今日放工攰攰地，唔想再辛苦草根爸妈煮饭，所以就拣咗间附近嘅中式餐厅，虽然依家又冇得堂食，但系买外卖返屋企食一样得。
.
京沪酥香烤鸭（$198/半例）
一家四口‍‍‍人数唔算多，所以净系嗌左半个例牌酥香烤鸭试吓先，鸭皮嘅色水好靓，识落未趣，仲带点鸭肉。面皮唔会过乾，而且有韧性，唔错。不过好可惜店员忙中有错，唔记得咗将配料同酱汁俾埋草根，所以只能够斋食，味道有啲单调。
.
外婆红烧肉（$108）
红烧肉选用半肥瘦猪肉，咬落去脂肪部份慢慢系口腔溶化，口感滑而不油腻，猪皮部份仲有Q弹嘅感觉，好满足！肉质够晒软腍，加上个卤蛋好入味，老少咸宜。
.
新疆羊肉抢汤面（$78）
羊肉虽然只系薄薄一片，不过羊肉味好浓郁，再加上香葱真系好香。面质比较腍，弹性唔高，你点可以改善，不过汤底好浓郁，所以食落味道不错。
.
京沪佳肴 (将军澳)
将军澳康城路1号The LOHAS3楼333号舖

康城最近新开嘅商场好hit～成日系网上见到报导，今日我都黎食片皮鸭喇！

环境优美精致，令人觉得舒服。

食物首推片皮鸭，鸭嫩而不骚，店员细心讲解姇法，而配料亦比其他餐厅多。
最推荐系最面个层皮，无咩肥肉，但皮中的鸭油融合左砂糖，唔腻反而齿夹留香，令人想一块接一块。

其他如小笼包，皮薄多汁；冰镇柚子鲍鱼，酸甜开胃，软韧适中；山楂杨梅果，系最后清油解腻。