生日行山和好友欣赏完千岛湖清景台美景后，回程到来校长烧肉食放题，任食确实几开心的。

一入店内便望到楼梯间放置左件人型大小的iron man模型，相当逼真有型。

而餐厅算几大，张张都大枱座位疏松，枱与枱相隔远，好有自成一角的感觉。

放题分左几个时段，当中我地拣左五点食到七点，两小时都系每人$148，仲包埋刺身都算抵。

该店可同时烧烤和打边炉，美食选择多，除了各类烧肉外、寿司刺身、中菜点心、沙律甜品样样都有。

饮品
有清酒、梅酒、汽水、罐装饮品及纸装饮品，当中最喜欢清凉爽，解渴解燥又无气，饮多都唔易饱肚。

烧烤食材
食材劲多选择，就算猪牛鸡都分左不同部位和口味。食材有一口牛、蒜香牛肋条、蒜香牛扒、猪扒、牛仔肠、香草鱼柳、韩风鱼柳、秘制叉烧、金沙骨、麻辣鸡肾、一口豚、咖哩鸡软骨、麻辣鸡软骨、蒜香鸡软骨、梅肉片、猪五花、牛五花、多春鱼、秋刀鱼、三文鱼、鲭鱼、鱿鱼须、鱿鱼翼、鸡扒、韩风鸡扒、咖喱鸡扒、鸡中翼、土匪鸡中翼、印度风鸡中翼、韩风鸡中翼、炸鱼蛋、贡丸、猪柳汉堡、烟鸭胸、芝心丸、麻吉烧、日式蟹柳、红布肠、鸡肉肠、台湾肠、午餐肉、火腿片、芋丝、四方鱼腐、金菇、金菇肥牛卷、牛油杂菌、鸡软骨饺子等等。在煎锅上放左隔油纸，煎起上来无咁油，又无咁多烟。

寿司刺身
蟹棒寿司、加州卷、豆皮寿司、三文鱼寿司、芝麻鳗鱼寿司、帆立贝寿司等，寿司唔算大件，而且味道唔错都有质素的，几有良心。
刺身即叫即切都几新鲜，而且无限拎，但每次限取三款每款两件，包括帆立贝、三文鱼、蟹柳、甜蛋、希灵鱼、吞拿鱼、赤虾。

中菜点心
好多款中式菜式，点心都有一大堆，甚至连日式蒸蛋、葡挞、章鱼小丸子、炸饺子、碗仔翅都有，但总觉得来到食烧烤比较值回票价。

沙律甜品
沙律菜都有几款，仲有埋青口和长脚蟹，感觉好似酒店食自助餐咁。
甜品款式好多不能尽录，仲有盒装雪糕、冰菠萝和冰西瓜，食完都几满足。

早年前在旧店食过呢间,有一日行经见番呢个熟悉名字,加上原来搬大咗地方,所以预早一日打电话book 位食。
晚市放题分四个时段,由5:00pm-11:30pm, 价钱由$108-$148不等,我哋拣了7:15-9:15pm 共2小时的时段$198/位另加一。
餐厅要行上一层, 上楼梯时见到放咗只好大嘅 iron man都几吸引, 唔知老板系咪粉丝呢呢间餐厅环境开扬阔落,坐得舒服, 而且食物种类多。
入座后,先在餐厅自助区内逛一圈先。自助吧食物应有尽有,有韩烧、火锅、刺身、小食、沙律、熟食、饮品同甜品区等,全部都任食,因太肚饿,先嚟转冷盘先,刺身有三文鱼、吞拿鱼、带子、长脚蟹食材非常新鲜又鲜甜,仲有寿司大大件。至于沙律有车厘茄、薯仔和沙律菜,又系好新鲜。
热盘主要有蒸鱼、蔬菜、洋葱猪扒等、仲有薯条、薯格,同一笼笼热辣辣点心。
烧章鱼丸炸起唔会太多粉,足料 芝士波有咬口 葡挞个皮焗得松脆
吃了熟食后,便开始烧食物。烧烤配料大概有50款左右,有肠仔、鸡扒、牛扒、猪扒、鸡翼、金莎骨、义烧、五花腩、鱿鱼等。
鸡翼醃得入味,烤过后仍保原汁原味。 鸡肾、牛柳粒及猪软骨几有咬口。 牛扒肉质嫩滑,有牛味。 牛扒又系啖啖肉,爽。 鱿鱼够惹味又唔太韧,滋味无穷。
吃咗太多肉,烚碟菜清下肠,打边炉汤底要自己斟,有日式猪骨汤、韩风辣汤、寿喜烧汤,配料有肠仔、丸类、肥牛、金菇、蔬菜等。
饮品方面有罐装、纸盒装、男士们可选啤酒或清酒、女士们可选养生花茶。
食饱之后当然系食甜品,甜品有蛋糕、果冻、布甸、啫喱、糖水、泡芙,雪糕,仲有比较少见嘅冰生果(菠萝、西瓜、哈蜜瓜), 因为太饱只系食咗杯雪糕,为今晚完美作结。