《 黄店外卖速递 》
近排禁止当食，见到黄店外卖团，就梗系要试吓啦。
🔷 特厚鸡扒饭堡 $54
醋饭粒粒分明，味道用左照烧酱黎整个鸡扒，甜甜地好开胃，饭堡仲可以免费加大，啱哂唔够食既朋友呀。跟餐仲送蜜瓜奶，不过奶味偏重。
饭堡份量都几适合做下午茶。🥰
📍雪瀛手作 (西湾河)
西湾河太康街1号丽湾大厦地下K5号舖

去西湾河探完朋友，来太安楼扫街。食完鸡蛋仔，仍有点意犹未尽，决定四处逛逛，继续觅食，在太康街无意中发现了这间「雪瀛手作」。

走近一看，原来是家专卖日式饭团嘅速食店，小店面积不大，以外卖为主，不过客人亦可以站在旁边立食。

先细看餐牌，饭堡选择非常丰富，共有 8 款，分别为特厚鸡扒、厚烧鳗鱼玉子、肉汁汉堡、炙烧蟹柳蟹籽、餐肉玉子、火炙芝士烟鸭胸、碎蛋沙律、鲔鱼沙律，另外亦有一些小食及饮品等供应。

凡购买任何一款饭堡，只须 +$12 即可享饮品及中华沙律拼小食一客。

拣咗特厚鸡扒同厚烧鳗鱼玉子饭堡各一，每款都加咗 $12，配埋小食同饮品。

饭堡全部都系即叫即制，而且仲可以自选酱汁，有沙律酱、黑芝麻、枫辣酱、青芥末 4 款可供选择。两个 Rice Burger 都好坠手，份量十足，而且包装得好整洁，拿到回家亦完全没有走样。

撕开面头嘅黏贴，饭堡即时传来淡淡香气，光看就已经觉得真材实料。

先试下个特厚鸡扒 ($42)，鸡扒超大块，肉嫩多汁，咬下啖啖肉，配料有生菜同蕃茄片。米饭采用日本珍珠米，饭量大约有半碗咁多，食落口感唔错，软熟得来又带点烟韧，好有咬口，米香十足。

至于另一款厚烧鳗鱼玉子 ($48) 亦非常美味，鳗鱼劲厚身，丰腴肥美，入口颇嫩滑，有油香，配埋面头甜甜地嘅鳗鱼汁吃，好惹味。玉子同样厚切，质地挺身滑溜，咬下蛋味浓郁，香口软熟。

两款小食：中华沙律拼螺肉 (+$12)、中华沙律拼日本小丸子 (+$12)，中华沙律洒上了小芝麻作点缀，入口清凉爽翠。螺肉爽滑味美，用嚟过下口瘾都唔错。食完仲有烟韧香滑嘅三色小丸子做甜品，超满足。

至于饮品就拣咗冲绳紫薯牛奶 同 士多啤梨+番石榴乳酸，前者采用来自日本冲绳的紫薯粉加奶调配而成，不含咖啡因，味道香甜浓郁；而后者味道就比较清爽，入口带阵阵果香，都几解渴！