午餐抵食价钱68-98一个人，食到个铁板烧set，每份套餐有味噌汤、渍物、沙律、炒饭、主菜，依个价钱好抵食。食物质素正常，胜在价钱抵食。

[海鲜$98]
好多款种类既海鲜，有蠔、鱿鱼、带子等等，反而海鲜烧得不错。
[厚烧牛舌$98]
牛舌好够厚，但烧得过火咗，肉质好韧，好难咬，不推荐。

环境
装修得好靓，墙身劲多酒，楼底好高，但座位较少得十个左右。

⭐️最新餐厅资讯可以上facebook「Hungry Monkey」睇。

Hungry Monkey (铜锣湾)
铜锣湾登龙街1号金朝阳中心二期地下B号舖

又再放无薪假，约咗朋友出嚟铜锣湾行街，见到Hungry Monkey系主打大家都好耐冇食嘅铁板烧而且价钱唔贵，所以决定喺度食lunch仲可以一边食一边欣赏师傅烹调美食

梅水晶：
鲨鱼软骨爽脆配上梅子酸咪咪好开胃！
芥辣八爪鱼：
鲜味八爪鱼刺身混合浓郁Wasabi味！

明太子奄列：
明太子带少少辣味，同鸡蛋好夹而且唔会过咸，奄列口感嫩滑蛋味浓郁

香葱牛肉薄烧：
牛肉包住大量葱花同炸蒜，牛味香浓入口鲜嫩又juicy❤️❤️❤️

托托蚬：
平时系有四只嘅不过落单嘅时候店员已经同我哋讲咗今日嘅size比较大所以只得三只！托托蚬肉质细嫩鲜甜又弹牙，炸蒜好香好惹味但又唔会掩盖咗蚬肉嘅鲜味

南非鲍鱼：
鲍鱼品种珍贵，肉质厚实，弹牙带爽又鲜味☺️

蟹盛御好烧：
御好烧做法简单但要整得好食并唔容易，餐厅加入多款蟹食材，有蟹肉；蟹籽同蟹膏，味道鲜美蟹味浓郁

食物真系好高质，好食到食到一半我哋已经谂紧下次再嚟要食啲乜

今天老婆宝宝回到外家，探望外父外母。因此，我便与老朋友来到铜锣湾区闲逛了一天，闲逛之际于登龙街的金朝阳中心地下无意发现这间食轻量版的铁板烧餐厅，许久没有吃铁板烧的我们，便相约与老朋友来去用餐，来一个男人浪漫。

餐厅门口的店名和内里的吧枱位置同样使用霓虹灯作招牌，予人感觉瞩目吸睛，整体装潢以木系配搭皮革座椅为主元素，座位顶部设置有酒柜陈列各款酒类，配衬暗调的柔和灯光，设计型格特别。

矿泉水
普娜天然矿泉水来源于义大利国家天然保护区的3700英呎高山里，该处水质新鲜纯净，含有低矿物质，因此其色泽清澈明亮，饮用时顺滑柔软，味道散发矿泉气味，是厨师们拣选作佐餐水的推崇品牌。

蕃茄蒜子沙律
蕃茄是来自日本的新鲜蕃茄，师傅特意将其剥皮再制成沙律，入口蕃茄味浓郁，脆嫩多汁，酸中带甜，配上和风沙律汁、青葱、蒜子调味，整份沙律清新开胃。

唐扬豆池鱼
池鱼又名为真鲹，属鲹科的一种白身鱼，大厨选用幼鱼并以炸制方式制作，用餐时正好一口一条，炸后的豆池鱼色泽金黄，肉质丰腴嫰滑，酥脆香软，咸香味美，挤上柠檬汁同食，鱼香鲜味十足。

帝王蟹脚
帝王蟹当造期是每年11月至翌年的2月份，以蟹脚肉最为饱满，因而餐厅选取蟹脚和蟹钳部分制作。帝王蟹脚肉质新鲜，是二人享用份量，口感结实弹牙，鲜甜绵密，蟹味浓厚。

A5和牛坑腩
A5和牛坑腩上桌时香气扑鼻，使用花朵和叶子衬托点缀，令卖相生色不少。肉质色泽粉嫩，带有脂肪，其牛味浓郁出众，入口即溶，沾上附有的烧汁同食，味道醇厚惹味。

和牛脂炒饭
炒饭色泽金黄，使用和牛脂炒制的饭粒增添牛油甘香，炒饭粒粒分明，镬气十足，可见师傅功力深厚，配料鸡蛋同样炒得分明细颗，蛋味十足，牛肉则嫩滑浓郁，额外还加有红椒、青椒、葱花，口感惹味丰富。

总结而言，餐厅装潢型格吸睛，富有独特风格，环境舒适休闲，而且用餐同时亦可与朋友畅饮。其价格经济合理，服务态度良好，食材方面新鲜优质，味道制作出色，是与朋友们吃饭的好地方。

今日嚟到铜锣湾登龙街拣咗这间餐厅，从餐厅外表睇落去以为系西餐厅，入到去发现原来系一间日式居酒屋～ 我哋拣咗坐厨师前面嘅吧枱

首先一坐低餐厅会先上一份蕃茄蒜子沙律做前菜，因为系收费的，如果唔要的话可以同餐厅讲，不过蕃茄几清新，连蒜子食几有咬口，一坐低有d野咬下都唔错～

之后我哋叫咗个萤光鱿鱼
萤光鱿鱼唔系真系会萤光，而系一啲醃过味的鱿鱼仔，好爽口，虽然睇落好似黐立立，但食落完全冇黏立的感觉，好滑，味道偏咸少少，用来送酒就啱晒～

矶煮鲍鱼
鲍鱼煮得好入味，而且仲有酱汁！师傅会将鲍鱼切成一粒粒非常容易入口～鲍鱼食落厚实，爽弹！鲍鱼本身煮得带好少咸香味连同酱汁一齐食甜甜地，几好食～整体感觉好清爽

蟹盛御好烧
呢个系当日厨师推介之一，由于系蟹盛的关系，今次呢个御好烧同平时唔同，多左好多好多蟹膏系上面:love: 最上面仲有鲜蟹肉，底层系好似大阪烧咁～ 不过今次就唔会有大阪烧果d酱汁，咁先食到蟹膏同蟹的鲜甜味～ 另外仲附有紫菜同红姜俾客人自己加上去一齐食～用味噌调制过的蟹膏唔会好浓味或好呛，蟹的鲜味果有保留到～每啖都大大啖蟹膏真系好满足～ 底层的大阪烧唔会好厚重或者好粉，系做到大阪烧果种松松散散的口感，所以即使成块御好烧好大块，但食起上来都不会好滞口，两个人食刚刚好～

伊势海老
冇得去日本都唔知几时先可以再去日本食海鲜，餐厅又一厨师推介烧伊势海老～我同老公见到已经流晒口水，龙虾好大只，见住厨师喺我哋面前烧同起肉，再上碟…真系超香～龙虾烧的表面虽然有少少乾，但内里仍然好juicy,一整旧龙虾肉大大旧，好新鲜，爽口弹牙，刚烧起的关系，暖暖的龙虾汁一路食一路渗出来，好鲜甜～一个字，正！

最后仲要咗个炒面饭
餐厅话呢个系佢哋嘅自创菜式，净系炒饭有点单调，所以捞埋一啲面碎一齐炒增强口感～炒面饭粒粒都炒得好干身，好得意一食就食得出阵日式炒面的味道，加上餐厅的装横和气氛，真系有置身于日本的感觉～炒面饭真系几好食，同平时食的日式炒饭好唔同～

好愉快喺呢间餐厅食咗一个日式海鲜餐，餐厅老板非常友善，应该是一个好客之人，见好多客人都似系熟客再嚟捧场，成间餐厅的气氛都好好，好relax,好愉快～

外型是酒吧，食物是日式居酒相似，又西又日的配搭，新奇够创意。
环境地方不算大，有普通座，卡座。

萤光鱿鱼
经过腌制处理，感觉有少少酒香，鱿鱼轻巧细嫩，入口嫩滑。

蕃茄沙律
少许的酸醋汁作调味，提升了蕃茄的鲜味，开胃前菜。

圣子
有手掌长度，大大只，烧圣子火喉到位，软熟鲜甜。

日本炒面
比起中式的炒面，没有那种油腻感，带点湿润。配菜非常多，椰菜，红萝卜丝，木鱼碎....口感够丰富。

这里适合三五知己共聚，边聊边饮，一乐事。