#cassiegofanling
-
每个粉岭人都应该知道联和墟系最多好野食，瘦编虽然住系粉岭，但可惜唔近联和墟。今日专登搭车去个头揾食～试下「阿四车仔面」，系北区都几出名。
-
车仔面有别称「揦鲊面」，因为普遍车仔面店环境较差，衞生一般，不过依间「阿四车仔面」环境装修几靓，店员介绍佢地仲用低温慢煮处理食材，例如鸡翼、牛腩等，所以啲食材好入味！
-
落order同其他车仔面一样，系纸上面剔自己想食嘅产品，最低消费$38碗，基本上面底、酱汁、配料有过百种选择，都有多款饮品，实有一样岩你口味。我自己觉得个卤水腩肉系最正，好入味，肥瘦均匀，大家一定要试下。
-
味道评分▶️ (4)
抵食评分▶️ (4)
回购评分▶️ (4)
-
➡️ 阿四车仔面 (粉岭) 粉岭联和墟和丰街59号地舖
-
IG: @cassiecwy/ @cassiegetfat
FB: @cassiegotravel
OP: cuisine_revolution (Lv4)
DianPing: cassiegetfat (Lv6)
TripAdvisor: cwycassie

今日去左粉岭探朋友，朋友带我去咗佢觉得好食嘅车仔面店食晚餐。依家好难先揾到咁抵食既车仔面，配料好多款，又有小食拣，价钱平民价，仲要大大碗，仲可以配粉面或饭，仲有为夏日推介既饮品添

2个女人原来食到咁多野，每人叫咗一大碗车仔面

朋友碗车仔面选择：幼面配咖哩汁，配料：辣鱿鱼、辣猪皮、萝卜、冬菇、卤水腩肉
个咖哩汁辣得惹味，爽口幼面，辣鱿鱼同辣猪皮都爽脆好味，萝卜又冧又甜入哂味又大大件，冬菇冧身好味道，卤水腩肉好入味，软绵绵好好味

我碗车仔面选择：赞岐乌冬配沙嗲酱，配料：辣鱿鱼、辣猪皮、猪大肠
赞岐乌冬真系好好味，配埋沙嗲酱真系好正既配搭辣鱿鱼够爽滑，辣猪皮够冧又够入味，猪大肠爽口好味。

饮品 (2个都咁爱红豆冰)
红豆冰 (少冰，少甜) + 红豆冰
大大粒甜甜地既红豆，好好

特色小食
西生菜 (全走) ~ 食番个清清地既菜先
碗仔素翅~足料好味，加少少浙江醋，一样都好好味

平日呀妈无煮饭，买外卖谂唔到食咩，我都会去食车仔面 贪佢咩都有，又可以拣自己钟意食既 近排试左旺角一间质素唔错既车仔面店，价钱唔贵之余仲几好味，最重要大热天时有冷气又坐得舒适
·
☆ 招牌面  HKD$58
招牌面系一款set好左配料既9车仔面，咁多真系啱哂贪心又为食既我 有辣鱿鱼、辣鱼蛋、猪红、猪皮、猪大肠、鸡翼尖、萝卜、卤水鸡翼、卤水蛋，真系超级丰富！而面底系可以自由选择，招牌辣鱿鱼整得不错，口感弹牙，并用上自家制咖哩汁煮成，食完成碗真系好饱
·
☆ 三车仔面  HKD$38 (加每款$9)
点左四 粗面配瑞士鸡翼、辣鱿鱼、炸片头、甜酸斋，听店员讲部分配料以低温手法煮至全熟，能更入味之余，口感仲更好添 瑞士鸡翼就系以低温烹煮既其中一员，故整得入味又软腍，十分不错呢
·
另外，多款小食都只系$20 分别点左卤水猪大肠及花胶碗仔翅，碗仔翅有花胶、冬菇、云耳、素翅及瑶柱丝，配料十分丰富，值得叫返碗补充下骨胶原‍♀️
·
☆ 樽仔奶茶 HKD$16
用上红茶及全脂奶整成口感幼滑既奶茶，用樽仔装住够哂可爱 更userfriendly，凡惠顾一碗车仔面加8蚊就饮到啦~
·
阿四车仔面
旺角豉油街108号地下

餐厅：阿四车仔面 (粉岭)
地址：粉岭联和墟和丰街59号地舖

阿四车仔面系我食过要再返寻味嘅车仔面店，最挂住嘅紧系佢地嘅樽仔奶茶啦

今次叫左个赞岐乌冬(+3)做面底，就有牛腩、鱼皮饺、大红肠、溏心蛋、冬菇、油菜、萝卜，酱汁就拣左沙嗲酱，咁样叫嘅话就$38有三，另外每加一个加$9，比招牌面贵少少，但系就可以食到自己想食嘅菜

特别爱佢地嘅牛腩，炆得好腍仲好入味，牛腩汁捞埋落碗面到仲吸引好味；溏心蛋大大粒，除左一咬流出蛋黄浆之外仲渗入左少少沙嗲香，够哂与别不同

花胶碗仔素翅 $20
呢碗翅都几足料，有元贝仔、木耳丝、冬菇、肉丝等，唔知元贝同肉丝系唔系都系素造架呢，翅嘅质感唔会好稀或者太稠，味道岩岩好，好耐无食过碗仔翅喇☺️

樽仔奶茶 (跟餐$8)
钟意饮奶茶嘅人一定要试，我返黎encore嘅原因都系因为佢，奶滑茶香，比例系我最想要最钟意饮嘅味道，绝对无介绍错