今日训到差唔多下午先起身,去咗食下午茶, 见呢间食马拉嘢几特色, 而且又好肚饿,决定同友人食得丰富啲,我哋叫咗好多嘢食, 埋单 $300有找,好抵！ 轻怡招牌亚金喇沙(渗渗) 呢个招牌菜材料丰富,有虾、鱼片头、蟹柳、鱿鱼、蛋、豆卜。喇沙汤底又够浓郁,微辣带点椰香味,至于渗渗就是米粉加油面,每条面底挂满喇沙汁, 非常惹味
轻怡槟城炒贵刁 贵刁炒得有镬气, 河粉香滑可口, 又唔油腻。 材料有肉松、蜡肠、虾仁、鱼片和蛋。味道唔错
肉松炼奶油酥饼 奶油酥饼热辣辣烤起,又唔会太油或干身,中间夹住肉松带点咸香,再加上炼奶,完美配搭
炸虾饼 虾饼炸得外脆内弹牙,沾上泰式辣酱酸酸甜甜几好食
玻璃鱿鱼通菜 爽脆的玻璃鱿鱼加入秘制酱汁辣得惹味,通菜够新鲜
椰汁红豆冰 椰汁味香, 大大粒红豆又够淋,非常唔错
椰香沙冰 椰汁味浓,香甜又滑,份量大杯
星加坡摩摩喳喳 呢碗甜品几得意,味道适中唔太甜,香浓嘅椰奶加入香芋丸、蕃薯丸、红豆、凉粉等增添咬口感
白玉仙草 呢碗材料有椰果、龙眼肉、凉粉,口感各不同,配搭清新又清甜

今日休息来来亚金南洋茶室叹我最爱的叻沙
轻怡招牌叻沙✨一碗有2种口感，一粗一幼，系我食过最正宗的，个汤底好浓好重椰香味面身就相当爽滑弹牙而且材料非常丰富，有鱼片头、虾、蟹棒、鱿鱼圈、豆卜等等....
轻怡槟城炒贵叼✨热腾腾的份量十足，又够镬气，唔会一嚿嚿及唔会太油腻，配料又多
玻璃鱿鱼通菜✨当劲爽脆的鱿鱼遇到自家秘制的酱汁时，就真系好食到难以形容✌️
炸虾饼✨好香虾味好弹牙
香茅鸡翼✨炸得好酥脆

自己好钟意食喇沙或者肉骨茶呢类东南亚嘢食，今次就食咗一个二人套餐，有喇沙、鸡翼、猪扒、生菜同埋两杯嘢饮，性价比超高。
喇沙材料极度丰富！有成只龙虾仔，仲有大量鱼片头、豆卜、鱿鱼圈等配菜，两人share一碗都一定饱！喇沙汤底味道香浓之余，面、米粉同各款材料都非常入味，龙虾仔又啖啖肉，俾足诚意。
香茅鸡翼并猪扒（好邪恶）非常香口，保持到肉汁之余又唔会太油腻，选料亦肥瘦适中。补一补底都叫咗杯柠檬薏米水同桔仔水，中和下煎炸野。个餐包生菜真系加哂分，因为出街食饭冇菜好唔健康，叫碟菜又好似唔抵。生菜有豉油调味，食落亦唔会太油~
虽然饱饱地，但系忍唔住叫左个甜品。第一次食由凉粉捞豆腐花嘅黑白配，食落清清地甜甜地，想加甜时又可以捞多啲红豆一齐食，感觉几新鲜。

闰蜜喺观塘返工，所以我都时不时去观塘揾佢食嘢 喺佢公司附近有间越南茶室，食过话都几高质，所以佢就带埋我去一齐食好西 当日去到系下午茶时间，唔记得左日点解咁肚饿，2个人叫左4个tea set都食得哂，so crazy
·
▪轻怡招牌叻沙  HKD$45
想讲哩碗叻沙真系劲好食 佢既叻沙汤底系好浓好重既椰香味 饮落好顺滑种，啲汤好味到差唔多俾我饮哂，super like 而配料有虾、蟹棒、鱼片头、鱿鱼圈、豆卜，面底我简左渗渗，油面+米粉mixing 一次过食到2种口感味道，啱哂贪心既我
·
▪招牌亚金无骨海南鸡 配 油饭 HKD$52（+$10转鸡脾）
海南鸡冻食系见到佢既油脂雪冻左 好似一层黄色啫喱咁喺皮同肉中间，质感好软滑唔油腻 加10蚊转左鸡脾入口更加嫩滑，仲啖啖肉添 油饭加入左少许椰汁，味道更加香浓呢~
·
▪轻怡槟城炒贵刁  HKD$48
估唔到哩道炒贵刁都几够镬气 贵刁既颜色同佢既味道成正比，味道十分浓郁，贵刁既河粉炒完仍然条条分明，推荐呢
·
▪鲜牛油咖央多士 配 迷你南洋蕃茄米线  HKD$34
鲜牛油配多士真系无得输 牛油入口后即刻溶化喺口腔，虽然好邪恶但完全引唔到唔食佢 如果咖央份量加多啲会更香浓滋味呢~
·
特色饮品都有几多选择，试左龙眼冰同南洋奶茶 特别推荐以炼奶为奶底既南洋奶茶啊~
·
亚金南洋茶室
观塘伟业街180号Two Harbour Square地下F&B1号舖

第二次到亚金南洋茶室， 上次食咖央多士， 一次已经爱上。 今次试下肉骨茶和海南鸡饭～招牌阿金无骨海南鸡饭$66+ 冻即磨白咖啡$3， 一字骨肉骨茶配白饭及油条$65＋ 热即磨咖啡， 食完之后觉得一定要再写多次食评介绍一下。

⭕招牌阿金无骨海南鸡饭～ 海南鸡又嫩又滑， 无骨更加方便， 饭是鸡油饭， 果然是招牌菜！

⭕一字骨肉骨茶配白饭及油条～ 以前到马来西亚旅游每朝早都会吃肉骨茶和油条， 香喷喷的炖汤，加入排骨、 凤爪和豆卜， 然后再按自己喜好加入辣椒和蒜粒， 味道丰富。

⭕即磨白咖啡～ 记得上次已经饮过这里的白咖啡， 味道香浓好饮。

餐厅食物有质素，环境干净卫生， 值得推介。

亚金南洋茶室
地址: 观塘伟业街180号Two Harbour Square地下F&B1号舖