟹籽蓝青口芥末忌廉扁意粉]l 意粉 烟韧，青蟹粉份量有点少，但忌廉汁味道不错，收汁至刚好 挂汁度高。
.
l[400次薄荷朱古力]l 前排的400次☕️，就来试试薄荷+朱古力，美美的 味道浓郁 又香滑呢。
.
l[抹茶拿铁]l 一杯绿茶粉超多既Latte☕️，一定满足到爱绿茶的你，比一般份量浓郁很多。
.
.
跟朋友黎食个饭、聊个天、把个猫，都系一个不错的好地方。就算假日带小朋友黎放电都唔错，而且入店内‍♀️ 都要先量度体温、消毒双手、穿上鞋套。确保安全又衞生。呢晚真系疯狂同10只猫猫玩游戏 have fun。
.
.
×××[URBAN Cafe]×××
©观塘开源道62号骆驼漆大厦第1座6楼
.
.

餐厅：URBAN Cafe (观塘)
地址：观塘开源道62号骆驼漆大厦第1座6楼

人与人之间经常都会出现误会、矛盾，而神让我知道与人相处最重要是要爱为先，有爱的话自然能互相宽恕，学懂怎样去谦虚自己，以忍耐和温柔去说每一句话，当然，我还在学习的阶段喇

之前去过旺角嘅Urban Cafe食过几次，除左野食平之外，仲系一间有超多猫猫嘅cafe，成为左我favorite cafe入面嘅其中一间

听到佢地系观塘骆驼漆大厦开新分店，我紧系唔执输去帮衬啦，观塘分店地方大小差唔多系旺角店嘅两倍，坐得更舒服，私隐同空间都多左，而不变嘅系观塘店都有十几廿只猫猫，正呀

同朋友叫左个二人套餐，除左有餐汤同沙律之外，仲有一个饭面同一个主食，另外有两杯饮品，我地就要左个即磨芝士黑松露菠菜大啡菇忌廉意大利饭，主食就叫左西班牙烧烤酱猪腩肉，我地仲+$28要埋个小食拼盘

西班牙烧烤酱猪腩肉好大份，成条都系肉，痴住少少肥膏好邪恶呀，猪腩肉烤得好香，肉质鲜嫩，伴埋薯蓉一齐食够哂match

小食拼盘有鱼柳、鸡块同脆薯，呢个份量两个人食岩岩好，小食炸得香脆好吸引

饮品叫左400次薄荷朱古力同Cafe特调嘅咖啡☕️，估唔到佢地有多款400次饮品，又跟得潮流几贴

呢个份量对我地黎讲岩岩好，下次一于试埋佢地嘅甜品先，睇下，连猫猫都被呢到嘅食物吸引左呀

PS后面几张相有彩弹

每日经文：凡事谦虚、温柔、忍耐，用爱心互相宽容。
——‭‭以弗所书‬ ‭4:2