古早蛋糕而家真系开到周街都系，间间都话自己系正宗😂。呢间囍源古早蛋糕店 @heiyuen_bakery 特别在于以低温烘焙做招徕，标榜少甜少油🍰。可以一星期前预订口味，60几款口味真系我哋见过最多口味嘅古早蛋糕😍！
.
📍拉丝芝士古早蛋糕（$70）
蛋糕用上3款唔同嘅芝士🧀，当中日本芝士附带咸香🇯🇵😍，中间夹咗款拉丝芝士，置顶铺咗少少英国芝士碎，咸咸甜甜咁都几好食！值得赞嘅系芝士份量非常多👅，睇相都见到爆晒馅🙌🏻，好正！蛋糕质地湿润，绵密有弹性👍🏻。
.
📍红豆蓉古早蛋糕（$60）
另外草根仲试咗个红豆味蛋糕🍰。呢款撞正今日特价$60蚊一个🙋🏻‍♀️！红豆蓉好均匀咁夹喺2层蛋糕中间，红豆蓉质感细滑，不过比例上唔够多，所以味道都唔够突出，甜度比想像中低。佢真系做到少甜少油，拎上手都一啲都唔油👅。
.
📍自家制芝麻汤圆（$38）
除咗古早蛋糕，佢哋仲推出埋自家制芝麻汤圆。汤圆一客10粒🙌🏻，芝麻味浓郁，食落几香😋，质感沙沙地。汤圆皮口感相当烟韧🤤。再配埋甜不甩食法，可以沾上可可粉、黄豆粉同朱古力粉同食，几有趣！
.
囍源古早蛋糕 (深水埗)
深水埗北河街123号地舖

一去到舖头就见到打紧蛇饼，原来啱啱出炉左一底原味蛋糕！再望一望餐牌，更加系眼花撩乱，多得店员推介，先拣到今日呢两只味！一只甜，一只咸。（非常欣赏店员嘅热情）

👍🏻芝士肉松
👍🏻特级肮脏

蛋糕底超级松软，绝冇㶶边！两款口味都能够做到入口即溶𠮶种古祖味蛋糕嘅特色。而且馅料非常多，芝士同肉松非常之夹。甜蛋糕方面就算叫咗朱古力味，甜度都唔高，因为舖头选用左少油少糖嘅配方。切开后，朱古力酱仲爆泻哂！

💡店舖可以打电话落订，咁就唔使去到排队。

售卖五十几款古祖蛋糕口味，相信全港称第一。
坚持低糖少油理念，无添加味精色素，原食材手造，正宗台湾做法。个别款式每日只限量12件，要食就要预订，一到即取，绝对食到自己喜爱口味。

我也预订了两款跟好友分享。黑糖合桃和伯爵茶味。
包装非常精致，喜气洋洋的感觉。

黑糖合桃味
食过才知什么是黄金边，黄金底，原来是唔㶶边，唔㶶底。果然四边和底部都平滑。
口感棉密细腻，湿润，松软得嚟有弹性。
最初疑惑黑糖味会否太甜太腻，结果不是的，还有粒粒合桃香，材料十足。

伯爵茶味
听讲用上名牌子伯爵茶叶磨粉混入，难怪啖啖茶的清香尽显。

其实IG/FB不定期有减价优惠，如经IG介绍买立即减低$5。
储满印花优惠送原味1件。
加多留意就会成为精名消费者了。

囍源古早蛋糕
地址: 深水埗北河街123号地舖

古早味蛋糕店开到周街都有，今日去咗深水埗蒲，行到北河街闻到好香嘅蛋糕味！原来依度都有一间人气古早味蛋糕店，地点位置非常方便喺深水埗A2出口，行3分钟就到。

去到之后，老板娘仲同我倾左几句！原来佢哋店舖系有去台湾学师嘅。佢哋系全香港唯一享用正宗做法，蛋糕有黄金边、黄金底、唔㶶边、唔㶶底，仲低糖少油添！老板娘话佢哋使用低温烘焙方法，咁就可以保持蛋糕水份，就算放两/三日都唔会干。店舖都会因应原材料嘅新鲜度嚟制作，例如𠮶排紫薯唔靓就唔会整紫薯味蛋糕～

佢哋系全港最多口味嘅店舖，有成50几款以上！佢哋仲会攞真蛋糕做display嚟比客人睇吓。不过唔系每日都会有晒50几款，每日大约有10几款。如果你好想食其中一只味嘅话就可以打电话预订，因为佢哋有啲款卖得好快同埋系限量嘅。我觉得最特别嘅系佢哋比客人预订自己钟意嘅蛋糕配搭，例如你想要姜汁配朱古力都得，非常新奇！店舖唔会一出炉就成盘放出嚟，会先入盒，保持卫生。

今次我就拣咗流心拉丝芝士同柠檬柚子味。最正嘅翻热方法就系用电饭煲整返热！我讲吓柠檬柚子味先。老板娘话柚子都自己醃嘅，非常有心。成个古早味蛋糕充满淡淡柚子香味。当中总会食到有柚子粒，口感丰富。加埋柠檬嘅关系，成件蛋糕食落好清新。过咗味蛋糕质地绵密，蛋香味浓。蛋糕入口即溶，亦都唔会太甜。

而流心芝士拉丝方面，芝士热咗呈半溶状态，可以拉丝。芝士系日本芝士，唔同出面𠮶啲好咸，食多几件都唔会觉得腻。蛋糕依然好绵密、好有蛋想。而且非常湿润，唔使靠饮品嚟吞。

仲有仲有，佢哋成日有唔同推广活动，例如今次系买紫薯味蛋糕会送一筒薯片。今次我拣咗烟肉味，咸咸地，好脆，好长，好特别！估唔到真正古早蛋糕口味系咁，依间野会再帮衬。我会介绍埋隔离屋梁师奶去试下真正嘅黄金边、黄金底！

Traditional Cake🍰🍴 Taiwanese Style💫
.
.
古祖蛋糕吃得多。。你又了解几多❓一件真正既古祖蛋糕系黄金边、黄金底，而且放2日后食，口感都一样咁绵密湿润架，你又知道吗。
.
今次试左一间称全港唯一间古祖蛋糕店用正宗做法，亦系全港最多口味 (>30款)，而每日都有10 几款唔同口味可以选择，而且件件🍰 都唔同花纹，真系好有心思💕。全部都自家制作馅料，够新鲜又真材实料，份量十足，全无味精色素，亦低糖少油，食得更健康呢。
.
而且小店亦提供预订服务，买2件以上就可以Order，仲可以订生日原盘蛋糕🎂，够晒特别呢。谂唔到食咩口味❓放心‼️ 店员更会为客人介绍每款唔同口味既蛋糕，切合你需要很细心呢。
.
想了解更多❓可以留意follow 佢地既IG / FB，每晚都有不同口味出，而且亦设有奖问答游戏，够互动亦有减价优惠，唔好错过喔。
.
仲有仲有。。Show我IG @Wincyholic去买蛋糕仲可以有优惠 (立即减$5)。储够印花卡12件，亦送原味蛋糕1件，真系好抵架，有兴趣都可以一试🤗。
.
.