古早蛋糕试过几间，质素可以好参差，或者好易会塌左。不过我真系要赞下呢间【有间本舖】，坐左成个钟头地铁，再拎到返屋企，仍然系好挺身，完整无缺，仲要系好好食！

有间本舖系来自台湾高雄的古早味蛋糕，口味众多，亦写明出炉时间，呢日有6个口味，包括原味/黄金芝士/蜂蜜蔓越莓/抹茶红豆/葱花肉松/Oreo大理石浓情朱古力。

好中意佢地的古早蛋糕软熟而湿润，但唔会过湿，软绵绵好有口感。

《Oreo大理石浓情朱古力 $80》
新鲜出炉系最好食，由搭地铁再拎到返屋企都系香喷喷~蛋糕云石Pattern，铺满Oreo碎同朱古力粒，朱古力味醇厚而浓郁，香浓得黎唔会太甜太漏，仲有啲流心效果，质感松软带少少湿润感，呢款推介。

《抹茶红豆 $75》
呢款系蜂蜜抹茶味，唔系茶味超浓郁只，反而咁样有啲惊喜！平时d蜂蜜抹茶会超级甜，呢个甜度控制得几好。红豆一粒粒，唔系红豆蓉，口感食落系有少少粉，唔会过甜。

高雄过江龙既小店
好多间店铺卖古早蛋糕都冇限买几多件唯独依间限一人只可以买两件应该系怕比人抢晒.
去到门口间店传出好大阵既蛋香真系会忍唔住买番一两件番屋企‼️
黄金芝士 $75
芝士唔叫好多，依个有少少失望主打都系原味虽然芝士味少左啲但系成个蛋糕都好有惊喜湿度好高！唔会话好干身仲要好软身原味都好有惊喜估你唔到老板话芝士味要叮十秒香味出番☺️
⚠️睇网评话绿茶味既红豆比较硬身

近排迷上了吃古早味蛋糕，每逢有新舖开张都忍唔住手，总会买返个回家品尝。

今日去铜锣湾攞嘢，路经鹅颈桥附近，发现富德楼地舖开咗间古早味蛋糕店。店家嘅招牌超可爱，用上一只戴左厨师帽的小鸡做 Logo，Cute 度满分。

浏览过网上资料，原来店舖是来自高雄，在台湾有 12 间分店，在泰国亦有 4 间，而湾仔呢间已经系品牌在香港嘅第二间分店，实力可见一斑。

先睇下蛋糕嘅口味，款式唔多，只得四款，分别为：经典原味、黄金芝士、蜂蜜蔓越莓及抹茶红豆，定价由 $60 - $75 不等。店员话蛋糕会每小时轮流出炉，而每人每次就只限买 2 件。

拣左盒黄金芝士 ($75) 据店员称，店里嘅蛋糕，全部都是当天现烤现做，绝对没有添加防腐剂，大可以放心食用。

个蛋糕嘅卖相真系好吸引，面头洒上了芝士粉并铺满粒粒芝士，所以食落「芝」香味非常浓郁，无论是吃蛋糕嘅边位或是正中间位置，都会吃到啖啖的芝士。芝士的咸味与蛋糕嘅蛋香味非常夹，加上糕身香软又不失弹性，令人忍不住一口接着一口吃下去。