好耐冇食过越南嘢，今日同朋友行朗豪坊见到4楼有间越南餐厅，个名几得意，叫做［火车头...」，就吸引到我哋入去食午餐。

餐厅做足防疫措施，安心出行QR code或登记食客资料、酒精搓手液、隔板等样样齐全，令客人食得安心又放心。

午市套餐都几抵食，连加一人均消费都唔使一百元就有齐主食、小食同饮品，选择也很多。

主菜：香茅猪扒汤河/烧猪颈肉汤河
河粉大大碗，粉质够滑身。香茅猪扒和烧猪颈肉都几香口，而且肉质软淋。

小食：牛油果素菜米纸卷/香茅牛肉虾片
牛油果素菜米纸卷内有两三种不同的沙律菜和牛油果，食落好清新，沾上甜酱伴食也别有一番风味。
香茅牛肉惹味，虾片脆卜卜。

餐饮：薄荷柠檬梳打/芦荟柚子蜜
凉浸浸嘅柠檬梳打加上剪碎嘅薄荷叶，份外醒神。
芦荟柚子蜜，滋润可口。