ahjussi ~今晚食韩国菜！

路过见到呢间My ahjussi装修一啲都唔大叔，而系走少女风，打卡必到嘅餐厅！
可惜，过咗6pm 只好叫外卖~依家外卖仲有85折优惠好抵食

蒜香蜂蜜炸鸡
食韩国菜点少得炸鸡✨炸鸡超大件，比我平时食开韩国炸鸡更大，食落非常香脆而且甜甜嘅味道，入面鸡肉嫩滑而且好juicy~蒜味可以再浓啲仲正！

韩式牛肉饭
份量都唔小，最钟意嘅系浓郁酱汁，食落带甜，有啲似寿喜烧味， 配饭一流~牛肉偏薄，每条都吸满酱汁，好入味

卡邦尼烟肉泡菜意粉
推荐！ 食之前会谂卡邦尼同泡菜一齐系咩味？竟然出奇地夹！
食落竟然好重芝士味同好creamy，而泡菜嘅酸酸辣辣中和咗卡邦尼嘅腻，烟肉炒得好香，意粉软硬适中，值得一试

泡菜豆腐锅
冬天嚟一碗泡菜豆腐锅真系成个人都暖晒！就算外卖拎到返屋都仲好热豆腐够滑而且份量好多，泡菜偏酸同软，带微辣，唔食得辣嘅朋友都岩！配一大碗白饭，食完真系好满足！

素麦乐鸡
食素嘅朋友呢间韩国餐厅就最岩你！餐牌上有唔少选择系为素食者，今次就选下素麦乐鸡！食落真系同真既差唔多，而且炸得脆而不腻，内嫩多汁

而家晚晚六点就禁堂食，唯有叫外卖，餐厅装修都几靓，可惜今次冇得入去打卡，享受唔到餐厅嘅环境。而家外卖做85折，食物比想像中好食，性价比高。
.
新猪肉豆腐锅 （$58）
泡菜锅汤底好浓味，都几辣，猪肉碎底加埋泡菜汤捞饭好好食好惹味。里面仲有秋葵正
.
软壳蟹忌廉汁意粉（$98）
软壳蟹大大只，炸至金黄香脆，内里蟹肉蟹膏比例算多，忌廉汁杰身，配有香菇。
.
蒜香蜂蜜炸鸡6件（$98）
六件炸鸡份量多大大旧，有两旧鸡胸，两只鸡全翼同两只鸡锤，外皮香脆，炸粉厚薄适中，蒜香蜂蜜调味出色，每样野都恰到好处，推介呀！
.
巨峰提子梳打（$20）
芒果梳打（$20）

餐厅：My Ahjussi (大角咀)
地址：大角咀大全街39号地舖

最近去咗大角咀一间韩式cafe食件炸鸡、饮杯咖啡☕️，呢间cafe有3️⃣️⃣大卖点。首先佢哋喺一间良心企业cafe，请咗一位聋人同一位自闭症嘅员工；其次cafe有好靓嘅装修，天花白茫茫嘅花海、绿油油嘅草墙、假鸟等，配合埋粉红色嘅发光灯牌，成间cafe仲好有少女情怀，而最后一点就喺cafe提供素食餐单

黄金咸蛋炸鸡 $118/6件
Cafe嘅韩式炸鸡用咗欧洲嘅春鸡，每份都有齐胸、下槌、髀同翼，可以拣6件或者12件。拣12件嘅话可以配搭两种味道，有原味、韩式甜辣、蒜香蜂蜜、咖喱粉、卡邦尼同黄金咸蛋味，大玩fusion味道。我就拣咗黄金咸蛋味，外皮金黄香脆，有浓郁嘅咸蛋黄香，咬落肉质鲜嫩多汁，喺价钱贵咗少少，不过都值得一试

黑松露杂菌薄饼 $128
Cafe嘅薄饼面团喺自家制嘅，每块都经过12个钟发酵，饼底较厚，食落松脆厚实。有6️⃣种口味选择，我就拣咗黑松露杂菌味，用咗冬菇、鸡髀菇、白菌、红洋葱，同埋黑松露酱。黑松露味唔会太出，有拉丝芝士，食落阵阵芝士香同埋有丰富嘅菇菌粒，仲带有淡淡黑松露香

焦糖玛奇朵 $38
最后梗系要试返杯由聋人员工冲制嘅咖啡啦，拉花系一个大大嘅心形，凭呢杯macchiato我就知呢间Cafe同员工都充满外心

唔知大家有无睇过韩剧「我的大叔」呢？剧集无论在编和演方面都很出色，节奏平稳，细腻之中绝不沉闷。

近日浏览网页，得知大角咀大全街开咗间叫「My Ahjussi」嘅韩式 Café，店名的意思即系「我的大叔」，名字改得挺有趣，趁这天在附近办事，就顺便过来吃顿 late lunch。

估唔到餐厅嘅装修咁靓，以花系为主题，虽然店内空间不算很大，但就胜在布置有心思，天花铺满一朵朵樱花，粉红嫩白交织，异常娇艳， 配合柔和的灯光，带点浪漫风情，同情侣去就最啱 feel！

先研究一下餐牌，餐厅主打韩国料理，有韩式炸鸡、手工薄饼、饭类、意粉、汉堡包、小食及各式饮品等供应。店员话餐厅依家系试业期间，堂食及外卖自取均可享 8 折优惠！

拣咗个午餐鳗鱼汉堡，另外再散点咗一客海鲜薄饼， 午餐附送蛋花汤同三款韩式前菜。前者汤味清甜，入口不咸；而韩式前菜就有大豆芽、醃渍萝卜和泡菜。

鳗鱼汉堡配炸薯条 ($128) 个汉堡包果然有睇头，用上原条鳗鱼夹于包内，卖相够晒型格。条鳗鱼肉质好厚嫩，而且长度十足，连汉堡包都无法把它遮盖住，加上大量菇菌，可见其重量级份量。

面包柔软有弹性，配沾满酱汁嘅鳗鱼吃，味道一流！薯条即点即炸，拿上手时仍热烫烫，入口脆得嚟又唔空心。

另外个海鲜薄饼 ($128) 水准亦唔错，同样是即点即制，送上桌时仍热辣辣。批底软熟，咬落不会干争争，饼心带点轻软柔韧，口感比一般薄饼丰富。至于面头嘅 toppings 亦下得非常慷慨，有蟹柳、蚬肉、虾、带子粒、红洋葱、菠萝、青椒、黑水榄和千岛酱，入口馅料惹味，饼底富麦香，Pizza 粉丝必试！

饮品点了芒果苏打 (跟餐+$20) 同可乐 (+$18)，梳打味道很清新，入口酸酸甜甜，饮完真系透心凉。

可以悠闲地享受一顿丰富午餐，实在是赏心乐事。

早几天看到大全街开了新的店 看见门面好漂亮已经想吃
今日终于来啦～ 原来是吃韩国菜的～

环境真的好好～店内都好漂亮好适合打卡！

因为疫情所以提供即弃餐具～

推荐菜式：

软壳蟹忌廉汁意粉 $98
软壳蟹好出色 不会落好多调味料 吃到食材本身味道
蟹味好浓 炸得酥香 蟹膏甘甘香香的

其他食物都好高质～幸好是新开的小店还没有很多人
推荐大家试试哦