近年大角咀成为美食之区，好多小店都选择喺大角咀开店。由于哥哥住喺附近嘅关系，每次经过都见到好多人排队，今日终于有机会嚟试喇！
半熟吞拿鱼配芒果他他沙律 $88
呢个半熟吞拿鱼食得出系新鲜，好强烈嘅吞拿鱼味，绝对唔系出面啲急冻吞拿鱼，芒果他他亦都好甜，好有芒果味
香草牛油蒜香焗田螺 $88
佢哋嘅田螺系即刻焗，一上碟阵香草牛油蒜香味飘晒出嚟，田螺肉好弹牙，出面食亲啲肉系霉嘅，而且佢哋嘅田螺有满满嘅香草牛油薯蓉包围着，牛油味好香亦都好滑，虽然薯蓉系第二主角，但系竟然薯蓉系最好食嘅，每食一啖都要叫救命，除咗好食我都唔知应该点样形容，同朋友不停争食
德国肠拼盘 $98
佢有三款唔同嘅德国肠，分别系雷根斯堡肠，纽伦堡肠同埋芝士猪肉肠。每一款肠都好好食，而且系即刻整即刻上枱，上到枱仲系热辣辣香喷喷。我最钟意食嘅系芝士猪肉肠，而佢半碟嘅薯蓉同德国酸菜都好好食，冇错又系薯蓉，呢个嘅薯蓉系比较强嘅牛奶味，但系一样都系咁滑。
秘制伊比利亚火腿卡邦尼意粉 $128
识我嘅人都知道我好钟意食carbonara，基本上去亲每一间餐厅都会叫！意粉一上枱已经令我食指大动！佢哋嘅意粉系手工制，面条好特别，从来未食过呢种质感，好好食同埋好挂汁，而且仲有parma ham伴碟。佢哋整呢个意粉唔系用普通烟肉，系选用左伊比利亚火腿，食落唔会过咸。虽然carbonara 系好Heavy，但系佢哋嘅汁唔会做到好杰身，份量同味道啱啱好，食完唔会有一种好漏嘅感觉。
香煎澳洲黑毛安格斯西冷 $198
我哋叫咗Medium rare，sirloin 煎得刚刚，肉质好嫩，好重牛味，但系略嫌有少少厚，如果薄返少少就好喇！而牛扒嘅伴碟又系最好食嘅薯蓉
Tiger Lily $48
第一次饮火百合花茶，清清地几好饮，见到火百合嘅功效原来系可以润肺清火，止咳化痰，补阴退热。啱晒我呢啲支气管炎同埋前一晚头痛都撕裂嘅人士。佢哋嘅花茶好大壶，而且好贴心地有蜡烛座热。饮完真系喉咙舒服咗好多
海盐奶盖抹茶 $48
好得意上面有两粒乐天熊仔饼，海盐奶盖好香，抹茶味亦都好浓郁，同海盐奶盖好夹，可以中和返个味道
overall呢间真系一间好高质嘅餐厅，上枱速度极快，但绝对唔会因为上台速度而d食物系冻，每一碟上到枱都仲系热辣辣！每一道菜都好出色，而且系好好食，同埋佢哋嘅餐牌选择有好多！店员服务态度好好！食饭期间出面仲系大排长龙，好多人喺度等紧位！下次我一定一定会再嚟食，有机会一定会试吓去大埔店！
拥有或管理这家酒店？ 免费获取您的详情页以便回复点评、更新资料或者进行其他操作。