Hoihoi pancake 系一间日本过江龙嘅分店，自己好钟意食pancake。之前已经想同朋友试试，所以，今次就专登嚟到 Hoihoi pancake试试。店舖除咗有唔同口味，仲有分两款pancake，一种系日式梳乎厘pancake，一种系夏威夷pancake，任君选择，舖头主打以日本蛋新鲜制作。咁我就拣咗一款打卡感十足嘅pancake 同一份抹茶pancake，加两杯抹茶饮品。

抹茶忌廉梳乎厘班戟 $138
有三块梳乎厘pancake，配上大量抹茶忌廉，另外再加上红豆作点缀。梳乎厘pancake fluffy，有空气感，唔会太实，口感唔错。而梳乎厘本身充满着蛋香。而最重要嘅抹茶忌廉用上抹茶粉新鲜打成，有抹茶甘香味，并不会过甜。

目玉烧梳乎厘班戟 $118
呢款pancake卖相真系100分，成只太阳蛋咁，打卡一流。店员小心翼翼咁摆上枱，三块pancakes 系到震吓震吓。Pancake 厚身，同抹茶pancake质感一样。原来太阳蛋嘅蛋白系cream cheese，蛋黄系吉士，蛋黄仲有流心效果添。

牛奶抹茶 $37
抹茶带有层次感，由深绿色到浅白色。抹茶面上有一层奶泡，抹茶味道浓郁，微苦带甘，配上鲜奶，绝对啱晒我呢啲抹茶lover！

宇治金时 $35
呢款系冬日限定。整体同牛奶抹茶一样，红豆甜甜哋，调和抹茶甘味。如果想要多啲口感或者唔太钟意抹茶甘味，可以试吓佢☺️。

整体来说，我觉得Hoihoi 嘅梳乎厘班戟唔错，因为之前会担心佢会太湿，一pat蛋浆咁。不过，佢唔系，而且pancake蛋味又够。抹茶食品都几好。(利申：个人本身钟意日本幸福pancake, 可作参考)

有「名古屋No.1行列店」之称的HoiHoi Pancake House正式登陆九龙湾MegaBox，知道佢地既Pancake均采用日本岛根县新纪元鸡蛋，以及日本直送的名古屋面粉厂特调的面粉新鲜制作，听落觉得口味或者可以更贴近日本质素。

不过最近比较早关门，6点半Last Order，7点关门，建议要试的朋友早啲去~

原味梳乎厘班戟 ($88) 最食到原本忌廉同梳乎厘班戟的口味，呢度Pancake比较偏向重蛋味，质感轻盈但未去到空气感种口感。

枫糖忌廉梳乎厘班戟 ($98) 系四款当中最出色，枫糖浆甜甜地，搭配忌廉超级夹，将甜度微微提升。

抹茶忌廉梳乎厘班戟 ($118) 抺茶味浓郁，但食落有啲过于苦涩，搭配日本十胜红豆算系中和左少少种苦味。

法式焦糖乎厘班戟 ($98) 卖相比味道好喔，奶香十足，不过感觉好似净系得上面既焦糖，整体味道层次过份单调。

Hoi Hoi Soufflé Hot Pancake❤️ Yum
.
.
日本 名古屋人气Pancake店，那份松软既空气口感，软绵绵 真系让人一试难忘。今次约左朋友到Mega Box 行街，见有时间 就顺便找个地方聊聊天 吃个甜品畅谈，刚好有间人气Pancake 趁住时间人不多入去吃吃，地方走木系风格又宽敞，感觉好舒服。
.
l[冲绳芒果梳乎厘班戟]l $138
Okinawa Manago Soufflé Pancake
期间限定既冲绳口味，食落真系好Soufflé 好松软 好好吃。配上香甜芒果，加上大量邪恶甜Cream，好好吃呢。
.
l[夏威夷果仁忌廉夏威夷班戟]l $108
Classic Pacadamia Crwam Hawaiian Pancake
另一款走传统美式松饼，食落较厚实，带湿润又实在烟韧口感，加上果仁nuts 碎，咸咸甜甜 层次丰富既甜点，另有一番滋味。
.
l[手冲浸泡式精品咖啡]l $70
Brew Coffee
自己动手冲泡既一杯咖啡☕️，用热水倒进咖啡粉内泡3mins，再按下钮制，待咖啡慢慢滴漏就成一杯香浓咖啡，原味入口偏酸，手动很特别呢。
.
l[焙茶牛奶 (热) ]l $37
Hoicha Latte (Hot)
浓浓既培茶Latte☕️，仲有拉花天鹅呢。
.
.
吃罢聊聊天，成了我们的悠闲天。亦随着时间不早，见等吃的食客也愈来愈多啊，可见这家Pancake店 真的是人气店呢。想吃 记得好似我地咁趁早入座，就免却等位时间了。
.
.
×××[HoiHoi Pancake House]×××
©九龙湾宏照道38号企业广场5期Megabox 1楼19-20号舖
.
.

朋友系班戟粉丝，每次有新店开幕，都会抽空到访。最近就邀约我一齐去九龙湾试下呢间来自日本名古屋的人气班戟店「HoiHoi Pancake House」。

餐厅位于 MegaBox 1 楼，店舖邻近 AEON，开放式门面，非常易认，装潢走夏威夷风格，加上场内的植物配置，具热带风情。

翻开餐牌细看，除了主打的班戟外，也有咸食供应，以和式洋食为主，如巨型汉堡塔，另外亦有冲绳人气料理墨西哥 Taco 饭、汉堡扒、炸豚肉定食等菜式供应。

交由友人发板，拣咗两款班戟，另外再加咗两杯饮品。

先嚟呢款系夏威夷果仁忌廉夏威夷班戟 ($108)，班戟卖相一流，面头铺满日本产忌廉，份量十足，把 Pancake 完全覆蓋。班戟松软得来又带点烟韧，面粉香气突出；忌廉够晒轻盈滑溜，再加上顶层的夏威夷果仁碎，口感好丰富。

至于另外呢款就系冲绳芒果梳乎厘班戟 ($138)，卖相好有夏日 feel，原来系期间限定嘅新出品。班戟食落非常松软，有空气感之余又唔会觉得只食了一阵风落肚，蛋香十足。芒果由冲绳直送，配上清香芒果酱和震腾腾的梳乎厘班戟吃，真系无得输。

饮品我拣咗芒果沙冰，而友人就话要试下呢款手冲浸泡式精品咖啡 ($68)。哗！原来要花点时间和心思，先将滴漏器放上咖啡杯，以搅拌式顺时针方向慢慢平均倒入热水， 静候浸泡，沙漏计时 3 分钟，按下滤键，咖啡即告完成。据说咖啡嘅味道很特别，带有浓郁果香及朱古力味。

至于我点嘅芒果沙冰 ($48) 口感亦超级好，芒果香气突出，喝起来既浓郁又绵密， 入口够晒冰冻。两份班戟都很美味，揾日要嚟试下餐厅嘅咸食。

作为梳乎厘pancake迷，一早已打算来日本过江龙HoiHoi Pancake House尝尝开业初期怕人多排队，又怕质素不稳定，所以一直没有到来。今天刚好和朋友相约在Megabox，就把握机会来一尝☺️

食物:4/5

▪️冲绳芒果梳乎厘班戟
季节限定款式炎炎夏日就是芒果当造的季节，又甜又多汁！冲绳芒果与平日香港常见的菲律宾芒果味道不一样，比较靠近芒果味糖果、或芒果酱的味道，入口更甜、口感软身！

至于梳乎厘，味道不错、口感松软、质感像蛋糕，但蛋香味略嫌不够。

▪️夏威夷果仁忌廉班戟
像热香饼般的班戟，味道带浓浓牛油咸香，一碟有3片，超级厚实、饱肚之选！配上忌廉，味道甜中带点咸，十分有趣。但个人比较喜爱吃梳乎厘班戟。

▪️手冲浸泡式精品咖啡
原来是滴咖啡，把热水倒进滤纸，等3分钟即可品尝 店员细心讲解这款咖啡特别之处，味道偏fruity，带酸味，不会太浓。冷热饮会分别有不同味道，入口后会有果香慢慢涌现。我是咖啡外行人，但这杯咖啡的确相对易入口