我们不支持您使用的这种浏览器。Tripadvisor网站可能不能正常显示。我们支持以下浏览器:
Windows: Internet Explorer, Mozilla Firefox, Google Chrome. Mac: Safari.

“老字号冰厅,质素有保证”
雪山冰厅的点评

雪山冰厅
香港排名第1,419 (共15,901家美食)
周围地区: 深水埗区
餐厅详细资料
周围地区: 深水埗区
2021年3月6日点评 通过移动设备发表

今日同男朋友去南昌公园欣赏黄花风铃木,之后去深水埗晚饭,俾餐厅既名字吸引,餐厅系老字号,加上见有樽仔奶茶,入去试吓。

员工介绍我地2人套餐$168,有两个炖汤、两个小菜及两个白饭。专登叫少来一个白饭,因为贪心嘅我哋仲想叫其他菜式试。

今日嘅炖汤系姬松茸炖乌鸡,每人一盅,落足料,绝对唔系普通例汤,汤很清甜。

小菜方面,点了去骨霸王鸡半只,鸡皮爽滑,无皮下脂肪,鸡肉都好嫩滑,加上海量葱丝及姜丝,正。套餐选择这霸王鸡实在是性价比高,因为单叫霸王鸡半只就要$128了。
另外加$10,点了大马站班腩煲,有豆腐、五花腩烧肉配班腩,葱头蒜头同姜加埋马拉盏一齐,好惹味,食极都唔够喉。

另叫了芝士焗波士顿海龙虾鲜饭,因为俾餐牌图片吸引左,实物同相片系一样吸睛,见到会心心眼,打卡一流,除左主角龙虾外,都几丰富,班块、鲍片、青口、墨鱼片,分量十足,主角都好大只,龙虾爆晒膏,不过焗得耐左,虾壳有d㶶,肉质爽口但有啲老。个饭系炒底,好香,配合大量菇菌,三色椒粒及白汁一起吃,好满足。

樽仔奶茶几好,好香滑。茶同奶嘅比例好好。
整体晚餐好好,餐厅多卡位,员工好有礼貌,环境又干净,感觉好好。

感谢 Rabbit0804
此点评为Tripadvisor会员个人反馈,不代表Tripadvisor的意见。原文语言为中文,源自www.tripadvisor.co.uk 查看原文
撰写点评点评 (25)
旅行者评分
旅行者类型
时节
语言

4 - 8 条点评,共 25 条

2021年2月3日点评

今日放半昼,下午过左去长沙湾揾老公食晏。有人话要带我去试下佢经常帮衬的其中一个饭堂「雪山冰厅」。

原来餐厅嘅历史好悠久,始创于 1956 年, 总店位于深水埗,而长沙湾呢间就系品牌嘅第一家分店。

餐厅嘅面积唔算好大,不过台櫈摆放得好整齐企理,感觉干净卫生。店内有一幅色彩缤纷嘅金鱼喷画,拼上磁砖墙身、浅蓝灰阶花砖,装潢怀旧得嚟又带点摩登玩味。

先睇下餐牌,食物选择都几多元化,有小食、常餐、特餐、全日早餐、特色汤粉面、雪山素食之选、快餐、蛋包饭、南洋咖哩、香喷喷葱油系列、雪山精选推介、特色下午茶及下午茶炒粉面等。

我哋点左个槟城风樱花虾炒蛋特餐、两客特色下午茶,另外再加左碟黑蒜田园炒时蔬。

个槟城叻沙掺掺特餐 ($55) 真系好丰富,除左包一碗叻沙之外,仲有日本樱花虾炒蛋拼香酥丹麦多士同热饮一杯。碟炒蛋卖相真系一流,呈金黄色,水润带光泽,食落既有蛋味又有蛋香,加上入面夹杂左唔少葱花同樱花虾,令香气倍添。

至于碗槟城叻沙掺掺食味亦不俗,汤底带甜,有很香的椰奶味,十分不错。油面滑溜弹牙、而米粉亦爽口顺滑。配料有大虾、鱼片及豆卜,虾只爽甜味鲜,豆卜索满了鲜浓叻沙汤汁,味道绝不简单。

跟餐饮品点左樽仔奶茶 (+$9),据说餐厅嘅奶茶系用左三种茶叶炮制,饮落真系好滑,而且奶味同茶味平衡得很不错,奶味唔太重,能突出到茶香,绝对值得一试。

下午茶餐点左避风塘生炸髀配海苔炸薯条及红豆冰 ($46) 同 滑蛋鳗鱼潜艇。鸡髀即点即炸,送上来时仍热气腾腾,外皮咬下脆卜卜,肉质嫩滑不韧,加上面头微辣惹味的炸蒜,呈现经典的避风塘滋味。

薯条新鲜热辣,份量多又够脆。红豆冰甜度适中,红豆大粒得嚟仲好腍身,正。

至于个滑蛋鳗鱼潜艇配杏仁霜 ($36) 亦系心水推介,潜艇堡轻柔软熟,入口有阵阵芝麻香,夹埋滑溜嘅炒蛋同肥美嘅鳗鱼一齐食,超美味。食完饮返杯顺喉微甜的杏仁霜,好满足。

黑蒜田园炒时蔬 ($45) 时蔬可以拣西兰花、白菜、生菜同芥兰,西兰花炒得好有水准,咬落有爽脆感,配上甜味的黑蒜,健康又养生。

临尾再点左杯冻鸳鸯 ($19) 咖啡味同茶味都调校得啱啱好,既有咖啡的香味又有奶茶的丝滑,唔错。

感谢 mjqueen7e
此点评为Tripadvisor会员个人反馈,不代表Tripadvisor的意见。原文语言为中文,源自www.tripadvisor.com.hk 查看原文
2020年10月3日点评 通过移动设备发表

沙爹牛肉公仔面
汤底浓郁,牛肉嫩滑,沙爹酱好惹味,面都好爽口弹牙。常餐仲配埋午餐肉炒蛋同香酥丹麦多士。丹麦多士外面香脆,内里松软,一层一层嘅,香甜可口。
经典芝蛋牛肉汉堡包。松软嘅面包,里面夹住牛肉、芝士同蛋,牛肉里面加咗洋葱,又爽口又香,蛋系半熟,一啖咬落去,蛋黄流晒出嚟。仲加咗芝麻酱,酸酸地好fresh,个人觉得如果加沙律酱味道仲好。
老坛酸菜鱼
主角鱼肉好嫩滑,酸菜酸得嚟都几脆口。配菜有泡椒、辣椒仔、木耳,大豆牙芽,莲藕片,颜色同味道都几丰富,汤底都唔算太辣,美中不足系汤比较少,配薯粉食唔够。
樽仔奶茶。香浓嘅茶味,口感细腻,甜度适中,加上独特嘅樽仔设计,果然系招牌之一

感谢 sunsun_foodie
此点评为Tripadvisor会员个人反馈,不代表Tripadvisor的意见。原文语言为中文,源自www.tripadvisor.com.hk 查看原文
2020年9月13日点评

十分普型的港式茶餐厅,价钱中等,味道一般,没有特色,不要对这里有甚么大期望,如果只求三餐温饱,也是一个选择。

感谢 dragoon17
此点评为Tripadvisor会员个人反馈,不代表Tripadvisor的意见。原文语言为中文,源自www.tripadvisor.com.hk 查看原文
2020年7月15日点评 通过移动设备发表

餐厅:雪山冰厅 (长沙湾)
地址:长沙湾青山道413号东景大厦地下4-5号舖

长沙湾青山道嘅雪山冰厅,除左有普通茶餐厅嘅食物,仲设计咗多款港式新派菜,迎合唔同人嘅口味,尤其价钱唔贵,吸引好多打工仔同街坊黎食

12点几去到坐满哂人,有学生、打工仔、一家大细‍‍‍、公公婆婆,见到咁多人我谂我真系无去错餐厅喇

招牌海南鸡饭 $60
呢到嘅海南鸡饭特别在有好多醃咗嘅配料,红萝卜、白萝卜、青瓜,饭上面仲有啲脆脆嘅配料,令饭变得特别好食,鸡无骨而且有十旧左右,餐厅仲提供埋自制嘅辣酱同辣豉油,好抵食!

避风塘生炸髀 $28
呢个炸髀之前系呢一间分店已经食过,今次可以话系encore,除咗即叫即炸够哂香脆,避风塘调味粉仲好吸引好惹味,包你食到停唔到口,下次一定会再翻叫

樽仔咖啡 (跟快餐+$9)
樽仔奶茶饮得多,樽仔咖啡都系第一次饮,咖啡滑而香,奶味较重,比咖啡豆嘅咖啡无咁香浓☕️,但系就适合想试饮咖啡或者唔受得浓咖啡味嘅人

感谢 hinsonfoodhk
此点评为Tripadvisor会员个人反馈,不代表Tripadvisor的意见。原文语言为中文,源自www.tripadvisor.co.uk 查看原文

查看过雪山冰厅的旅行者还看了

 
中国香港
 

去过雪山冰厅吗? 请分享你的经验!

写点评 上传照片

业主:有什么想要和我们分享的吗?

拥有或管理这家酒店? 免费获取您的详情页以便回复点评、更新资料或者进行其他操作。

获取您的详情页
© 2022 TripAdvisor LLC 保留所有权利。

网站的此版本通常面向中文使用者,除非有针对其国家或地区的特定网站版本存在。 您可以使用下拉式菜单访问 Tripadvisor 网站面向特定国家或地区的其他版本。