咁啱朋友终于得闲，净系返半日学，可以约到佢啦～希云街有好多小店, 见呢间有lunch set, 价钱合理，所以我哋就拣咗Felice Cafe & Pasta。餐厅细细间，有一排高枱，另一面系四人枱，仲有唔少memo同连猪。我哋就拣咗2个lunch set(包沙律)加特饮。

冬阴功忌廉海鲜扁意粉 $76
意粉好大碟，坦白讲一个女仔应该食唔晒，大家order时不妨可以叫少啲意粉，唔好浪费。意粉好creamy, 带有少少冬阴功嘅辣味，几开胃又特别，而且，每一条扁意粉都会挂上冬阴功忌廉，会容易啲饱。另外，意粉加咗唔同嘅海鲜，例如青口、蚬仔、鱿鱼圈，都几丰富咖！

烧汁豚肉意粉 $66
呢款都系咁大份，烧汁都好足，够捞晒全部意粉。意粉另外配上三色椒炒，色彩缤纷。我觉得意粉除咗以烧汁炒，仲加入唔少黑椒，咁就令成个意粉惹味啲。豚肉份量都多又香口。

Unicorn $48 (原价)
叫unicorn真系够晒梦幻，而且佢个样都好吸引，啱晒影相打卡。原来佢系blend咗火龙果同蓝莓做沙冰，又红又紫，再加上cream on top，饮落去好fresh。间中仲会咬到火龙果籽，真系新鲜又足料。

牛油果乳酪沙冰 $42 (原价)
自己好钟意牛油果，见佢青BB咁靓，所以就叫咗佢。牛油果乳酪并无我想像中咁甜，几好，饮落去会有牛油果粒。(建议餐厅用粗饮筒，应该会容易啲饮）

总括嚟讲，小店意粉份量真系好多同偏向会creamy啲，意粉亦有几多款式(见有蟹肉咸蛋黄、海胆等等)。另外，我觉得小店饮品几出色又清新，同意粉match 晒。

出嚟行开街梗系食埋饭先返屋企，想食小店嘅话我通常会嚟依附近，因为通常小店都会有惊喜

蟹肉咸蛋黄意粉$98 正到流油啊，咸蛋黄一的都唔腻，同蟹肉仲几夹，用料足，除左啖啖意粉，仲食到啖啖蟹肉咸蛋黄，而且整体炒得够干身，好似金沙意粉咁，好入味

牛油果卡邦尼意粉$86 几特别，平时食既都系烟肉，依个系加左牛油果，原来系好香滑架。酱汁浓稠，但切开蛋黄后变得更滑，加上牛油果软熟，有部份成为酱汁，由浓稠酱汁，变成香滑浓味，真系好神奇。

碟豆花荔枝梳打$26影相一流，因为碟豆花好靓，成杯野都有个层次感，好香既荔枝味，梳打好够气，甜度属于少甜

百香果红茶茶浓百香果味重，同样属于少甜嘅饮品，食完浓味嘅嘢饮番啖的确唔错

继续居家抗疫，不过而家几乎餐餐都自己煮，真系好烦恼，都唔知买乜野菜好，加上厨艺一般，真系谂到头都爆！

今日就试下跟邻居一齐出去买外卖，佢介绍希云街呢间「Felice Cafe & Pasta」，餐厅主打意粉、烩饭同薄饼，反正未帮衬过，转下口味亦唔错。

店内地方不大，装潢简约，以啡木色傢俬衬米白墙身为主，加上小盆栽作点缀，很有小清新感觉。

问店员拿了餐牌，午市有 Lunch Set 供应，另外亦可以散点，如果点选主餐牌食物外卖自取，更可享全单8折优惠。

拣咗两个意粉：蒜片炒鲜虾辣肉肠、蟹肉咸蛋黄，另外再加咗两杯饮品。

蒜片炒鲜虾辣肉肠意粉 ($88) 意粉煮得好有咬口，面条中间仍然带点硬身，弹牙烟韧，加上用蒜片爆炒过，入口有好香嘅蒜味，水准唔错。鲜虾分量都唔少，约有五六只， 食落爽弹有虾鲜，配埋咸香微辣嘅 Pepperoni，啖啖滋味。

另外呢盒蟹肉咸蛋黄意粉 ($98) 用料亦绝不欺场，蟹肉同咸蛋黄嘅分量都落得超多，每一啖都食到蟹肉嘅鲜味同咸蛋黄流沙嘅口感，味道 Super Rich。意粉水准当然亦不俗，柔软微韧，带蛋香，食落有湿润感。

饮品点咗蝶豆花芒果梳打 ($26) 同蝶豆花百香果梳打 ($26)，两杯饮品卖相都好吸引，视觉效果一流！入口甜度适中，味道不会太酸，而且两款果汁都加入了梳打水，非常解渴。其实蝶豆花饮品除了颜色够吸睛，最重要是无人造色素，令人饮得十分安心！