天气唔错，同屋企人一齐apm行街，到左午餐时间，小朋友心挂挂住话要再去猫猫cafe，于是决定再次探访。
辣根美乃滋伴香煎带骨猪扒配意粉🍝 $118
午市套餐跟餐汤及牛油芝士条，餐厅一上就俾小魔鬼饮晒。主菜同样受欢迎，意粉及猪扒一黎就俾佢风暴式吸入，带佢黎一定唔使担心佢唔食野😍😍。
法式三色胡椒汁拌牛肉眼扒配意粉🍝 $128
同样系跟餐汤及牛油芝士条，牛扒相当大块，软硬度适中，搭配酸酸甜甜既酱汁食落别有一番风味。
朱古力雪山心太软$58
甜品拣左朱古力心太软，小朋友超爱，中间仲有流心既朱古力🍫😍😍
波罗云朵冰沙（跟餐加$20）
呢个冰沙造型好靓，饮落都好好味，小朋友的最爱。
400次玫瑰咖啡（跟餐加$20）
玫瑰及咖啡味香浓，但我饮惯苦咖啡，下次黎试要走甜。

观塘其实一直都有不小楼上CAFÉ，这间URBAN CAFÉ除了有西餐，亦有多位猫店长，会欢迎你又会同你玩。相信这间是我最喜欢的CAFÉ之一， 除子食物选择多，环境都舒适，绝对是可以hea几小时的CAFÉ。

食物方面今次点了法式芥末籽酱件香煎带骨猪排，价钱$128，包餐汤、多士条及饮品。餐汤是忌廉南瓜汤，非常creamy。主菜卖相一流，其法式芥末籽酱带酸甜味，入口温和，加入猪排简直绝配，口感清猴不油腻又带点果香。梅头猪排柔嫩多汁，焦香诱人。饮品选了苹果玫瑰普洱茶，好大壶，加入点点蜜糖，原来可以活血散淤和调经止痛生津开胃！

餐厅：URBAN Cafe (观塘)
地址：观塘开源道62号骆驼漆大厦第1座6楼

第二次嚟观塘呢间URBAN Cafe，最主要系太挂住啲猫猫所以返嚟探吓佢地😻，加上地方又大，真系坐得舒服，同猫猫们都玩得轻松自在😽

嚟呢到例牌叫开二人套餐($298)，真系值得一提同一赞嘅系佢哋嘅南瓜忌廉汤，每一匙都有南瓜蓉同南瓜丝系当中🎃，好钟意果种香浓绵滑嘅texture😋

主食方面，上次试咗意大利饭同埋猪肋骨，今次就叫咗日式青蟹籽蓝青口芥末忌廉扁意粉同夏威夷风情拉丝水牛芝士手工薄饼🍕。扁意粉用咗忌廉汁去煮，食落唔会好腻，或许加咗芥末汁系当中，唔会抢喉得嚟仲带出芥末过瘾嘅味道，中和咗忌廉嘅油腻感觉，加上青色嘅蟹籽同两只大青口，点缀咗成碟意粉嘅颜色👍；薄饼有罗勒番茄酱、水牛芝士🧀、烟肉🥓、菠萝🍍同埋车厘茄，一开四再拎起果然有拉丝效果🤤，真系未食都知好味，薄饼边唔会太过㶶脆热气，烘烤时间掌握得啱啱好🔥

另外加$18叫咗两份香滑奶冻，一个抹茶味一个朱古力味，我食嘅喺朱古力味，奶冻滑溜唔会起沙，朱古力味突出而唔会过浓，钟意嘅仲可以加埋啲cream一齐食🥄

饮品就叫咗杯伯爵茶拿铁同埋茉莉绿茶拿铁☕️，除此之外仲有多款饮品，例如400次咖啡、鲜果花茶、水果茶、朱古力等，香港人有得拣唔系唔拣呀🇭🇰？

由于太多人嘅关系，餐厅会就住人数而限制用餐时间，所以嚟之前记得book位喇🤪

URBAN Cafe
地址: 观塘开源道62号骆驼漆大厦第1座6楼

今日又同朋友嚟咗依间猫猫餐厅，我已经喺依间野嘅常客，成日都嚟揾猫猫玩！

是日餐汤
今日供应嘅系南瓜汤。南瓜好甜，仲会饮到一丝丝南瓜蓉，超级足料。餐汤质地好Creamy、好浓郁，卖相亦都好好。

牛油多士条
午餐仲会跟两条牛油多士条。多士条脆卜卜，好香牛油味。上面仲有一啲砂糖粒，甜甜地，好似食紧曲奇饼咁，好味！

意式肉丸芝士肉酱意大利面
意大利面有少少辣，因为有啲辣油，不过都几惹味。芝士味都几香。成个意大利面有好多肉酱，好浓蕃茄味。肉酱细细粒，同啲面好夹 ，食落淡淡都有肉碎。而肉丸咸咸地，煎得几香。意粉质地刚刚好，唔会过硬或过淋。依个份量对女仔来讲都几足够～

法式奶油薯仔炖鸡肉饭
个饭嘅份量都几大，最后都食净咗少少。里面有好多鸡肉、薯仔同红萝卜，好丰富。酱汁有啲黑椒味，同时都够Creamy 。酱汁嘅份量都够捞成个饭，唔会食到最尾剩系得白饭。薯仔好爽，鸡肉好滑、好大件。

Oreo脆脆朱古力云朵沙冰
依杯嘢饮卖相好好。上面啲鲜忌廉唧得好靓，仲有啲Oreo碎！下面啲沙冰好浓朱古力味，饮饮下仲会食到Oreo碎添，冻冰冰，好爽！不过杯饮品有啲甜，大家记得嗌少甜！

法式焦糖炖蛋
焦糖炖蛋隔离附送左一pat鲜忌廉，上面仲有啲棉花糖，好味，肥！炖蛋好creamy、好滑，仲食到蛋香同云呢拿味。上面焦糖脆卜卜，有啲微微焦香味。

几个月前去过URBAN Cafe的旺角分店，实在太想念这家的美食和猫猫，所今次就入观塘分店探猫，环境大好多又阔又舒服。一入到去就比啲猫猫吸引住，肥嘟嘟好可爱！

因为今次我地一行三个人，都点了不少好吃

小食拼盘
一共有四款小食，最喜欢他们的香炸鸡翼，香脆可口，也可以配沙律酱。

竹炭burger 配上酸酸甜甜的沙律菜同脆薯角 ，竹炭burger个卖相好吸引、加上新鲜番茄、芝士，肉汁完美锁住在汉堡内，口感超juicy。

软壳蟹蟹籽墨汁意粉
软壳蟹外层的脆浆不会过厚，外脆内软，墨汁意粉浓郁，配上蟹籽口感更丰富。

最重要就是饮料啦，我就点了Oreo 脆脆特浓朱古力，浓郁的可可配上Oreo碎碎，有咬口的同时味道不会太甜，完全不觉得heavy。

总括来说，食物份量适中，座位也很舒服。另外就是猫猫超得意，好可爱，可以坐一整个下午。